¹ Vino mbyo vya piro shinka va Isareheli ashi Amosi mukungi ndjwi muTekoya, kwawanine lineyedo kwavyo vya horamo. Ghuye kwawanine vininke vino mumayuva gha Hompa Uzziah wavaYudah, ntani nka mumayuva gha Jeroboam mona Hompa pangeli Yoashi wava Isareheli, mwaka mbiri kumeho yalikinko livhu. ² Gha tanta, "Hompa ngayiyira kutundilira muZion; ngayerura liywi lyendi kutundilira muJerusalema. Malyero ghavakungi vindjwi ngagha kukuta; pawiru yandundu ya Carmel ngapa kukuta. ³ Vino mbyo ghatantire Karunga; "Ngoli dino ndjo ntatu dava Damascus, nampindi dikare nee, Ame kapi nganitunda kumatengekero, Mukonda vamushwayire nashishwayita shashikugho. ⁴ Ngani tuma mundiro mumundi waHazael, nakukwangulita kudipitapo ghuna nkondo wa Ben Hadad. ⁵ Ngani tjora heka yashikugho lyaDamascus nakuhangurako muntu gho ghapongerango dimuramba daAven, nagho a pangerango mu Beth Eden. Vantu vamu Aram ngavayenda mudorongo mu Kir," ngoli ana kutanta Hompa. ⁶ Vino mbyo ghana kutanta Karunga: Kundjo ntatu da Gaza nampiri nee, Kapi ngani tjindja matengekero, Mukondashi vaghupire vantu vakaliro nankwati, vava ture mumaghoko gha Edom. ⁷ Nganituma mundiro mumakuma gha Gaza, nakukwangulita kughupapo ghunankondo wendi. ⁸ Ngani hangura ko vantu vho vatungo me Ashdod ntani navantu vho vakwato ngundi vatundo ku Ashkelon. Ame ngani pirura lighoko lyande mukurwanita ghunkore waEkron, ntani vaPhilistine navantje ngavadimapo," moghana kutanta Hompa Karunga. ⁹ Vino mbyo ghana kutanta Karunga: "Kundjo ntatu da Tyre, nampindi dikare nee, Kapi ngani tjindja matengekero, mukonda vatapire vantu navantje kuEdom, ntani vatjolire likukwatakano pakatji kavantu. ¹⁰ Ngani tuma mundiro mumatungo gha Tyre, nakukwangulita kudimitapo vanankondo. ¹¹ Muno mo ghana kutanta Karunga, "Kundjo ntatu da Edom nampidi dikare nee, Kapi ngani tjindja matengekero ghande, mukonda washupulire munyoye narufuro nankenda yakupilire. Ghugara wendi shimpe ghaghutwikiri ntani ngaghu karera po. ¹² Ngani tuma mundiro muTeman, nakuya kwangulita kughupapo mavango ghamu Bozrah." ¹³ Vino mbyo ghana kutanta Karunga, "Kundjo ntatu davantu vamu Ammon, nampindi dikare nee, Kapi nganitjindja matengekero ghande, Mukonda vataghulire vakamali vamalira vamu Gilead mposhi ngaviyure kunene pita dimurudi davho. ¹⁴ Nganitweda mundiro mumatungo gha Rabbah, nakudjonaghura muliyuva lya vita, nakuhomokera muliyuva lya likundungu. ¹⁵ Hompa wavho ngayenda mumango, kumwe namarenga, ghendi;"