¹ Makura marudi naghantje ghaIsraeli agha ya kwaDaviti muHeburoni nakughamba, ''kenga, atwe rutu roye navifupa. ² Muvirugho vyakapito, opo akilire Sauru hompa wetu kwakalire ove kughu pititirango vakavita vavaIsraeli. Karunga kwaku tantilire, 'Ngaghu kara mushita wambunga yaIsraeli, na kukara mupangeliwaIsraeli.''' ³ Makura vayenditi navantje vaIsraeli ava ya kwahompa muHeburoni, ano hompa Daviti atulitapo likugwanero navo kumeho yaKarunga. Ava muwaveke Daviti hompa waIsraeli. ⁴ Daviti kwakalire mwaka dimurongo ntatu opo a tameke kupangera, kumwe nakupangera mwaka dimurongo ne. ⁵ MuHeburoni ghuye kwapangilire vaJuda mwaka ntano na mbiri namwedi nta-mwe , ano muJesrusalem ghuye kwapangilire mwaka dimurongo ntatu nantatu kuIsraeli navaJuda. ⁶ Hompa navantu vendi ava yendi kuJerusalemu vaka rwite vaJebusi, vatungi vashirongo. Ava tantere Daviti, ''Ove nakuvhurashi kuya kuno ndi ngava ngavakutjida vatwiku navavirema. Daviti nakuvhurashi kuyako kuno.'' ⁷ Ngoli kwato, Daviti aka kwata hotepopero yaZiyoni, oyo yina karo ruvede runo nkurumbara yaDaviti. ⁸ Ruvede oro Daviti aghamba, ''Ovo vana kahomona vaJebusi vana hepa kupita yalipompwa lyamema vaka wane 'virema navitwiku ovo vakaliro vana nkore vaDaviti.'' mbyo ngoli vaghaberanga vantu, ''Mutwiku namurema naku ngenashi mumbara.'' ⁹ Makura Daviti atungu muhotepopero nakuyitwenya ashi nkurumbara ya David. Akundurukida kupameka kutunga, kutundilira kumandjugho ghakumakuma dogoro mukatji. ¹⁰ Daviti akara nkondo ghunene mukonda yakarunga, Karunga wambunga yava kavita, kwakalire naye. ¹¹ Makura Hiramu hompa waTiyire atumu ntumi kwaDaviti, na vitondo vyaSedari, vashongi vipirangi, nava shongi mawe. Ava kadika ndjugho yaDaviti. ¹² Daviti avi yiva ashi karunga ana mupameke mukukara hompa waIsraeli, naku nenepeka uhompa wendi mukonda yambunga yendi Israeli. ¹³ Kutunda opo atundiremo Daviti muHeburoni nakuya muJerusalemu, a ghupu vihora vyavingi navakamali mujerusalemu, nakukara navana vavakafumu navana vavakamali ovo vamuyitilire. ¹⁴ Aghano ngo madina ghavanuke ovo vamuyitilire muJerusalem: Shamwa, Shobaba, Natana, Solomon, ¹⁵ Ibuhara, elishwa, Nefege, Jafiya, ¹⁶ Elishama, Eliyada, naElifeleti. ¹⁷ Makura opo vaviyuvhire vafilisiti ashi Daviti vana kamuwaveka akare hompa waIsraeli, navantje ava rupuka vayende vakamu kenge. Ngoli Daviti aviyuvhu naku ghurumuka ayende kuhotepopero. ¹⁸ Makura vafilisiti ava ya nakuya kuhanena muliyana lyaRefayimu. ¹⁹ Makura Daviti apura mbatero kwaKarungu. nakughamba, ''kuvhura nihonene vafilisiti ndi? Kuvhura ghumpe lifundo ndi? Karunga atantere Daviti, ''Homona, morwa kuvhura nikupe lifundo lyava filisiti.'' ²⁰ Makura Daviti ava homona paBala perazimu, nakuva funda. Aku kangere, ''Karunga kuna toghona muvanankore vande kumeho yande yira rupupo rwamema gharuhandjo.'' Makura ava ruku livango olyo ali kara Bala perazimuu. ²¹ Vafilisiti ava shuvu vkarunga vavo vavipempa mpopo, ano Davitinavantu vendi ava vishimbi vavitware. ²² Makura vafilisiti ava kanduka nka nakuku hanena shimpe nka mumuramba waRefayimu. ²³ Makura Daviti akakushenga nka mbatero kwaKarugu,Makura Karunga amutsntere ashi, ''Washava homokera kumeho yavo, ngoli kunduruka kurukurwavo nakuvatundilira muvitondo vyakukuta vyabalisamu. ²⁴ Opo mukayuvha mashayaro ghakuyunga mpepo kundagha- ndagha yavi tondo vyabalisamu,makura mukahomone nankondo. Kaviruwane vino mukonda arunga kuvhura aka ²⁵ mupitire kumeho mukuka homona vakavita vavafilisiti. ''Makura Daviti aruwana yira momo amurawilire karunga. Adipagha vafilisi kutundilira kuGeba mundjira nayintje dogoro kuGezera