¹ Hun, ee Mawu mɔ mi lo mɔ ɛmɛ kinkɔn zɔn onuɖiɖe mitɔn mɛ ɔ, miye lɛ fe fifa ɖe mie lɛ gɔdo Mawu e cɛncɛn mɛ lo zɔn mi hwlɛngantɔ yesu Klisu ji. ² Mi nuɖiɖi na mi mɔ kpego mɔ mɔ okun ɖagbɛ Mawutɔn Yesu ji; okun ɖagbɛ enɛ zɔn mi mɔ liewu mɔ nɔ aceji. Mi mɔ ɖe gigo okunɖiɖo mavɔmavɔ Mawu etɔn mɛ. ³ Gbɔn la jɛ vivɛsise e ganmɛ lɛ ɔ, mi mɔ jijwɛ mɔ nyɔ fan okunɖiɖo ɖe na mi. ⁴ Okunɖiɖo, jiɖuɖu ɖe te kpɔn emɛ mɔ we na okunɖiɖo. ⁵ Vɔ, okunɖiɖo go klɔ ɛmɛɖu e, ɖo wanyinyi Mawu etɔn jwɔ mi ji lɛ mɛ lo zɔn nu nina gbigbɔ wiwe tɔn mɛ. ⁶ Ɖo gan exe mɛ mi kpode ganmaɖo mɛ ɔ, KLisu ɖe gan enɛ mɛ ɔ, e ku do nuvwɛn nɔ lɛ e takun. E la vɛ wu taŋu, na e la lo yi gbe mɔ ku do emɛ kinkwɛn ɖehwlɛ e takun. ⁷ Tanyɔ mɛɖehwlɛn nɛ lo ɖo okɔnkpinkpan lo ku do ɖagbewatɔ ɖehwlɛn takun. ⁸ Vɔ ɔ, Mawu ɖe kɛn e nyi wan na mi ɖo xlɛ, ɖe gan exe mɛ mi kpo lo nyi ogɔjɛtɔ do ɔ,Klisu ku do mi takun. ⁹ Tɛn ɔ Mawu yi mi lo bayi emɛ kinkɔn lo zɔn ehun Yesu etɔn e kɔn ɖawan lɔ mɛ. Tɛn e ɖe fan Mawu la gɔ hwlɛn mi gan ɖe xomɛsin etɔn gɔ ehwɛda na emɛ etɔn mɛ. ¹⁰ Kɛntɔ Mawu etɔn mi nyi san, tɛn ɔ e mɔ gbo ehwɛ na mi lo zɔne vi e ku lɔ mɛ. Tɛn ɔ, exe Mawu lɔ ehwɛgbo gɔ mi ɔ, e ɖe dandan mɛ fan e la hwlɛn mi gan zɔn evi e ovo e sa do mi takun, ¹¹ gbɛ e go wa enɛ lokpo nɔ e, mi lɛ ɖe jihwe mɔ tɔn zɔn Mawu mɛ ɖo mi hwlɛngantɔ Yesu Kliso e Mawu yi lo gbo ehwɛ na mi ji. ¹² Ehwɛ huhu ɔ, gbɛtɔ lokpo ji jɛn e zɔn lo wa egbɛ lɔ mɛ, Emɛ enɛ lɔ e wa Adamu. Ehwɛ huhu lɔ mɔ hɛn iku lo wa. Enɛ e wa nu gbɛtɔ lɛ tɛtɛ lo ku, ɖo mɛ tɛtɛ e hu ehwɛ. ¹³ Foto Mawu la lo na esɛn wu Mɔyizi ɔ, ehwɛ huhu mɔ ɖe egbɛ lɔ mɛ, ɖo esɛn lɔ go ɖe san le ɔ, Mawu go xlɛ ehwɛ do asi na mɛti san e. ¹⁴ Eɖe etɔnɛ co, bɛ ɖe Adamu e hwenu gbɔɔn we jɛ Mɔyizi e hwenu ɔ, oku gbɛ kapcɛ, kaka lo jɛ emɛ exe o wa inu nyinyla ɖi kɛn Adamu ha lɛ fe, ɛmɛ exe la we wa lɔ Adamu e kpajlɛ ha e wa nyi. ¹⁵ O kpego wa jlɛ nunina vɔnu Mawu etɔn do we nyi lɔ go e. Nɛ eyi lo zɔn ehwɛhuhu mɛ lokpo etɔn mɛ, mɛ susu nɔ ku ɔ, hun etɔnɛ ke lozɔn jɔmyɔ mɛ lokpo Yesu Kliso tɔn kɔn do emɛ susu ji we nɛ. ¹⁶ Inu exe nunina Mawu etɔn wa ɔ gbɔnvo na nu e hwɛ gbɛtɔ ɖokpo gee (Adamu enɛ hu ɔn lo wa ɔ, dɔn lo wa. Do ehwɛ exe e lɔ do nugbigble gbɛtɔ lokpo gee enɛ tɔn dɔn hwɛdida wa egbɛ lɔ mɛ. Nunina vɔnu exe Mawu na mi do mi nu nyinyla susu glegle eyɔ godo ɔ, ɖe mi sɛ ɖe hwɛ huhu mitɔn lɛ mɛ. ¹⁷ E sɔn inu gbɛtɔ lokpo gee wa lo jɔ gɔ wutu ɔ, iku lo ɖu ga zɔn gbɛtɔ lokpo ge enɛ ji. E ɖe jijɔ mɛ fan emɛ e mawu na okun ɖagbe gɔdo nunina hwɛjijɔnɔ tɔn gbɔn e zɛ jlɛ go lɛɛ ha nɔ egbɛ mɔ kpacɛ do hwɛhuhu ji ɖo inu Yesu Kliso wa wutu. ¹⁸ Hun, inu gbɛtɔ lokpo ge wa lo jɔgɔ ɔ, dɔn hwɛ dida lo wa na mɛ tɛtɛbi, etɔnɛ ke inu gbɛtɔ lokpo gee ( Yesu Kliso) wa ɔ, ɖe gtbɛtɔ lɛ tɛtɛ ɖe ɛhwɛdida mɛ, mɔ na egbɛ wi. ¹⁹ Ɖi kɛn otonumase gbɛtɔ lokpo ge tɔn zɔn gbɛtɔ susu zun ɛhwɛhutɔ ɔ, etɔnɛ ke zɔn do otonusise gbɛtɔ lokpo ge tɔn zɔn gbɛtɔ susu glegle trɔ zun hwɛjijɔnɔ ɖe Mawu okun mɛ. ²⁰ Esɛn lɔ wa na fan ehwɛ huhu ni lo su, vɔ xie ehwɛhuhu mɔ su ɖe ɔ, nyɔna Mawu etɔn gɔ jwɔ tɛnxwe enɛ mɛ e. ²¹ Enɛ wutu ehwɛhuhu mɔ kpacɛ ɖe iku ji ɔ, etɔnɛ ke okun ɖagbe Mawu etɔn fe ɖu ga zɔn hwɛjijɔ ji, mɔ we kplan mi lo sɔn egbɛ magɔnmagɔn mɛ lozɔn Yesu Klisu mi hwlɛngantɔ ji.