1 Kuruku rwaruvede hompa ghuye nda akarera mumundi wendi, naKrunga ana mupa mpora kumaruha naghantje kuva nankore yendi ovo vamukundurukido, 2 hompa atantere Natani mupumbi, ''Kenga, ame kwatunga mundjugho yavitondo vyasedari, ngoli shikesha shamakugwanekero shaKarunga kuna kara mukatji katente.'' 3 Makura Natani atantere hompa, ''Yenda, ruwana nkehe vino vina karo mumutjima ghoye, morwa Karunga nove ana kara.'' 4 Ngoli ngogho matiku nkango yaKarunga ayi ya kwaNatani, mukughamba: 5 ''Yenda nakuka tantera mukareli wande Daviti, ovino mbyo ana kughamba Karunga: Kuvhura ghundikire ndjugho oyo ngani kara ndi? 6 Morwa ame kapi nakara rumwe mndjugho kutunda opo nakagupa mbunga yaIsraeli yitunde muEgipte dogoro ruvede runo; ngoli, ame kwayendera mutente, mundjugho yatente yakupongoka. 7 Kumavango naghantje nayenda mukatji kambunga nayinte yaIsraeli, kapi naghamba shimpe rumwe kuvampititi ovo na toghorolire vakunge mbunga yande yaIsraeli, mukughamba, ''Morwa nke vyakudira kundikira ndjugho yavitondo vyaSedari''' 8 Makura ngoli, tantera mukareli wande Daviti, 'Ovino mbyo ana ghamba Karunga wambunga yavakavita: Ame kwakughupa kumalyero ghandjwi, utunde kuku kwamakwama ndjwi, makura ghuvhure kukara mupangeli wambunga yande Israeli. 9 Ame nove nakalire nkehe kuno kaghuyendanga. Mbyo namanapo vanankore voye kumeho yoye. Ngoli ame ngain nenipita lidina lyoye, yira madna ghamwe ghava nenetu muudjuni. 10 Ame ngani negheda livango lyambunga yande Israeli makura ngani vatapekapo, makura ngava tunga ngoli palivango lyava vene ngoli lishadauro makura ngalishaye. Vakorokotji kapi ngavava hepeka nka, yira momo ngava viruwananga pamuhovo, yira momo tupu kavavirughananga pamuhovo, 11 yira momo tupu kavavirughanaga mayuva ghanya natuliremo vapanguli mukupangera mbunga yande Israeli. Ngoli ngani mupa rufugho kuvanankore venu navantje. ''Shimpe nka, Ame, Karunga kuna kukuyivita ashi ngani kupa ruvaro. 12 Opo ngaha tikamo mayuva ghoye makura ngaghuka rara pavakughona voye, ame ngani ghupa monoye kuruku yoye, umwe ogho ngatundo murutu roye, an ame ngani pameka uhompa wendi. 13 Ghuye ngatunga ndjugho mulidina lyande, makura ame ngani pameka shipundi sha uhompa wendi dogoro naruntje. 14 Ame ngani kara sha, ano ghuye ngakara monande wamukafumu. Ntjene ngandjone, am ngani mupishura nashinyanyi shavantu na kumushepulita kuvana vavakafumu vavantu. 15 Ngoli likukwatakono lyaufenkenda wande kapi ngaghu tundapo papendi, yira momo naghuupire paSauru, ogho naghupire kumeho yoye. 16 Lipata lyoye nauhompa ngaghu karererapo dogoro naruntje kumeho yoye. Shipundi shauhompa ghoye ngani shipameka dogoro naruntje.''' 17 Natani atantere Daviti nakumudukwira nkango nadintje odo, namutantera vyakuhamena limoneko nalintje.''' 18 Makura Hompa Daviti ayendi munkongoro ndjugho yalikaropo lyaKarunga nkokukashungira kumeho yaKarunga nakughamba ashi ve ghundjito palivango lino? 19 Ngoli vino vininke vyavididi mushikenga mantjo ghoye, Hompa Karunga. Ove ghuna ghamba shimpe vakuhamena lipata lyamukareli ghoye kuvininke vyavinene ovyo ngavi yo, naku negheda muhoko wakumho, Hompa Karunga! 20 Vinke nka vyavingi ame, Daviti, nighamba kukoye? Ove wayiva mukareli ghoye, Hompa Karunga. 21 Morwa munkango doye, nakutikitamo shitambo shoye, ove kwa ruwana vininke vino vyavinene nakuvishorwera mukareli ghoye. 22 ''Ani ove ghumunene, Hompa Karunga, morwa kwato umwe akufano, ani kwato Karunga ashetan poye, yira momo twaviyuvha namatwi ghana ghumwetu. 23 Muhoko munke nka wafano yira mbunga yoye Isreali, muhoko ghumwe paudjuni oho ve, Karunga, wayenda nakughuyoghora mwanaghumoye? Ove kwavruwana vino moshi ngava kare mbunga yana ghumoye, mukutulitapo lidina mwana ghumoye, nakuruwana vyavinene naviruwana vyakutjilita mushirongo shoye. Watjidamo dimuhoko navakarunga vavo vatunde kumeho yambunga yo, ovo wayoghora muEgipite. 24 Wahoroghora vaIsraeli yikare mbunga yana ghumoye dogoro naruntje, ngoli ve, Karunga, wakara Karunga wavo. 25 ''Makura ngoli, Karunga shankendengere, ndi litwenyidiro olyo waturapo lyaku hamena mukareli ghoye nalipata lyendi ngali tikiliremo dogoro naruntje. Ruwana momo ghuna wavighambilire. 26 Lidina lyoye nalinenepe dogoro naruntje, makura mbunga ngayi ghambe, 'Karunga wambunga yavakavita ntje Karunga waIsraeli,' okuno ruvaro rwande, Daviti, mukareli ghoye ngalipame kumeho yoye. 27 ''Mukonda yoye, Karunga wambunga yavakavita, Karunga waIsraeli, wavishorora kwamukareli ghoye ashi ove ngaghumupa ruvharo. Mbyo ngoli ame, mukareli ghoye , mbyo nakudiv pamantjo nikanderere kukoye. 28 Ngoweyo, Hompa Karunga, ove ne Karunga, ani nkango doye daghushiri dalihuguvaro, nakutulitapo oghano matwenyidiroghamawa kwamukareli ghoye. 29 Makura ngoli, rnka vikuhafite mukutungika ruvharo rwamukareli ghoye,makura ngava twikire ngoli kukara kumeho yoye dogoro naruntje. Morwa ove, Hompa Karunga, ghuna vighambo vino vininke, namatungiko ghoye kuruvharo rwamukareli ghoye ngagha kare matungiko ghanaruntje.''