¹ Lihudi lyalinene kovovanakaro pandundu yaSiyoni, ntani kunavantje vovapopera mushirongo shavindundwena muSamariya, muntu ghovatoghorora wamuhovo muvirongo, kwagho mbunga yaIsrael avaya kumbatero! ² Mpitit wenu aghambashi, ''Yenda kwaKalneh ntani ghukakenge; kutunda kunya kuyenda kwaHamati, munkurumbara yayinene; makura ghukaghurumuke kwaGati wavaPhilistines. Vavo hashako ntani kupitakana dimuhoko denu mbiri ndi? Ndipo dimurudi davo dinene kupitakana denu?'' ³ Lihudi lyalinene kunavantje kogho anaturo liyuva lyarukukutu likareshi kwato kuruwana ntani nakutura shipuna shaghuhompa pepi nalidjonaghuko. ⁴ Vavo kurara paghuro dambinga dandjovhu ntani avashungiri shirugho munkonda yakupwiyumukira. Valire ndjwighona damushighunda ntani vitana vyamughutanga. ⁵ Avayimbi ntjumo daghuvaya kurushumo rwakaghorongongo; avakuturamo muvivetaghura yira momo aruwanine David. ⁶ Vanwine vinyu mumarukwihu ntani nakukuwaveka maghadi naghumwavo ghaghufughuli; ngoli vavo kapivakalire naruguvo kupitakana kulidjonaghuko lyaYosefu. ⁷ Mposhi vavokapi ngavava tjidira pandje navavaholire kutjida, nashinka ghunene kwavo vakaliro mushiwandamo kuhamena mukuva pitakana. ⁸ ''Ame Karunga munankondo, naghaname panaghumwande-Oghuno ngoghungambi kwaHompa karunga munankondo, mukareli Karunga, Ame nashetekire ghunankondo waYakopu; Ame nanyenga ovyo adika ghuye. Mpongolishi amenganitapa nkurumbara nanavintje vyakaro munda yamo.'' ⁹ Vyavyo ngaviya ntjene kuhamena kuvantu murongo vahupo mumundi ghumwe, vavo navantje ngavafa. ¹⁰ Vantu pongavaya ovovavatundakano vaya damune marutu-ghumwe oghogashoro muruku rwakurupwita vimpu pandje wamundi-ntjene ghumwe ngaghambe kwamuntu wamumundi, ''mpwaliko ghumwe anakaro nove?'' Wenishene ghomuntu ngaghambe, ''Naghumweshi''. Makura ghuye ngaghambeshi, karenu muna mwena, mposhi atwe kapishi tutwenye Karunga munukondo palidina. ¹¹ Kankuka, kenga, Karunga munankondo ghatapa muragho, ntani ndjugho yayinene ngavayi bamaghura ghufefere, nandjugho dadididi. ¹² Kakambe kuvhura kuyomona kundundu damawendi? Kuvhura ghumwe kupurura nahove yimwe ndi? Weno ove ghunatjindji veta mughushungu ntani nanyango dakuhungama dakudira ghururu. ¹³ Ove ghumwe oghambashi, ''Kapi twayaghupa Karnaim mughunankondo wanaghumwetundi? ¹⁴ ''Ngoli kenga, Ame nganishapuka naghunankore nove pashirongo, mumbunga yaIsrael-oghuno ngoghungambi kwaHompa Karunga munanankondo, mukareli Karunga. Vavo ngavakuhepekave kutunda Lebo Hamati kumurudi wavaAraba.''