¹ Paurusa, ogho ghatorora Jesus Kristusi akare mu Apostoli muvipanga vya karunga, na Sostenes vaghunyetu, ² Kungereka ya Karunga mu Korinte, ovo vahoroghora mwa Jesusi Kristusi vakare vapongoki, kumwe na kukwenu muna karo kumavango naghantje kovo varapererango mulidina lya muyogholi wetu Jesusi Kristusi, muyogholi wavo na wetu. ³ Nkenda na mbili ya kutunda kwa Karunga Shetu na muyogholi wetu Jesusi Kristusi yikare nanwe. ⁴ Ame kutapa mpandu kehepano kwa Karunga wande kukwenu mukonda ya nkenda ya Karunga mwa Jesusi Kristusi oyo ghatapa kukwenu. ⁵ Ghuye ana mungawopeke mwanavintje, muvighamba na mughukonentu, ⁶ Morwa ghumbangi wa kuhamena Kristusi ghuna tikiliri mo mumwenu. ⁷ Mposhi anwe kapi muna pumbwa maghushwi gha mpepo shirugho shino muna kara mulitaterero ngava shorore muyoli Jesusi Kristusi. ⁸ Ghuye ngaya mukorangeda mukare nalipuro lya linene dogoro kughuhura, mpoishi ngamu kare mwa hana kukara na ndjo kuliyuva lya kuya muyogholi wetu Jesusi Kristusi. ⁹ Karunga kwamuhuguvara tupu, ogho amu horoworo mukare muli kukwatakano na monendi, Jesusi Kristusi muyowoli wetu. ¹⁰ Ame kuna kumukorangeda, vaghunyande, mulidina lya muyogholi wetu Jesusi Kristusi, ashi mukare na likuyuvho mpo ashi mukare na ghukumwe mukatji kenu. Ame kuna kumukorangeda mu kukwata kane kumwe mumaghano na muviruwana. ¹¹ Kani wana mapukururo ghakuhamena kukwenu, kuva ghunyande valipata lya korowe ashi muna kara dimutangu mukatji kenu. ¹² Kuna tamba vino: Weni omo ghuvhura kughamba ashi, '' Ame wa Paurusi,'' ndi '' Ame wa Apollosi,'' ndi '' Ame wa Cephasi.'' ¹³ Nani mwa Kristusi mwa kutavakana? Nani Paurusi ndje va pamperera kushikruse shenu? Ndi anwe kwa wana liyoyero mulidina lya Paurusi''. ¹⁴ Ame napandura Karunga ashi kapi nakushapo ghumwe mukatji kenu, nkwandi Krispusi na Gayiusi tupu. ¹⁵ Vino vimulimbe kutanta ashi anwe kwamukushira mulidina lyande. ¹⁶ (Ame waro na kushanka va mulipata lya Stephanas. Kutunda po, kapi nakuvhuruka vamwe ovo nakusha nka.) ¹⁷ Morwa Kristusi kapi antuma niya kushe nani mukuyuvita mbudi yayiwa-kapishi na nkango da ghukonentu, manashi ngadi ghupa ghuna nkondo mfa da kuSikruse sha Kristusi. ¹⁸ Morwa mbudi ya mfa da kushilivindakano Ugova kwavo ngava kakombano. Ngoli kukwetu atwe vayowora, yayo ghunankondo wa Karunga. ¹⁹ Morwa kwatjanga ashi, '' Ame nganidjona ghura ghuna ndunge wa vakonentu. makura ngani hanaghurapo una ndunge wa va nandunge''. ²⁰ Kuni vana kara vakonentu? Kuni vana kara varongi matjangwa? Kuni nko vaghambi vavanene va muUdjuni? Nani Karunga kapi apirura Ukonentu wa mu Udjuni ghukare ghu gova? ²¹ Mbyovo ashi Ukonentu wa mu Udjuni wa kulimba na Karunga, Karunga vya muhafita mukuyowora vantu ovo vapuro mbudi ya Ugova oyo twa yuvhitanga. ²² VAjuda kwa shana vamone vitetu ngoli vaGereka kwa shana Ukonentu. ²³ Ngoli atwe kuyuvita kuyuvita Kristusi ogho vapamparera kushilivindakano, mbudi ya kulimbika va Juda nava Gereka. ²⁴ Ngoli kwavo ahoroghora Karunga, akare mu Juda ndi mu Gereka, Atwe kuyuvita Kristusi ashi ghuye Unankondo na Ukonentu wa Karunga. ²⁵ Mukondashi Ugova wa Karunga wakara na Ukonentu wa kupita kana vantu, ngoli upiri nkondo wa Karunga kwa kara nankondo da kupita kana da vantu. ²⁶ Monenu vya mulihoramo lyenu vakwetu. Shingi shenu kapi mwahungama pamarutu. Shingi shenu kapi mwa kara nankondo. Shingi shenu kapi mwakara na mfumwa opo vamu shampuruka. ²⁷ Ngoli Karunga kwa horoghora vagova vamushironga afite ntjoni vakonentu vamu Udjuni. Karunga kwahorowora vakupira nkondo vamu Udjuni afite ntjoni vana nkondo. ²⁸ Karunga kwahororghora vahepwe ntani navo vapiro kufumana mu Udjuni. Ghuye kwa horoghora vininke vyahana mulyo, va hanaure po ovyo vyakaro na mulyo. ²⁹ Ghuye kwa rughana vino mpo ashi kapishi pa ghumwe ana kukunenepeko kushipara sha Karunga. ³⁰ Mukonda ya viruwana vya Karunga, weno muna kukwata kana na Jesusi Kristusi, ogho a kaliro Ukonentu wetu wakutunda kwa Karunga ghuye akare muhungami wetu, mupongoki na muyogholi wenu. ³¹ Mpo ana kutanta matjangwa ashi, '' Ogho ana kukunenepeko, akunenepekere vya mwa Hompa''.