¹ Kutunda opo avikara vita vyantaka pakatji kamuhoko waSauru namuhoko waDaviti. Daviti atameke kunkondopa, ngoli vamuhoko waSauru ava tameke kupira nkondo nakupira-nkondo. ² Vana vavakafumu ovo ayitire Daviti muHeburoni. Mbeli yendi kwa kalire Amunoni, paAhiniyamu wamuJezereli. ³ Shikwama mbeli yendi, Kileyabu, ayitire paAbigayili, mufita vya wa Nabali wamuKarumeli. Shikwama ntatu, Abisalomu, kwakalire mona wamukafumu waMaka, mona-kadona waTalimayi, hompa waGeshuru ⁴ Shikwama ne mona Daviti wamukafumu, Adoniya, kwakalire mona wamukafumu waHagita. Shikwama ntano shendi mona wakafumu kwakalire Shefatiya muno wamukafumu waAbitali, ⁵ ntani washikwama nta-mwe, Itareyamu, kwakalire mona wamukafumu waEgila mukali waDaviti. Avano mbo vana vavakafumu ovo ayitire Daviti muHeburoni. ⁶ Opo rwapitire ruvede rwavita pakatji kamuhoko waSauru namuhoko waDaviti ngoli Abinere kwakalire nankondo pana ghumwendi mumuhoko waSauru. ⁷ Sauru kwakalire nashihoro shalidina lyakaliro Ralzipa, mona-kadona waAyiya. Ishibosheti atantere Abinere, ''Morwa nke wararera nashihora shava vava?'' ⁸ Makura Abinere agarapa unene kwado nkango daIshibosheti nakughamba, ''Ame ne mutwe wambwa ngoli wahamena kuvajuda ndi? Mumayuva ghano ame kunegheda ufenkenda kuli pata lyaSauru, vasho, kuva ghuni navakuru vendi, na kuvaholi vendi, mukudira kkukutapa mulighoko lyaDaviti. Ngoli pano ove kuna kumpa ghundjoni wakuhamena koghuno shihora? ⁹ Karunga avinduwanene vino, Abinere, ndi, nkehe vino, ntjeneshi kapi niruwana kwaDaviti yira momo amutwenyidira mumuhano, ¹⁰ mukukughupa Uhompa ghutunde kulipata lyaSauru nakutura Daviti kushipundi shauhompa waIsraeli naJuda, kutundilira kwaDana dogoro kuBeresheba.'' ¹¹ Ishibosheti kapi alimbwilire Abinere nka nkango dakukwamako, mukondo ghuye kwamutjilire. ¹² Makura Abinere a tumu ntumi kwaDaviti muku ghamba naye atanta, ''share nani shino shirongo? Turapo likugwanekero name, ntani ngaghu kenga ashi lighoko lyande lina hama kukoye, muku yita vaIsraeli navantje kukoye.'' ¹³ Daviti alimburura, ''Vina wapa, ngani tulitapo likugwanekero nove. Ngoli shinike shimwe nashana kukoye ntjoshi ashi kapi ngaghuya kenga shipara shande nkwandi muhovo ngaghu ndjitire Mikali, mona-kadi waSauru, opo ngaghu yakukwande. ¹⁴ Makura Daviti atumu ntumi kwaIshibosheti mona-mati waSauru, aghamba, ''Mpe mukamali wande Mukali, morwa ogho kwamufutira mfuto yavipapa vyaFilisti vyakumeho lifere limwe.'' ¹⁵ Makura Ishibosheti atumu morwa Mikali nakuka mughupa pavyendi, Palitiyeli mona-mati waLayishi. ¹⁶ Vyendi amu kwama, ghayenda ghalira, nakumukwama dogoro kuBahurimu. Makura Abinere amu tantere, ''vyuka ngoli kumundi.'' Makura avyuka. ¹⁷ Abinere atantere vampititi vaIsraeli aghamba, ''shirugho shakapito anwe kwakambadalire mukatura Daviti akare hompa wenu. ¹⁸ Ngoli viruwanenu. Morwa Karunga atantilire Daviti aghamba, 'Mulighoko lyemukareli wande Daviti ngani yoghorora vantu vande vaIsraeli vatunde mulighoko lyaFilisiti nakuvatundita mulighoko lyava nankore yavo navantje.''' ¹⁹ Abinere aka ghambita nka pamuntinda mbunga yaBenjameni. Makura Abinere ayendi shimpe aka ghambe na Daviti muHeburoni muka mufwatwilira navintje ashi va Israeli namuhoko naghuntje waBenjameni vana vishana vavi tikitemo. ²⁰ Opo aya tikire Abinere navantu vendi dimurongo mbiri muHeburoni mukuya kengerapo Daviti, Daviti ava ruwanene shipito. ²¹ Abinere afatuliri Daviti, ''Ngani shapuka nakuvapogekra vaIsraeli navantje kukoye, hompa ntilyande, makura ngava tulitepo likugwanekero nove, makura ove ngaghu vapangere navantje momo ghuna shana.'' Makura Daviti atumu Abinere ayende, naAbinere atundupo mumpora. ²² Makura vakavita vaDaviti naJowabu kwaka tundilire kulihomono nakuka shimba mukwato waghungi. Ngoli Abinere kapi akalire naDaviti muHeburoni. Daviti ana mutumu ayende, naAbinere kwatundirepo mumpora. ²³ Opo aya tikire Jowabu na vakavita navantje, ava tantere jowabu, ''Abinere mona wamukafumu waNere kwayire kwahompa, makura hompa mbyo ana mutumu ayende, ani Abinere kuna tundupo mumpora.'' ²⁴ Makura jowabu aya kwahompa nakughamba, '''Vinke ovyo ghuna ruwana? Kenga, Abinere kuna ya kukoye! Morwa nke ghuna mushuvire ayende, ngoli ana piti? ²⁵ Kapi ghuna viyiva ashi Abinere mona wamukafumu waNere kunaya aya kukonge nakuya dimburura maghano-faneko ghoye nakuya kwatakanita navintje ovyo ghuna kuruwana? ²⁶ Opo atundirepo Jowabu paDaviti, atumu ntumi dishupure Abinere, nakuka muvyuta palitope lyaSira, ngoli Daviti kwato ovyo ayivireko kovyo. ²⁷ Opo aka vyukire Abinere kuHeburoni, Jowabu amu twara kumpengi mukatji kalivero lyamangeneno mukuku ghamba naye shipore-pore. Oko Jowabu aka mutwa narufuro mulipumba naku mudipagha. Murupe runya, Jowabu kwavyutire rughoko honde ya Asaheli mughunyendi. ²⁸ Opo aviyuvhire Daviti vyakuhamena kwavyo aghamba, ''Ame nauhompa wande kwato ndjo kumeho yaKarunga naruntje-na-naruntje kuhamena honde yaAbinere mona wamufumu waNere. ²⁹ Ndi honde yendi yitekere pamutwe waJowabu napalipata lyavashe nalintje! Ndi lipata lyaJowabu kapishi ngamupire muntu ogho anakara navimburu vyakuhandjera ndi waviheru ndi wakuremana nakuyendita kumpango ndi wakuka dipagha kurufuro ndi wakupira ndya. ³⁰ Morwa Jowabu namughunyendi Abishayi kwadipayire Abinere, mukonda Abinere kwadipayire mughunyavo Asaheli muvita paGibeyoni. ³¹ Daviti atantere Jowabu navantu navantje ovo akalire navo, ''Tavaghurenu vyuma vyenu mudwate ntjako, nakulira kumeho ya shimpu shaAbinere.'' Ngoli hompa Daviti akwama shimpu muruku muruvede rwavhumbiko. ³² Ava vhumbiki Abinere muHeburoni. Hompa kalilire nakukwanauka unene kumayendo ghaAbinere, navantu navantje nko kulira. ³³ Hompa akara mumalirankali ghaAbinere nakuyimba ''Vinke Abinere ufera yira ligova? ³⁴ Maghoko ghoye hana kughamanga. Maghuru ghoye hanshi mumughuketanga. Yira mukafumu anafo kumeho ya vana vavakafumu vavakorokotji, nove mo ghuna fu,'' shimpe nka vantu navantje ava muliri. ³⁵ Vantu navantje avaya tumangede Daviti alye lyolyo liyuvha kapi lina toko, ngoli Daviti aghana, ''Ndi Karunga adipaye, nakunduwana nkehe vino, ntjene nakumakera mboroto ndi nkehe vino lyalyo liyuva kapi lina toko.'' ³⁶ Vantu navantje ava dimburura ruguvo rwaDaviti, makura ava hafa, navyoshi nkehe vino karuwanaga hompa kaviva hafitango. ³⁷ Makura vantu navantje navaIsraeli navantje ava tikipo liyuva olyo ashi nani kapishi vapanga vyahompa mukudipagha Abinere mona wamukafumu waNere. ³⁸ Hompa atantere vakareli vendi, ''Kapi munaviyiva ashi hompaghona nka munenentu anafo namuntji muIsraeli ndi? ³⁹ Ngoweyo ame napili nkondo na muntji, mpili momo ashi ame hompa muwaveki. Vano vakafumu, vana vavakafumu vaZeruyiya, vadito unene kukwande. Ngoli Karunga ava futite mukorokotji muku tengeka udona wendi, momo ana viruwanene.''