¹ Ovino mbyo aneyiidre Hompa Karunga. Kenga, aghungu linkiti vyalimbonde shasho shirugho shakushokera mbuto yibubuke, nka, kenga, yayo mbuto yakuhulilira muruku rwamuyangu waHompa. ² Opo vyamanine kulya mbuto yapalivhu, makura anighamba ashi, ''Hompa Karunga, nakanderere ngupirepo; Weni avhura kuparuka Yakob? Ghuyene mudidi.'' ³ Hompa ghakurura kuhamena vino. ''Kapi ngavishoroka'' mo aghambire. ⁴ Ovino mbyo aneghidire Hompa Karunga; Kenga, Hompa Karunga anayita mundiro apangure. Aghu kukutiki mafuta kuntji yalivhu nakushora ntunda yalivhunka. ⁵ Ene anighamba ashi, ''Hompa Karunga, nakanderere shayeka; weni aparuka Yakob? ghuyene shimpe musheshu.'' ⁶ Hompa akutura kuhamena vino, ''Ovino navyo kapi ngavishoroka,'' mo aghambire hompa munukondo. ⁷ Ovino mbyo aneghedire ame. Kenga, Hompa ayimana kulikuma, mulighoko lyendi anakwaterere ngodi dakuvyukita. ⁸ Hompa aghamba name, ''Amos, vinke ghunakumona? Anighamba ashi, ''Rughodi rwakuvyukita.'' Makura Hompa aghamba ashi, ''Kenga ame nganitura ngodi yakuvyukita muvantu vande vaIsrael. Kapinka nganivashuva nka makura. ⁹ Mavango agha vatongamenanga vaIsaak ngagha djonaghukapo, mavango ghakupongoka ghavaIrael ngagha hanaghukapo, ntani ame ngani rwita ndjugho yaJeroboam navita.'' ¹⁰ Makura Amaziah, mupristeli wamuBethel, atumu mbudi kwaYeroboam, Hompa wavaIsrael; ''Amos anakuyendi kuntji adikuvyuke mukatji kavaIsrael. Vavo kapi vana kuvhura kudidimika kunkango dendi. ¹¹ Ovino mbyo anakughamba Amos. ''Yeraboam ngafa kuvita, ntani vaIsrael ngavayenda mughutjwayuki ghure nashirongo shavo.'' ¹² Amaziah aghamba kwaAmos, ''Munomeni, yenda, duka ghuvyuke kushirongo shaJuda, oko kalye mboroto nakukapumba. ¹³ Ene muno muBethel, washapumbwiramo nka, lyalyo livango lyakupongoka lyaHompa nka mbara yaHompa. ¹⁴ Makura Amos aghamba kwaAmaziah, ''Ame kapishi nimuporofete ndi nimonarume wamuporofete. Ame mulitivimuna nka nimutelimbili vitondo vyaghukuyu. ¹⁵ Ene Hompa Karunga kwangupa kukulita vimuna nakuntantera ashi, 'Yenda ghukampumbire vantu vande vavaIsrael.' ¹⁶ Ntantani yuvha nkango daHompa. Ghuna ghamba ashi, washapumba vyakudivyuka vaIsreal, ntani washa ghamba ghudivyuke valipata lyaIsaak. ¹⁷ Weno ngoli ovi mbyo anakughamba Hompa Karunga munankondo, mukamali ghoye ngakara shikumbu mumbara; vanarume voye navanakadi voye ngavafa kuvita. Shirongo shoye ngava shimeta naKushigaghununapo; ngaghukafera mushirongo shavahedana, ntani vaIsrael vavo ngavayenda mushirongo shaghutjwayuki.''