1
Tintɔnwenya e xwe gɔdo kpɔnnɔ éxé mɛ ego do kpɔnnɔfɔnnu e xwe kpo azan owe. Vɔsanuxwlemawutɔ galɛ gɔ esɛn kplɔn emɛtɔlɛ nɔ kan kɛn ewa bayi ɖo mɔ wli Yesu mɔ hu ɔ e ahwanklo,
2
vɔɔ, enɔ lɔ ɖe eɖemɛ fan mi go kpego a wli ɖe ixwe lɔ e ganmɛ e, e go wa etɔnɛ e le ɔ, togun ɔ lawe fɔngu.
3
Yesu mɔ we ɖe ito éxé e ylɔ fan Betani ɔ mɛ, mɔ nɔ ɖunu ɖe sinɔ exé mɔ jɛ gudu kpɔn ɔ osinmɛ; nyɔsi nɛhwlɛn mɔ we tɔn mɔ hɛn celu xɔxwa winwɛn ganji do igo mɛmɛmyi nɛhwlɛn mɛ, igo enɛ ɔ, ekpɛn eylɔ fan aluba tlu ɔ eyi e yi lo bayi; nyɔsi ɔ e hun go ɔ mɔ kɔn celu do takun n'i; ama éxé e ylɔ fan naan ɔ ɖoɖo elo bayi celu ɔ.
4
Inu enɛ vɛɖe emɛɖehwlɛn lɛgo ɖe emɛ, emɔ jɛ lilɔ ji ɖe eɖe lɛ mɛ fan: "amuwutu elo gu celu ɔ etɔnɛ?"
5
e yi ɔ, e la sa celu enɛ ganxwa ofɔle kanweko (300) mɔ ma na wamamɔnɔlɛ" . Emɔ bɛ ebɛ kikɛ dego na nyɔsi lɔ.
6
Yesu mɔlɔfan: "mi joedo, amu e tagba mi nɔ do ni, inu mɛmɛyi eyi e wa na.
7
Ɖo wamamɔnɔ lɛ ɖe mi mɛ tɛgbɛ. Ejlo mi ganlele kpokpwemɛ ɔ, mi yi la wa ɖagbɛ nɛ. Nyɔ go na nɔ mi mɛ tɛgbɛ e.
8
Kɛn e kpego ɖo ɔ eyi e bayi ɖo enɛ. Kɛn e sa ami na cwɔ mɔ ɖi ɔ eyi emɔ sa na un agbaza ɖawan tɛn na gbe éxé gbé ela we ɖwi ɔ.
9
Alɔ xonugbo na mi, e jla ewɛnɖagbɛ mawu etɔn zɔn xilele kpokpwe ɖe egbɛ ɔ tɛtɛ mɛ ɔ, e la nɔ lɔ inu éxé nyɔsi éxé bayi tɛn ɔ e xo, mɔ yi lɔ flin.
10
Ɖe ahwanvu Yesu etɔn owi-owelɛ mɛɔ, emɛ éxé nyi judasi isikaliɔtɔ la mɔ vɔsanu xwlemawutɔ ga lɛ, mɔ na jo Yesu nɛ̌.
11
Exe éɖotowi godoɔ, evivinɛ̌, emɔ do okpa ni fan eyɛ la na exwa wi, é jɛn kɛn e wa bay ɖó, mɔ jo Yesu nɛ̌ ɔ din ji.
12
Gan exomɛ éɖu kpɔnnɔ xuxu éxé mɛ e go do tɔn é ézan tantɛn ɔ gbe ɔ, gan emɛ mɛ éxé e hu lɛngbɔvi lo ɖu Tintɔn lo nya exwe ɔnaɔ, Ahwanu Yesu etɔ lɛ kɛ̌n se fán: "xɛ odin fán ami fán ami ta bay tɛnxwe ɖo ɖ'awan n'ɛ na Tintɔnlo nya é xwe ɔ?"
13
Yesu mɔ ɖo é ahwanvu owe tohlan, mɔ lɔ nɛ̌ fán: "Mi sɔn toxo mɛ; mi la mɔ dahwe nɛhulɛn, émɔ hɛn tɔ zɛn. Mi la xweli.
14
Osih éxé mɛ ela byɔ ɔ, milɔ na osintɔ ɔ fán: cica fán: xɛ mɛ jlo yí tɛnxwe éxé nyɔ gɔ un ahwanvu la na ɖu tintɔnlonya ɔ éxwé ɖeɔ ɖé?
15
Milɔ etɔmɛɔ, élaxlɛ ixɔ gbo nɛhwlɛn mí ɖe a sun hun ji, kéun nu tɛtɛ mɔ sɔgbe ɖ'émɛ, xinnɛ eyi mila sɔ ixwe lɔ enú ɖ'awan na ɖe."
16
É ahwanvu lɛ mɔsɔn Toxoɔ mɛ, mɔ mɔ inu lɛtɛtɛ kɛ́n Yesu lɔ ɖo nɛ̌ ɔ, keun e mɔ ɖa tintɔnlonya exw e ɔ, é nuɖuɖu ɖé xin nɛ.
17
Exe hwe do wa ɔ, Yesu gɔ é ahwanvu owo-owe lɛ wa.
18
Gan éxé mɛ énɔ we ɖunuɔ, Yesu fán: "Alɔ xonu gbo nami, mɛ lokpo na sa un ɖe mimɛ éxé ɖunu gɔdo un lɛ mɛ."
19
Exé e se étɔnɛ ɔ, wú kui, emɔ bɛ kinkansewi ɖé jɛ ɖegun fán: "nyɔ gomɛ eló,, alo?"
20
Yesu mɔ yigbe nɛ̌ fán: "mɛ lokpo nɛ, mɔ ɖe mimɛ owi-owe éwé nɔ do olɔ nusɔnuká lokpo ɔ mɛ gɔdoun lɛ mɛ.
21
Xónugbo nɛ, nyɔ gbɛtɔ viɔ ɖo aku kɛn emɔ wlan ɖó do un go ɔ, vɔ̌, ahělu na emɛ exe na sa un ɔ; emɛ enɛ gbɔjwɛ gbɛ egbɛmɛ wiwa ɔ, é kpén'i hun."
22
Gan exemɛ enɔɖúnu ɔ, Yesu kɔ kpɔnnɔ xúxú mɔ d'ekpɛ na Mawu, mɔ kan, mɔ na é ahwanvu lɛ fán: "Miyi, éxéɔ un agbaza nɛ".
23
Égɔ kɔ kɔkpo lokpo, vɛ̌n mɔ́ ɖɛ̌mɛ, emɔd'ékpɛ na Mawu,mɔ kwɛ nɛ̌, émɔ nutɛtɛ.
24
Emɔtɔ nɛ̌ fán: " etɔ ɔ, un hun nɛ, ihunn éxé ma kɔ na okiɔjijɛ é ofɔ do te ɔ na ɔ nɛ, éyɔ ékɔ do awán do emɛ susu é takún.
25
Alɔ xo nugbonamì: gona gɔ nu vɛ̌n ti gbɔ́n le ja gan exe mɛ la nu vɛ̌n yɔ́yɔ́ɔ ɖe kɔsuɖuto Mawu etɔn mɛɔ é.
26
Keun emɔ jí ixweɔ é han lɛ, mɔ nyakpɔn olivutin ésóɔji.
27
Yesu lɔna é ahwanvu lɛ fán "Mi mɛ tɛtɛ enyi ihu éxé na jɔ do un jiɔ la hɛn jiná, mìmɛ tɛtɛ mɔ gbado; ɖó e wlan do maxowema mɛ fan: 'la hu lɛngbɔ nyitɔɔ, keun lɛngbo lɛ tetɛ mɔ gbadó.
28
Vɔ̌, han éxé mɛ Mawu lá fɔn un ɖe kú godoɔ, la jɛ nukɔn nami losɔn Galilée."
29
Piyɛ mɔ lɔ n'i fán:" mɛɖé lɛ tɛtɛ tɛ ɖoɔ, nyɔ go na jwe do e."
30
Yesu mɔ lɔ n'i fan: "Alɔ xonugbo nɛ: oyɔɔ, ɖe o zan éxé mɛ tɛn ɔ, fótó koklo la kɔ akɔ jɔwe ɔ, ola mɔ gbɛ jɔ otɔn fán eyɛ go nyɔ un e."
31
Piyɛ mɔ gɔ tʒɖɛ oji sinsyɛn, fán: É byɔ fán na sɔn kú gɔde ɔ, gona gbɛ fán go nyɔɛ gbe e." ahwan ɖeɔ lɛ fé mɔ lɔ nú lokpoɔ.
32
Yesu gɔ e ahwanvu lɛ we sɔn tɛnxwe exé mɛ e ylɔ ƒan Jɛtisomani ɔ . Elɔ na é ahwanvu lɛ ƒan : Mi sin nɔ xie , nɛ na xoɖɛ lo wa .
33
E mɔ kplan Piyɛ gɔ Jaki , gɔdo Jan . Xɛsi gbo nɛhwlɛn jɛ eji , cicwɔ mɔ bɛ huhu .
34
ɖo é lɔ nɛ ƒan : Aluwɛ exé dɔn emɛ losɔn ku ɔ mɛ i ɖe ; mi nɔ xie , mɔ nɔ wunkle .
35
Exé é lɔ étɔnɛ ɔ , e sɛ lo sɔn owunkɔn vilé mɔ cɔn okɔn , mɔ jɛ eɖɛ xoji ƒan nɛ inu tɛn nyi etɔnɛ ɔ , vivɛ é gan mɛ éxo ɔ ni nya zɔn un go .
36
Mɔ lɔ : untɔ vivɛna , nuti oglo e , sɛ vivɛ e kɔkpo exé do zɔga na , vɔ ni ma nyi un jlo e , vɔ ni nyi i jlo .
37
Enɛ godo ɔ , é lɛkɔ lo wa é ahwanvu lɛ kɛ , mɔ mɔ kɛn énɔ dɔ owlɔn , mɔ lɔ na Piyɛ ƒan : Simɔ , owlɔn onɔ dɔ ʔ ogo kpego a nɔ wunkle na ganxixo lokpo vɔvɔʔ
38
Mi nɔ wunkle mɔ xoɖɛ mɔ ma we jɛ tintɛnkpɔn mɛ e , ɖo gbɛtɔ ɖo jlo ɖagbɛ vɔ é agbaza go ɖo ogbɔ lele e .
39
E gɔ sɔn zɔga mɔ gɔ xo eɖɛ lokpo ɔ .
40
Egɔ lɛkɔ lowa , mɔ gɔ mɔ kɛn enɔ dɔ owlɔn , ɖo e okun lɛ tɛtɛ eyi ekpɛn , kéun ego nyɔ nu exé ewa lɔ ni ɔ e .
41
Exé e lɛkɔ lo wa jɔ otɔn gɔ ɔ , élɔ nɛ ƒan : Mi kpo nɔ dɔ owlɔn mɔ nɔ gbɔjwɛ ʔ E kpé tɛn ; gan lɔ mɔ xo . Gbɛtɔvi ɔ we é jodo do hwɛhutɔ lɛ olɔmɛ we .
42
Mi bo cité ami lɛ . Mi kpɔn ! Emɛ exé nɔ kɔun na ɔ we mɔ gogo we .
43
Yesu kpo nɔ lɔ xo , keun emɛ exe nyi Judasi ɖe é ahwanvu owi owe lɛ mɛ ɔ mɔ wa tlolo keun emɛ suqu nɛhwlɛn lɛ mɔ xwedi , mɔ hɛn i ji gɔdo ikpo . Vɔsanu xwlemawutɔga lɛ gɔ esɛnkplɔn emɛtɔ lɛ , gɔdo mɛxolɛ eyi é ɖoe lohlan .
44
Judasi éxé nɔ sɛ ɔ mɔ na kpɔwɛ exé wi ƒan : Emɛ exé wa kisi na ɔ nɛ , mi wli i , mɔ kplɛn lo sɔn , mi mɔ hɛn sinsyɛn .
45
Exé Judasi lo wa tlolo ɔ , e gogo yesu , mɔ lɔ : Cica , mɔ kisi ni .
46
Emɔ wli i .
47
Emɛ exé ɖe kpwɛ gɔ yesu lɛ lokpo dɔn ji , mɔ do vɔsanu xwlemawutɔ gbo ɔ e mɛsɛntɔ , mɔ kpa to ni .
48
yesu mɔ yi xo , mɔ lɔ nɛ ƒan : Ajotɔ adanuwatɔ éyi i nyi mi lo hɛn eji gɔ ikpo mɔ na we wli un ʔ
49
Okun kɛngbe okun kɛngbe eyɔ i ɖe mi cɛncɛn , mɔ nɔ inu kplɔn emɛ tɔn ɖe sinsɛnxɔ mɛ , co mi go wliun e . Vɔ inu exé e wlan do mawuxowema mɛ ɔ la lo jɔ eyi nɛ .
50
E ahwanvu lɛ tɛtɛ joedo , mɔ si .
51
Dekajɛ nɛhwlɛn mɔ jɛ yesu gun , mɔ ɖe ovɔn lokpo gé mɛ , emɔ wli i .
52
Vɔ é jo é ovɔn do mɔ si govɛ .
53
E kplan yesu lo sɔn vɔsanu xwlemawutɔ gbo Kayiƒu xwɛ , keun vɔsanuxxlemawutɔga lɛ , mɛxo lɛ gɔdo esɛnkplɔn emɛtɔ lɛ é oƒɔ sɔgbe ɖe xin nɛ
54
.Piyɛ jɛ yesu é godo gbɛ égo lɔn mɔ gogo wi e , é nɔ zɔga di gbɔn lo sɔn vɔsanuxwlemawutɔ gbo é osinmɛ . E la sinnɔ emɛsɛntɔ lɛ kɛ , mɔ nɔ xu zo .
55
Vɔsanu xwlemawutɔga lɛ gɔdo toxolɔha jwiƒu lɛ etɔn nɔ din ehwɛ exé e la do na yesu mɔ hwi ɔ .
56
Mɛ susu we ɖe klu ogɔ ni ; vɔ klu exe e ɖeni lɛ ɔ , ti go sɔgbe gɔ ti é .
57
Mɛ nɛhwlɛn lɛ mɔ cite mɔ ɖe klu ogɔ exé ni ƒan :
58
Mise emɔ lɔ : la gba sinsɛnxɔ étɔ exé gbɛtɔ yi olɔ lo bayi ɔ , mɔ kɔ azan otɔn do te , mɔ gba bu exé gbɛtɔ olɔ go gba kpɔ e .
59
Vɔ , ada enɛ ƒe ɔ klu exé eɖe lɛ ɔ ƒe go wa nu lokpo ɔ e .
60
Vɔsanu xwlemawutɔ gbo mɔ cité ɖe ogun ɔ cɛncɛn mɔ kanse yesu ƒan : inu kluɖetɔ enɛ lɛ lɔ do igo ɔ wenɛ , oɖo ixo lele alɔ dégo ʔ
61
yesu mɔ bɔnu , mɔ gbɛ ixo lilɔ , keun vɔsanu xwlemawutɔ gbo ɔ mɔ gɔ se ƒan : oyɔ ewa klisu mawu evi exe emɛ tɛtɛ mlan ɔ etɔn ʔ
62
yesu mɔ yi gbe ni ƒan ! nyɔ nɛ , mi ma we mɔ nyɔ gbɛtɔviɔ ɖe awansinnɔ ɖe Mawu inutɛtɛ go kpétɔ ɔ e oɖusimɛ ; mi la gɔ mɔ un , mɔ lɛ ɖe jihwle zwan ɖe akpɔkpɔ mɛ .
63
Exe vɔsanu xwlemawutɔ gbo ɔ se ixo enɛ exé yesu lɔ ɔ , e vu awu do kɔ na éɖe ƒan : kluɖiɖé lowunkɔ mi gbɛ kponɔ din ʔ