¹ Inyɔ Pɔlu eɖe gan mɛ do KLISU YESU wutu ɔ, gɔdo mi nɔvi Timɔtee enɔ wlan xoma exe lo xlan ɛn filemɔɔ, oyɔ emɛ exe enyi mi ahwannyi mɔ gɔɔ nyi mi dɔn wagbɛ ɔ. ² Oyɔ gɔ ogun exe ebɔ ɖe xi osinmɛ lɛ , gɔ i nɔvi nyɔsi Afia lɔ gɔ mi ahwanfun ha Aacipu eyi mi do xoma loxlan . ³ Mi Mawu Tɔ gɔdo aklunɔ Yesu Klisu ni na majɛna gɔdo fifa wu mi. ⁴ Nɛ nɔ xo eɖɛ gan lele kpokpwe mɛ ɔ, ifliin, mɔ dekpɛ na MAWU. ⁵ Ɖo ise wannyinyi exe o ɖona emɛ ɖedovo Mawu etɔn lɛɛ gɔdo nuɖiɖi exe oɖo na Aklunɔ Yesu ɔ. ⁶ I byɔ Mawu fan kundo kpwɛ exe oɖó gɔdoo ɖé núɖiɖi mɛ ɔ ni bayi nɔɔ nyɔ ɖagbɛ exe mi mɔ yi ɖe KLISU mɛ ɔ lɛ tɛtɛ céké céké. ⁷ Xún nɔvi, wannyinyi exe oɖo ɔ eɖo jijwɛ na tete mɔ do babale nǎ tawun, ɖo o bayi mɛɖedovo Mawu etɔn lɛ áyi mɔjɛdo ⁸ wannyinyi exe oɖo ɔ eyi ezɔn loo biyɔ nu exewui , iyi ɔ, la lɔ nu exe olabayi ɔ mɛ, ɖo KLISU ena acɛ wu. ⁹ Gbɛ i go jlo a bayi do etɔnɛ e . Nyɔ Pɔlu ɔ, imɔ kpo nyɔ́xo , mɔgɔɔ ɖe ganmɛ tɛ́ɛn do KLISU wutu. ¹⁰ Nɔ fankwe nɛ do Onɛzimu e takun , ǐ lɔ YESU KLISU e xo n'i, e mɔ ɖinu , mɔ tlɔzun xuinvi ɖe KLISU mɛ ɖe gankpamɛ hie. ¹¹ san ɔ , ego wa ale ti nɛ e; vɔɔ tɛn ɔ, ewa ale nɛ, mɔ wa ale na nyɔfe. ¹² Tɛn ɔ ilɛkɔ n'i lo hlɛ́ɛn eyɔ emɛ exe ewa xun odɔmɛvi ɔ. ¹³ Ejloo ganji fan ninɔ xuunkɛ ɖe gankpamɛ ɖe hie i ɖe do ewɛn Ɖagbɛ wutu , na nilo do olɔwu do i tɛnwe. ¹⁴ Vɔɔ, igo jlo a bayi oyɔ mɛ vo e; igo jlo na fan asu wui nɔ́ waɖagbɛ na e, vɔɔ , nɔ bayi gɔ oyɔ tete xii jlo . ¹⁵ Etɛn wun nyi fan Onezimu ɔ elɛɖe xii kɛ na gan xixo vǐle, ma we nɔ ikɛ kaka losɔn . ¹⁶ Tɛn ɔ, gɔɔ nyi kannumyɔn nɛ e; xi nɔvi vivɛ eyi enyi tɛɛn nyɔ, emɛ vivɛ lohwlɛn enyi na, emɔ ɖo wa gɔ nyi emɛ vivɛ na oyɔ hugan wu etɔnɛ; i kannumyɔn enyi, mɔ gɔ nyi inɔvi, ɖe Aklunɔ mɛ . ¹⁷ Nɛ xii dɔn ha jɛn nyi xonugbo ɔ , hun mɔ yi kɛn ola yi ɖo ɔ. ¹⁸ Nɛ eɖe ofɔ lele gbɔ nɛ, alo ejɛ ogɔ lele de ɔ, nɔ mɔ lɛ tɛtɛ da kɔna. ¹⁹ Nyɔ Pɔlu tete ewlan xoma exe gɔdo un olɔ, inyɔ Pɔlu la su axɔ nɛ ; ǐna flinnɛ fan oɖu axɔ tete egbɛ axɔ do e. ²⁰ Xun nɔ kɛnklɛn e nɔɔnkpɔn do Aklunɔ go nɔɔ wa dagbɛ enɛ na ; bayi nɛ xun ayi nɛjɛ do, ɖi nɔvi ɖe Klisu mɛ mɔɖe. ²¹ Gan exe mɛ lo wlan xoma exe loxlɛn do ɔ, i ɖeji fan ola bayi do inu exe lo lɔ lohwlɛn , nɔ byɛ , ma gɔ byɛ hugan wu etɔnɛ. ²² Mɔ gɔnɔ byɛ jlokpoe fan nɔ jla xɔlokpo mɛ ɖawan na; ɖo nɔ̌ ɖo kun fan Mawu la yi eɖɛ exe mi nɔ xo lɛ mɔ we mɔ mi . ²³ Epaflasi exe gɔdo enɔ sɛn gan do Klisu Yesu wutu ɔ e dogbe loxlan mi. ²⁴ Etɔnɛ ke, xuun dɔn ha Maki gɔ Alisitaki gɔ Demasi gɔdo Luki é do gbe loxlɛɛn. ²⁵ Majɛna gɔdo fifa mi Aklunɔ Yesu Klisu etɔn ni nɔ gɔdo mi.kp