¹ Ngue vyove, ua tcile mu vi vulumuna na mulonga ueni. ² Muye mu muendele lumo lika, kutuala ku myaka ya chifuti echi. Muovokele kutuala ku mashiko ndhili ya mpundhi, oyo yipanga mu lidhima vana vavamala vaka lithino. ³ Tuva voshe tua tuna kele mukati ka vantu ava, kuli shulitha na mashungu aku vihya avuntu vuetu, na ku panga mashungu amuvila na mana. Ha chithemua tua kele vana va vukalu, ngue vakuavo vali na vuntu. ⁴ Vuno Kalunga mpite mu ngodhi muomu lya chidhango chendi chakama uye ua tuyongola. ⁵ Nambe mu tuatcile na milonga, ua tuneha kumuono muli Kilistu ku ngodhi yendi tunovoka. ⁶ Kalunga ua tu shituile tuva voshe na Kilistu, Kalunga ua tupanga tutumame tuva voshe hamo lika ku muhela ua muilu muli Kilistu Yesu, ⁷ Ngocho ku myaka yikenja aka yombolola vupite vuendi vuakama vua kungodhi yendi na kuambulula mungodhi yendi kuli yetu muli Kilistu Yesu. ⁸ Muomu ku ngodhi vana myovola ha lutcelelo, evi ku vyedhile kulyeni, vya kele vya vuana vua Kalunga, ⁹ Keti vya ku vipanga, ngocho naumo uahi aka li hametha. ¹⁰ Muomu tuna kala Kalunga na vaka vipanga vyendi, vaku panga muli Kilistu Yesu tupange vipanga viye viya na vithinganyeka vya Kalunga myaka yetu ngocho tukenda muli vakevo. ¹¹ Ngocho vene vulukeni viye homua kele vaka vifuti mu ntcitu. Vana kuthana '' kuva lovokele na vika cho vathana '' kulovola''' muntcitu upanga na mavoko avuntu. ¹² Muomu ha ntcimbu yiye vamu tepele kuli Kilistu, vaka kuinja mu chifuti cha Yisaleli, kamua kele na msatavathano amajui alishiko, kuyeneka lutcelelo, na ku yeneka Kalunga mu chifuti. ¹³ Vuno eni laya muakele kula hako mualolo munenja muhyehi hyehi muli Kilistu Yesu na maninga a Kilistu. ¹⁴ Muomu yikeye chivovo chetu, muomu miyatiy yivali ua tu puithile umo. Muntcitu yendi ua pokola chitungu chiye cha hakati ketu cha tuhangununa. ¹⁵ Na tunditha vutodhi na muvila uendi , vukevuo majui alishiko aku vidhilika linga apange yikeye va venya nava ye vantu vavali vakele muntu umolika uamuha ngachiye kukale chivovo. ¹⁶ Keho ava hambethe kuli Kalunga voshe vavali mumuvila umo lika na chiti chaku lindakana, muku muhaka muku mutcihya vutodhi. ¹⁷ Keho uedhile na kuambulula chivovo kulyeni muna kele kulako nachivovo kuli vakele muhyehi. ¹⁸ Muomu hali Yesu tu voshe tuna kovelela muli umo mu Mpundhi Yakuyela kuli Tata. ¹⁹ Ngocho vene, keti ngue muvangendhi lalo nambe vaka ku lishuka, vuno mu vandambo hamo nava ka kuyela, eni muvaka njivo ya Kalunga. ²⁰ Vana mitungu na luvula lua vaPostolu na va Polofeto, Kilistu Yesu vanenya yikeye livue lyamu mbango. ²¹ Muli yikeye njivo yoshe yina litokakana mua chili, yili na kukola muku kala tembele ya kuyela mu li Muene. ²² Muli yikeye eni lalo vali na kumitunga mumo, linga mukale njivo ya Kalunga muli mu Mpundhi Yakuyela.