1 Yesu lɛ ninɛ mɔ sɔn nazalɛti to e mɛ e hwɛn deɔ 2 gbɔjwɛ zan jwufu lɛ tɔn wa Yesu mɔ nɔ kplɔn agbasa ; ixo exé o nɔ lɔ lɛ nɔ kpaca emɛ éxé nɔ ɖo to wi lɛ tɛtɛ bi . e mɔ nɔ lɔ fan : wɛ e mɔ inu mɛmɛ yi e e nɛ lɛ nu nyinyɔ lo wunkɔ ewa enɛ éxé eni ɔ, ? a mu e bayi ɖo lo jlɛ inu dabla e nɛ lɛɛ ? 3 otin kpatɔ lɔ gowe nɛ Mali evi lɔ jan nɛ a ! Jaki gɔdo Jozesi gɔdo Judi gɔdo Simɔɔ enɔvi lɔ go we nɛ? e nɔvi nyɔsi le fe goɖe mi mɛ ɖz xi e tɛn ? vɔ inu enɛ lɛ mɔ nyi ofɔklɛn nu nɛ . 4 Yesu mɔ lɔ ne fan : mɛ tɛtɛ eye si gbe yi mɔ lɔ Mawu etɔn éxé ɖe eto mɛ lɛ , hɛnnu mɔ tɔn lɛ gɔdo e osin mɛ tɔ lɔ lɛ jɛn go si é 5 Yesu ɔ jlɛ nugbo ti ɖe xinɛ zɛ ozɔn tɔ kwin owe e eji e ɖ'o lɔ mɔ gbɔ ozɔn nɛ gɔ è ! 6 inu éxé e go dini le ɔ, kpa cɛɛ , e mɔ lɛ ɖe xinɛ , mɔ la jɛ nu kplɔn e mɛ lɛ ji zɔngletoxo exé gogo yi nɛ lɛ mɛ 7 Yesu ylɔ edevi owi owe lɔ lɛ kple , mɔ nɔ ɖoe lo xlan owe-owe , mɔ aca wi nɛ lo kpe iyɛ nyinyla lɛ go . 8 E mɔ lɔ nɛ fan : mi ma hɛn nutizɛ otinkplɔ lokpo lokpo go é , mi ma hɛn nudud é mi ma nɔbyɔɖu tɔ esaki é mi ma hɛn ixwa é 9 mi bla mi fɔ kpa lɛ, mi ma hɛn awu bu lokpe awu ee ɖe kɔ na mi é ! 10 nɛ mi bye ito lele me ɔ , mi nɔ osin éxé mɛ elayi mi mɛjlo ɖe ɔ. kaka lo jɛ gan ee mɛ mi la lɛ ɖe to lɔ mɛ do ɔ 11 nɛ e go yi mi ɖe to lele mɛ e le ɔ , alo ego ɖo to wu mi e le ɔ , mi xuxu mi ofɔkɔ mɔ tɔn ɖe to lɔ mɛ , inu enɛ la ɖe xlɛ ɛ fan ee hwɛ go jɔé. 12 È sɔ nu mɔ sɔn , mɔ bɛ Mawuxo jla na emɛ le ji fan ne lɛ kɔ ɖe ee hwe lɛ gun 13 È nya iyɛ nyinyla ɖe emɛ susuji , mɔ sa ami na ozɔntɔ susu ee ozɔn mɔ gbɔ . 14 iga Elodu mɔ se inu éxé Yesu nɔ jlɛ lɛɛ , ɖo e nyikɔ gbakpe xitɛtɛ bi. E nɛ ɔ ě mɔ lɔ fan : Jaan e mɛ nylɔ do tɔ mɛ tɔ ɔ, fɔn ɖe kú , inu ee wutu elo ɖo hihlɔn lo jlɛ inu enɛ lɛ wenɛ 15 vɔɔ mɛ lehwlen lɛ fan Eli nɛ , mɛ bu lɛ mɔ lɔ fan : gbe mɔ yi lɔ Mawu etɔn ɖe hwlin ha nɛ. 16 éxé Elodu se inu éxé Yesu nɔ jlɛ ɔ , é fan: Jaan ee igbo takun na ɔ eye fɔn ɖe ku 17 Elodu ee nɛ eye zɔn e lo wli Jaan do gankpamɛ , ɖo elodiadi , enɔvi Filipi esi ee eyi wutu 18 Ɖo Jaan lɔ na Elodu fan : E sɛ̀n lɔ nagbe wi fan nɔ yi inɔvi si nɛ ? 19 Elodiadi mɔ hɛn Jaan do o dɔ mɛ , mɔ din na hu i , vɔ e go mɔ i mɔ é. 20 Elodu ɖe cicwɔ hu tɔn na Jaan , ɖo enyɔ fan gbɛtɔ ehwɛ jijɔ nɔ nɛ gɔ nyi emɛ kikɔn . Elodu fun ahwan do Jaan e takun , e sé exó ɔ, e go nyɔ inu ee ewa lin de go é . co nɛ enɔ ɖoto wi ɔ, evivi nï 21 Okun mɛmɛyi lokpo we kɛn na Elodiadi ; keun gbe e nɛ gbe ɔ́, Elodu nɔ ɖu e jijizan ; mɔ ylɔ awhangalɛɛ , fegɔ e mɛ okunɖeji ee ɖe galile tomɛ lɛɛ , fan we ɖu xwe gɔ eye 22 Elodiadi evi nyɔsi lɔ mɔ we ɖuwe , ewe ɖuɖu mɔ jɛ Elodu fegɔ emɛ ee nɔ ɖu xwe gɔdi lɛ nukun. iga Elodu mɔ lɔ ni fan : nu lelejlo ɔ, lɔ na nɛɛ 23 Émɔ do kpa n'ii fan: nu lele kpokpoe ee owa mɔ byɔ nɛ gɔ nyi un hɔluɖuto e ma do we nɛ ɔ, lanɛ. 24 ivi lɔ mɔ tɔn mɔ la kan se wu enɔ fan, amu wakpego lo byɔ tɛn ? e nɔ mɔ yigbe nï fan : byɔ esinmɛnylɔ emɛ do tɔ , e takun. 25 ivi lɔ mɔ fya , mɔ sɔn iga lɔ kɛ, mɔ lɔ ni fan : ijlo fan ; nɔ na Jaan esinmɛnylɔ emɛ do tɔ eta kun wu do gannugbɛjɛ mɛ ɖe xye trolo tɛn 26 ee iga lɔ se etɔ nɛ ɔ , iwu kui tawun vɔ egokpego wagbɛ é , do kpa ee do ni ɖe mɛjlo lɛɛ e okunmɛ wutu. 27 jlokpe ɔ, iga mɔ ɖo esɔja lɛ lokpo lxlan , mɔ na gbe wi fan ni lagbo Jaan etaku la wa. 28 sɔja lɔ mɔ sɔn gankpa lɔ mɛ mɔ lagbe jaan e takun do gannugbɛjɛmɛ we na ivi lɔ , e mɔ yi la na enɔ 29 Ee Jaan edevi lɛ sɔ etɔ nɛ ɔ , ewe ze ewɔ mɔ ɖi 30 Devi owiowe lɔ lɛɛ́ lɛ kɔ lo wa Yesu kɛ , mɔ inu ee ewa lɛɛ gɔdo inu ee ekplɔn mɛ lɛ e gbe ni 31 É mɔ lɔ nɛ fan : miwa mijɛ vo xi exe miti go ɖe e , na mi gbɔjwɛ vile, ɖo e mɛ ee we nɔ din mi lɛ su mɛɖe nɔ sɔn ɔ, mɛɖe ɖewiwa tɔn kaka Yesu gɔ edevi lɛ ɔ mɔ tɛnxwe wa lo ɖunu tete e. 32 E byɛ tɔjihunmɛ , mɔ sɔn zɔga xie mɛti go ɖee 33 exé mɛ mɔ kɛn ebɛ mɔ ɔ, mɛsusu wɔ xie enɔ zɔn ɔ. mɛ lɛe lɛ ɖe ito lɛm to lɛmɛ mɔ dowezun mɔ jɛ nukɔn nɛɛ mɔ sɔn xi éxé enɔ sɔn ɔ. 34 Ée Yesu jɛte ɖe tɔjihunmɛ lɔ mɛ mɔ jɛge ɔ, émɔ gbetɔ ahwan dehwle lɛɛ. Ènu mɔ du odɔnu ni , ɖo èciɖi kɛn lengbo ee godo e mɛ ee wa blen mɔ ɖe. ee nɛɔ e mɔbɛ nu susu kpinkplɔn ɛ 35 Ee ǵanmɛ mɔ nya ɔ , edevi sɛkpɔ ɛ mɔ lɔ ni fan : gblolomɛ we mi ɖe ɖe xié ganmɛ mɔ sɛdo tawu . 36 Ɖo mɛ lɛɛ nɛ sɔn gbeto tegɔ ito éxé ya do ego lɛ mɛ , nɛ la din nu lehwlɛn xɔ ɖu 37 É mɔyi gbe nɛ fan : nỳɛ tete lɛ mi na nuɖuɖu wi. èmɔ yi gbeni fan : feto mi la lo xo kpɔnnɔ xuxu na emɛ eelɛ tetɛ biɔ mi la mɔ ixwagan ofɔle 38 Yesu mɔ kanxo se wi fan kpɔnnɔ xuxu nɛmu miɖo ? mi la kpɔn , ee ekpɔn mɔ yɔ mɛmu ne ɔ ; e we lɔ ni fan kpɔnɔ xuxu atɔɔn gɔdo ihwe owe eye ɖe esi 39 E nɛ godo ɔ, Yesu mɔ lɔ edevi lɛ fan: nɛ lɔ na mɛ nɛ sinnnawan mɛnu mɛnu ɖe ama mu emuji 40 E devi lɛe mɔ ma mɛlɛ kanwe ko kanweke kanle wo kanle wo emɔ sinnawan 41 Éyi atɔ́ɔ́n lɔ lɛ gɔdo ihwe owe lɔlɛ. Ekpɔn jihwle mɔdo ekpe na etɔ: e nɛ godo ɔ e kan kpɔnnɔ lɔ lɛ mɔ yi na e devi le fan nɛ ma na mɛ lɛ . Yesu mɔgɔ ma ihwe owelɔ le na mɛ tɛtɛ bi 42 Eyɛ mɛtɛtɛ ɖunu mɔji ogo ganji . 43 Ē bɛ kpɔnnɔ gɔdo ihwe ee eɖukpo ɔ , emɔ jwɔ jaxwi owi owe 44 islun ofɔ atɔɔn donu atɔɔn eye ɖunu ɖe xinɛ . 45 Ee nɛ godo tlolo ɔ, Yesu lɔ na e devi lɛ fan nɛ byɛ tɔjihun lɔ jɛnukɔn na eyɛ losɔn betisayida de ege detɔji xinɛ , nɛ tete nɛ do me lɛɛlo xlan osin . 46 exé eɖo me lɛe egodo ɔ, e xla oɔoji mɔ xo eɖɛ. 47 éxé ozan nɔ do ɔ , tɔjihun mɔ de xuzanmɛ , Yesu lokponɔ gě mɔ kpoɖe tɔge lɔji 48 Yesu mɔ edevi lɛe lo xlan e mɔ nɔ vankan tawun lo kun ihun lɔ , do jɛhɔn eye enɔ kpe ; be ɖe gɔn tɔn zanmɛ losɔn fifɔnme. etɔ nɛ ɔ , é zɔnzɔnlin zɔn uji lo sɔn ekɛ bo din wa nya ee go 49 ee edevi lɛ mɔ ɛ e nɔ zɔn zɔnlin lo zɔn xuji ɔ, è bu fan i nu eye mi nɔ kpe sin e mɔ bɛ abobo didi 50 Ɖ eyɛ̌ mɛtɛtɛ eye mɔ ɛ mɔ cwɔ , vɔ emɔ lɔ nɛ fan : mi kpan okɔn , inyɔ nɛ , mi ma cwɔ e 51 É mɔ byɛ tɔjihun e mɛ eɖe ɔ mɛ jɛhɔn lɔ mɔ ɖoɖa , emɔ kpaca wii tawun . 52 Ɖo ègo mɔ kunnujɛ nu jlijlɛ kpɔnnɔ xuxu lɔ étɔn go é ɖo è hi oto 53 Yesu gɔ do e devi lɛ zɔn xu lɔ ji mɔ la gli hun dó Jenɛzalɛti . 54 Ee ejɛtè ɖe tɔjihun lɔ mɛ ɔ, me le mɔ Yesu , mɔ́ mɔ̀ kunnu jɛ go jlokpé . 55 È mɔ do wezun mɔ lajla zɔn tolɔ mɛ fan Yesu waèé ozɔntɔ eede ozɔn zan ji lɛ ɔ, è mɔ́ ze e lo wa na Yesu. 56 Xi exe Yesu mɔ je lɛ tɛtɛ bi ɔ gle toxo mɛ oo , ito gbo oo , gleta oo , mɛ lɛ ze ozɔntɔ lɛ lo wa dogba lɔ lɛ ji è mɔ lɔ na Yesu fan : ni kɛnklɛn nɛ ozɔntɔ lɔ lɛ nɔ do olɔ ee awu to vɔvɔ. È mɛ éxé do alɔ ee awu to lɛ tɛtɛ e ozɔn mɔ gbɔ