^{1 2} 1 Rü Yericòwa na üpetü ga Ngetchutchu ü yema ini üku. 2 Rü yema na yema ga wüiya yatü ya dieruũãkü ü naẽgarü Yaqueu niĩ nümarü wüi ãẽ kakü niĩ ya diẽru arü denuũ niĩ ü ñumatchi na diẽruãũtchi. ^{3 4} 3 Nümarü nüũna dautchaũ na tee niĩ ya Ngetchutchu notürü tauaküma Ngetchutchuũ nadau eü na muutchi i duũũgü ü ñumatchi na nutchane. 4 nümarü yema duũũgü ga yema muũ peewa naña ü ñumatchi wüiya naiiga chikamurugu ãẽganegu naina gü na ñemaãkü Ngetchutchuũ na daũka eü yema ga ngoraguta ñematana üpetü ya Ngetchutchu. ^{5 6 7} 5 Yeguma Ngetchutchu ñema natchikawa nangugu Rü Ngetchutchurü na daunagü i daunagu ü ñanagürügü nüũ ya chakeu paama irüi erü chomarü i ñuma üta ku patagu itcharü aũũ 6 Nümarü na ñuẽẽãkümaã paama inorüi ü taãẽãküma Ngetchutchuũ nayaü. 7 Ñeguma guãma nüũ daugügu i ñaã ü yema duũũgü ü ni deagü ü ñanagürügü ñuãkü i nüma ü wüi i duũũũ i chiei arü üruũpatawa nangu. ^{8 9 10} 8 Yakeu ü natchirü ñanagürü koriĩ duka pa kori chomarü ñema ngearü dieruãgüũnata ngaũtchaã i choü ñemaũgü ü ñeguma ngürüãtchi teẽĩ cha womüẽẽgu ü ãgümükü e pü küna üta tuü itcha taeguẽẽ. 9 Ngetchutchu ü ñanagürü nüũ ñumarü ñema maũ ü kupatawà nongu eü nümarüta Abraãũ nane niĩ. 10 Erü yima yatü nane ü numa naũ na tümakaya daũ ya yiema ü taue na ñemaãkü tana yauũka i maũ itaguma iya gü. ^{11 12} 11 Ñema duũũgü ü yone narü ĩnüẽ i ñema orè i Ngetchutchu nüũ iü Nümarü tama i naya chaãtchi naya dea ü wüi kuaruũãkü namaã ini dea erü nümarü Yerutchare ĩ arü ngaikamana na yema rü nümagü nagu narü ĩnüẽgu ü paatatamà numa naũ ya Tupana. 12 nümarü ñanagürü Rü na yemaga wüi ya ĩãne ga yaũnewa naũ na ñemaãkü ñema ãẽkakü ya iĩka ü yemawena rüna taegu. ^{13 14 15} 13 Rü taremepü naguũ i noü purakütanüũta naka ü wüitchigu na ngi naã i wüitatchinü i diẽru ü ñumatchi ñanagürü nüũ Rü ñimaã meãpe purakü e i ñema diẽru ñumatata itchangu. 14 Notürü yima iãnekaã ü yima koritchi naaie ü yemaka ü nawe nana mugü ga ñerèga ãẽkakügü ü ñanagürügü Tama ta nawae ya daa yatü na tomaã inakua. 15 Rü ngupetü yeguma ina ngugu. ga nawena na ãẽkakü yiĩ ü naka nañemü ga yema tare mepü naguũ i noü purakütanüũ ga yema wüitatchinü naguũ i diẽru nüna naã nañemaaòkü nüũna kuaũka ngoi marü ñure tümague ya diẽru tuũna yaugü nawa i ñema purakü narakü naügu. ^{16 17} 16 Pa kori ü ñema kurü diẽru ru gumepüküna ngiĩtchi muẽẽ 17 Rü ñema diẽru arü yora ü ñanagürü meĩma ikuü ü mekü ya purakütanüũ ikui ĩ erü ñema iraũ i kunatcha ãũwa ü meã kuna ü i ñema purakü ü ñuma i kuma üta gumepü nagune arü ãẽkakü tà ikuiĩ. ^{18 19} 18 Guma noü tarẽ ga noü purakütanüũ ü ñanagürü wüimepü naguũ i diẽru chona kuã ñuma nà toi wüimepü naguũ i diẽruta kuũtcha taeguẽẽ.19 Guma yatü ya diẽru arü yora rü ñanagürü kumaü i ñuma ü ta wüi mepü ya ĩãnẽ arü ãẽkakuta. ^{20 21} 20 Rü ina nguta ya nai ga purakütanüũkü rü ñanagürü pa kori dae ya kurü diẽru ü tama tüma maãtcha purakü ü woimügü tüũtchata. 21Erü kuutcha muũũ eü nüũtcha kua na kumarü wüi ya kori ya chieküma ikuiĩ Rü kumarü ikuna yau i nanetüarüò ñeta tama kuma iku toeiwa. ^{22 23} 22 Yima diẽruarü yora ü ñanagürü Rü ñema kurü orẽ tatamà niĩ i kuũ poku pa choü purakütanüũ erü kumarü nüũ iku kua na chomarü wüi ya kori ya chieküma natchiĩ ü chana de i nanetüarüò ñeta tama itcha toeiwa ü chona yaü i nanetüarü ò i ñeta i tcha toeiwa. 23 Rü taküka tama diẽrumaã i na nguũgu ũgu tüũ ikuũ ya yiema tchoü diẽru na ñema i tu muũka na ñegumatcha taegugu na mukü ya diẽru ñiĩtcha deika. ^{24 25} 24 Guma meikü ga yatü ü ñanagürü̃gü nüũ i ñema nou ngaikamana ñemagü nüna ipe you i ñema diẽru ü guma yatü ga tare merü ñigukü i diẽrutatchinü ü yima ñiĩ peã ì ñema diẽru. 25 Nümagürü ñanagürü pa kori nümarü nüũna ñema tarẽ mepükü i diẽru. ^{26 27} 26 Rü pemaã nüũtchiũ ü teè tüũ na ñemaẽ ü ta yeeraãkü tüna chanaã notürü ya yiema ya tauũma tuũ ñemaẽ ü ñema ira ũ tüũ ñematchire üta nana yau. 27 Rü ñema choü uwanügüũ ñatcharügü ü ñema tama na waegü na pemaã nanakua ẽkü nua i pena gagü ü chaupeegu i pena dai. ²⁸ 28 Yeguma ñaã oremaã a deaãtchigu ü wüipeewa naũ na yerutchareẽwa naũũka ^{29 30 31} 29 Rü na ngupetü ga yeguma nüma nüna nangakamagu gagu mu ĩãne ya betchaguenü Betània ga oribunekü arü ma'pünewa yemane nümarü tarega noü ngueègü ũ na muãtchi 30 Ñaãkünamaã ya uàkü Rü peĩãtchi ü nawa ipeĩ ya ĩãnegü ñeguma nagu ipechokugü ü ñemata niĩ ipeü ngau ya wüi kowaru ya i i akü ya taũetama teẽ tũmagü i toeè Rü ñii ipe wei ü nuã ñiipega. 31 Ñeguma teè pena kagü Rü taküka ngiì ipe weì Rü ñaperügüta Rü kori ya Ngetchutchuna tümawaẽ. ^{32 33 34 35 36} 32 Ga yema Ngetchutchu muãtchi taüũ ü ñema naì ü yema ñiì narü ngau i ñema kowaru ì ìrakü ü rü ni ngu i ñema Ngetchutchu namaã nüũ iü. 33 Na yoni tüũna ya weigü ya yiema kowarü ya irae ü ñema tümaãrü yoragü ü ñanagürügü Rü taküka tüũ ipe weì ya yiema kowaru ya ìrae. 34 Nümagü ü nana ngaü ü ñanagürügü rü kori na tümawaè. 35 Rü Ngetchutchu ũtawa ñiì na gagü ü nümagü rü noü gaũtchimaã tüũna tüetügü ya yiema kowaru arü i rae ü ñemawena ü Ngetchutchuũ tümatãgu naya toeüẽẽgü. 36 yoni na Ngetchutchu i uũũ, ü yema duũũgü ü noü gaũtchiru namagu ni chagüetanü. ^{37 38} 37 Na yoni nüna na ngaikamagü i yema natchika ga ñetà oriweranekü ga mapünewa ü dae guũma i noü mũga nguetanüũ ü nana ügüe nana taãẽgü ü na taga ãküma Tupanaũ ni kuaũũgü naka i yema guũma i megü i nüũ na daugü 38 Ñanagürü i Rü na meètchi ya ãẽkakü ya kori egagu numa ũku i Rüna ñema i ngümü i daũguũ i naãnewa ü ñumatchi megüũ ñema i daũãnewa. ^{39 40} 39 Nümaũgü ga paritcheu ga yema duũũtanüwa yemagü ü ñanagürü pa ngueẽruũ ya ugükuẽẽ i ñema kurü ngueèèruũgü. 40 Ngetchutchu ü nanangaũ ü ñanagürü chomarü ñatcharügü peì ü ñegumatchi narü ñeagugu i ñaã duũũgü ü yima nutagürütchi aita naügü. ^{41 42} 41 Yeguma Ngetchutchu guma ĩãnena ngai kamagu ü guma ĩãneka naaũ. 42 ñaãkü Rü ñegumatchi pema nüũ ipe kuagü na teè pena taãẽ aũ i ñema nguneigu notürü ñuma i nüma ü peetütchawa nügü iniku. ^{43 44} 43 Erüta ina ngugü i nguneì i kuka yeguma ñema peü uwanügü ü peküwawa ti'yurumü ina daẽẽgu ü nümagü ü peküwagu ini choegutanü. 44 Rü nagu na pogüe ya perü ĩãne ü ñema penegürü peĩtawa na ñemagü nümagürü tauküma ya nutà ya mekü ini ügüẽẽ yema pei na ngupetü yerü yeguma Ngetchutchu peitawa ũgu ü tama meã i pena yaugü. ^{45 46} 45 Ngetchutchu ü guma ukapügu na üku ü tüü̃ ina woũ ga guema yema taegüe. 46 ü ñanagürü tüũ rü na wüma tü niĩ rü yima chopata ü wüi ya ì pata ya yumaẽpata ũ niĩ notürü ipemagü ü ñitaagüũpata ipeya ìẽẽ. ^{47 48} 47 Yemaãkü niĩ Ngetchutchu guũma nanguetae nawa ya yima ukapü yema paigü ü wüetaewà purakü e ü ñumatchi yema duü̃ü̃gü maã kuagü ü Ngetchutchuũ na mugütaã. 48 Notürü nümagürü tauũma gutchaũ nawa na daugü na ñemaãkütchi ina uaũgüũka nümagürü tauaküma Ngetchutchuũ ni yaugü eü yema duũũgü ga yema muũ ü meama narü ĩnüẽgü.