¹ Gan enɛmɛ lokpo ɔ, emɛ susu jɛ Yesu jɛ Yesu gun gbɛ e gɔ ɖo nuɖuɖu ti wa ɖu e, Yesu mɔ ylɔ e Ahwanvilɛ mɔ lɔ nɛ fan. ² Emɛ éxé lɛ e nu ɖu odɔnu na ɖo ɖe azɔntɔwe gbɔn emɔɖe kpwɛgɔdo gbɛ e gɔ ɖo inuti ma ɖu e. ³ Nɛ e go ɖunu e le ɔ, emɔ ɖoe loxlan e to lɛmɛ etɔnɛ ɔ , hinhlɔn la we gɔnɖe ɖe mɔnji emɔ jawan, ɖo emɛ ɖehwlɛn lɛ ɖe emɛ mɔ lɛ ɖe xi dindɛn. ⁴ Eahwanvi lɛ mɔ yigbe ni fan: "hɛ ela tɛn kpego mɔ mɔnuɖuɖu ɖe mɔ xɔ na gbɛtɔ gbogbo éxé lɛ. ⁵ Yesu mɔ kanse fan: "kpɔnnɔ nɛmu eɖe misi? Emɔ yigbe ni fan acyowe". ⁶ Yesu mɔ nagbe mɛlɛ kewun emɔ sinɔ awan, emɔ bɛ kpɔnnɔ acyowe lɔ lɛ mɔ dekpɛ na Mawu mɔ kɛn mɔ yina e ahwanvi lɛ nɛ lo ma na emɛlɛ; emɔ mɛ nɛ. ⁷ Iwe vitin vitin nɛhwlɛn mɔɖe esi Yesu do ekpɛ na Mawu mɔ lɔ fan nɛ ma na emɛlɛ. ⁸ Yɛmɛtɛtɛ ɖunu ogo mɔ ji ganji emɔɖu, emɔ bɛ inu éxé eɖu kpo ɔ ikpli, emɔ jwɔ jaxwi acyowoe. ⁹ Emɛ éxé ɖe hinnɛ lɛ sɔn (4000) dokpo enɛ etɔnɛ. Enɛ e godo ɔ, Yesu nyɛn. ¹⁰ Jlokpe jlokpe ɔ, Yesu gɔ e ahwanvi lɛ byɛ tɔji hunmɛ mɔ sɔn Dalumanita gbeji. ¹¹ Falizinu lɛ wa Yesu kɛ mɔ nɔ dina tlɛmɔ ni; ejɛ inu dɔn gɔdi ji fan ni jlɛnu lokpo lo ɖexlɛ fan eyɛ e hinhlɔn ɔ Mawu kɛ eyi e lɛɖe. ¹² Yesu sɔn ogbɔ ji mɔ lɔ nɛ fan: "amu ejɔ gbɛtɔ tɛntɔn lɛ mɔnɔ din nujijlɛ? Na lɔ xonugbo nami ego namɔ nujijlɛ lokpo ". ¹³ Exé e lɔ etɔnɛ ɔ e joe do do hinnɛ, mɔ byɛ tojihunmɛ mɔ yankpɔn agé ɖe ɔ ji. ¹⁴ Yesu e ahwanvi lɛ gɔ flin mɔ hɛn kpɔnɔ e. Kpɔnnɔ e kpɔnnɔ lokpo géé e ɖe esi ɖe tɔjihun ɔ mɛ. ¹⁵ Yesu mɔ do esɛn exé nɛ mi cɔ miɖe do Falizinu lɛ gɔ kɔsu Elodu e dɔn go. ¹⁶ Yesu e ahwanvi lɛ mɔ bɛ lilɔ ji ɖe eɖe mɛ fan kpɔnnɔ éxé mi go hɛn e le ɔ eyi e wanu elo nɔ lɔ etɔnɛ. ¹⁷ Yesu mɔ wli ixo éxé enɔ lɔ mɔ kɛnse fan: "amu wutu milo nɔ lɔ fan kpɔnnɔ éxé mi go hɛn e le ɔ eyi e wanu lonɔ lɔ etɔnɛ? Mi go mɔ kunnunjɛ inu mɛ? Nunyinyɔ gɔ hwedomi etɔnɛ nɛ? Amu wutu milo nɔ gbɛ tonu sise etɔnɛ? ¹⁸ Mi okun go munu e nɛ? Mi oto go senu e nɛ? Mi go flinnu e nɛ? ¹⁹ Gan éxé mɛ ilo kɔ kpɔnnɔ lo na nuɖuɖu wu gbɛtɔ ofɔwe kanwe ko ( )ɔ, jaxwi nɛmumɛ eyi mi bɛ inu éxé e ɖukpo lɛ do emɔ jwɔ mi mɔ bɛ losɔn? E mɔ yigbe ni fan "owyowe". ²⁰ Gan enɛ mɛ éxé elo yi kpɔnnɔ lo na inuɖuɖu wu gbɛtɔ dɔkpo enɛ (4000) ɔ, jaxwi nɛmumɛ mi bɛ inu éxé eɖukpo ɔ do? e mɔ jwɔ, mi mɔ bɛ lo sɔn? e mɔ yigbe ni fan: "acyowe". ²¹ Yesu mɔ lɔ nɛ fan: "mi go mɔ kunnu jɛ numɛ e nɛ? ²² Yesu gɔ e ahwanvi lɛ e nyakpɔn gletoxo exe eylɔfan Bɛltiyida ɔ mɛ, ito ɔ mɛ tɔlɛ mɔ kplan dahwe okungbigbanɔ ɖehwlɛn lo wa ni, mɔ ɖe kuku ni fan ni ɖolɔ ego mɔ hun okun ni. ²³ Emɔ hɛn okun gbigba nɔ lɔ e olɔ mɔ kplɛn lo sɔn glétoxo lɔ e godo ; e ɖo otan mɔ ɖo olɔ eji mɔkɛnse fan: "omɔ inu lele? ²⁴ Dahwe ɔ mɔ hun okun mɔ lɔ fan: "i mɔ gbɛtɔ lɛ emɔ ciɖi otin mɔɖe mɔnɔ zɔnzɔnlin". ²⁵ Yesu mɔ gɔ ɖ'olɔ okunji ni jɔ owe gɔ. E ozɔn mɔ gbɔ. Emɔ kpɔ ozɔga loxlan mɔmɔnu céɖécéɖé. ²⁶ Yesu mɔ lɔni fan: "sɔn i osinmɛ, ma gɔ lɛkɔ losɔn gletoxo ɔ mɛ é". ²⁷ Yesu gɔdo e ahwanvi lɛ nyankpɔn gletoxo exe tlɔdo Sezalée Filipu étɔn ɔ mɛ. Exe ejɛmɔ nɔsɔn ɔ, yesu mɔ kɛnse fan emɛ inyi emɛlɛ mɔ lɔ? ²⁸ Emɔ yigbe fan mɛnɛhwlɛ lɔ fan onyi Jaan yɛhwesin lɛnamɛtɔ, mebu, mɔ lɔ fan onyi Eli, mɛbulɛ mɔ lɔ fan ixoyilɔtɔ Mawu etɔn nɛhwlɛn eyi o nyi. ²⁹ Yesu mɔkanse fan myɛlɛ lɔ : " emɛ inyi mi mɔ lɔ?" Piyɛɛ mɔ yi xo fan "oyɔ eyi enyi Klisu lɔ". ³⁰ Jesu mɔ do esɛn nɛ tete fan nɛ ma lɔ na emɛti fan eyɛ ewa Klisu lɔ e. ³¹ Enɛ e godo ɔ, Yesu gɔ jɛ inukplɔn e ahwanvilɛji fan inyɔ gbɛtɔvi lɔ la ɖu aya tete, tomɛxo lɛ gɔdo ovɔsanuxwlemawutɔgalɛ, gɔdo esɛnkplɔn emɛtɔlɛ la kpɛwɔ mɔ hu, azan otɔngɔɔ gbe ɔ, mawu lafɔn ɖe ku. ³² Yesu lɔ xo enɛlɛ do faa nɛ. Piyɛɛ mɔ kplɛn lo sɔn kpa mɔ jɛinugbɛni ji fan ma gɔlɔ etɔnɛ ti e. ³³ Yesu mɔ tlɔ mɔ kpɔn e ahwanvi lɛ mɔ bɛ adan do Piyɛɛ ji mɔ fan: budo sataan ; ɖo i susu lɛ go nyi Mawu etɔn e. ³⁴ Yesu mɔ ylɔ ahwan ɔ gɔdo e ahwanvilɛ mɔ lɔ nɛ fan: "nɛ mɛlele nɔ din a jɛ ungun ɔ ni jo e tito lɛ do mɔ kɔ e otinsoga mɔ jɛ ungun. ³⁵ Ɖo emɛ éxé nɔ din ahwlɛn egbɛ, e gbɛ la bu di; emɛ exe la hɛn e gbɛ bu do inyɔ gɔdo wɛnɖagbɛ ɔ wutu ɔ, la hwlɛn e gbɛ gan. ³⁶ Emɛn exe egbɛ ɔ tɛtɛ nyi etɔn egbɛ tete mɔ bu di ɔ, ojɔ lo mu kɔ eɖemɛ ni? ³⁷ Amu gbɛtɔ la tɛn gbego lo yi lo xɔ egbɛ na eɖe? ³⁸ Emɛ éxé nyɔ gɔdo un xo lɛ la nyi inyanu na ɖe gbɛtɔ tɛntɔn gbeji manɔ na Mawutɔ lɛ e owunkɔn ɔ, emɛ enɛ fe la nyi inyanu na inyɔ gbɛtɔvi ɔ gan éxémɛ inyɔ gɔdo un wɛnzangun lɛ la lɛkɔ wa ɖe untɔ e susu mɛ ɔ.