¹ Jezu do ilo lo lɔ xo nɛɛn fan: dahwe nɛhwlɛn xɔ awlan go mɔ do viwun kɔn deji mɔ do kpa trɔdo viungle ɔ tɛtɛ, e gɔ kun do exe mɛ eli otin sinsɛn lɛ do ɔ do gle ɔ mɛ.e ² gɔ bayi nu exe ji gle kpɔtɔ lɛ nɔ ɔ lokpo, mɔ yi gle lɔ yi dasi na viungledɔn watɔ lokpo mɔ sɔn tomɛ, ³ exe viun gbigbɛn e gan mɛ wa ɔ, eɖo e mɛsɛntɔ lɛ lokpo lo hlan viungledɔn watɔ lɔ kɛ na emɔ sɔn la yi viun exe nyi etɔn ɔ ,lowa ni. ⁴ viungledɔn watɔn lɔ wli mɛsɛntɔ lɔ mɔ xo e mɔ nyɛn asi vɔvɔ, dahwe ɔ gɔ ɖo mɛbu lo hlan ye mɔ xoe mɔ zɛ takun ni, ⁵ egɔ ɖo mɛbu lohlan ye mɔ hu eyɔ, e we ɖo mɛ susu bu lɛ lohlan ye mɔ xo mɛ ɖe mɔ hu mɛɖe. ⁶ e we kpo e evi vivɛ ɔ, emɔ we ɖoe lo wlan zɔn ogɔ mɔ nɔ lin do ayi mɛ fan ye mɔ in ɔ ye la si, ⁷ vɔ ɔ viungle dɔn watɔ lɛ lɔ ɖe ye cɛncɛn fan vi exe na ɖu gu ɔ we mi wa na mi hui gle ɔ mɔ trɔzun mitɔn. ⁸ exe elɔ etɔnɛ ɔ, ye zɔn vi ɔ ji mɔ hu mɔ dɔn ecuɔ tɔn ɖe gle ɔ mɛ, mɔ ze gblɛ. jesu mɔ kanse wi fan amɔ dahwe la bayi ɖo, ⁹ e la wa mɔ hu viundɔn wa tɔ lɛɛ mɔ ze gle ɔ do olɔ mɛ na mɛ bu lɛ. ¹⁰ mi omɔ xo exe gble ɖe mawu xo ɔ mɛ, eyi enyi fan: ekpɛn exe xɔtuntɔ lɛ o yi lo mɔ nuti e mɔ ze do adakɛ lokpo. we trɔzun ekpɛ exe ɖe vivɛ ɔ, ¹¹ mawu enu wiwa wenɛ, dɔn kpaca enyi ɖe mi okun mɛ, ¹² jwifu lɛ e ga mɔ nɔ din a wli jezu. Ɖo e mɔ gana-gana fan eyɛ xo e nɔ lɔ ɖe ilo exe e do ɔ mɛ, vɔ ye nɔ hu cicwɔ na togun ɔ mɔ gbɔjwɛ jo e do emɔ sɔn. ¹³ Ye ɖo Falizien lɛ gɔ do Elodu e ahwan nɛhwlɛn lɛ lo hlan Jesu kɛye mɔ kan xo se wi lo ɖo mɔ ni, ye mɔ lo kpego lo wli na e xo lilɔ lɛ wutu. ¹⁴ Ye sɔn mɔ lɔ ni fan cica, mi nyɔ fan xonugbo o lɔ; o go hu cicwɔ na nu ti e gbɛ o go kpɔn okuntakun na mɛti fe to lo lɔ xo e. O xlɛ Mawu e mɔ mɛ tete. Ɖe mi sɛn mɛ ɔ e hɛn ɔ, eyi ɔ, e la su taxwa dada Hlɔmatɔn alo e ni ma su e? ¹⁵ Jesu nyɔ fan ayi owe e nɔ zan gɔ eyɛ mɔ yi gbe nɛ fan amu e mɔ mi nɔ ɖo na? Mi ze ganxwa Hlɔmatɔ lɛ etɔn lokpo lowa na kpɔn. ¹⁶ Ye mɔ sɔn la yi ganxwa lokpo lo wa ni, e mɔ kpɔn eji, mɔ kanse wi fan, emɛ we e ɖe d'eji? Emɛ nyikɔ we ɖ'eji? E yi gbe ni fan dada Hlɔmatɔ etɔn nɛ. ¹⁷ Jesu mɔ lɔ nɛ fan; Mi bo ze nu exe e nyi dada hlɔmatɔn na dada hlɔma, mɔ ze nu exe nyi Mawu tɔn i na Mawu. Xo enɛ exe Jesu lɔ kpaca e. ¹⁸ Sinsɛnha exe e ylɔ fan Sadusinu lɛɛ wa Jesu kɛ ( Yɛ lɛ e lɔ fan mɛkuku lɛ go na fɔn e) e kanse wi fan: ¹⁹ cica, nu exe Mɔyizi wlan ɖ'awan na mi ɔ we: Nɛ fan mɛ lele ɖo nɔvi slun mɔ ɖe nyɔ, gbɛ e go ji vi e mɔ ku jo esi do ɔ, enɔvi la ɖe nyɔsi ɔ, ye mɔ ji vi, e mɔ lo ɖo tɛnxwe na enɔvi exe eku ɔ. ²⁰ Nɔvi nɔvi slun acowe nɛhwlɛn lɛ ɖe; mɛ unkɔn tɔn ɖe nyɔ e o ji vi e e mɔ ku jo esi do, ²¹ emɛ owegɔ ɔ mɔ yi osukusi ɔ i ɖe, ye o ji vi e, mɔ ku, etɔnɛ jɛ enyi na emɛ otɔngɔ fe. ²² Nɔvi nɔvi acowe enɛ lɛ mɔ ku ma ɖo vi. Enɛ godo ɔ, nyɔsi ɔ fe we ku. ²³ Gan exe mɛ mɛkuku lɛ la fɔn ɔ, emɛ esi nyɔsi enɛ lɔ la we nyi ɖe emɛ. E yɔ we mɔ nyi yɛ mɛ acowe lɛ esi we. ²⁴ Jesu mɔ yi gbe nɛ fan: « hunmi o mɔ fan imɔ mi nɔ bu tɛn, ɖo mi o mɔ kunnu jɛ Mawu exo lɔ mɛ e, gbɛ mi o mɔ kunnu jɛ Mawu e ihinhlɔn go e. ²⁵ Gan exe mɛ mɛkuku lɛ la fɔn ɖe ku ɔ, mɛ ti go na ɖe nyɔ, gbɛ mɛti go na ɖe su e. Mɛ tɛtɛ la ci wɛnsagun mawutɔn exe ɖe sɛxwɛ lɛ ha. ²⁶ Mɛ kuku lɛ la fɔn e xo ɔ, mi o mo xlɛ ɖe Mɔyizi e wema exelɔ xo do xɔkan klewun go ɔ? E yi e nyi fan: "Nyɔ e yi e nyi Mawu Ablaxamu etɔn, Mawu Izaki etɔn, Mawu Jakɔbu etɔn". ²⁷ Mawu go wa Mawu mɛkuku lɛ etɔn e, vɔ, mɛxe ɖe gbɛ lɛ e Mawu nɛ. Emɔ mi nɔ bu.» ²⁸ Sɛnkplɔn-emɛtɔ nɛhwlɛ ɖe xinɛ, mɔ se nu exe e nɔ dɔn ɔ, exe emɔ fan Jesu yi gbe do ganji ɔ, e gogo wu ye mɔ kanse wi fan: « Esɛn lɔun kɔ e ɖe unkɔn ɖe sɛn lɛ tɛtɛ mɛ?» ²⁹ Jesu mɔ yio gbe ni fan sɛn unkɔn ɔ we: « Izrayɛli ɖo to Mawu mitɔn lokpo nɔ gee, eyi e wa hwlɛngatɔ. ³⁰ Omɔ yi wan na i Mawu gɔdo i ayi tɛtɛ." ³¹ Sɛn owegɔ ɔ we, o la nyi wan na i owegɔ ɖi oyɔ tete mɔ ɖe.» ³² Sɛnkplan-emɛtɔ lɔ na Jezu fan: Cica ejɔhun ganji xonugbo o lɔ, Mawu lokpo gee exe eɖe ɔ, Mawu ti gɔ ɖe zɛ ego e. ³³ Hun gbɛtɔ ɖo a nyi wan na Mawu gɔdo e ayi tɛtɛ, gɔ e linlɛn tɛtɛ, gɔ e hinhlɔn tɛtɛ, mɔ a nyiwan na e nɔzo ɖi eyɔtete mɔ ɖe; enɛ jɔhun hu vɔ exe e do zo ɔ, gɔ vɔsisa ɖetɔ lɛ tɛtɛ.» ³⁴ Jesu mɔ fan nunyɔntɔ e gbe dahwe lɔ do, mɔ lɔ ni fan, o gɔ din do kɔsuɖuto Mawu etɔn e. Mɛti o gɔ gla mɔ kan xo ti se e. ³⁵ Jesu kpo nɔ kplɔnnu ɖe kplɔn xɔmɛ, mɔ kanse fan: « Amu sɛnkplɔn-emɛtɔ lɛ la kpego lo lɔ fan Kilsu nyi Davidi e vi ɖo?» Ɖo Eyɛ kinkɔn ɔ ze do ayi mɛ na. ³⁶ DAvidi, eyɔ tete mɔ lɔ fan: « Hlɛngantɔn tɔn lɔ na un hwlɛngantɔ fan xinnɔ un odusi mɛ kaka na ze i kɛntɔ lɛ lo bayi i ofɔɖotɛnxwe.» ³⁷ Davidi tete e ylɔ-ɛ fan: «Aklunɔ nɛ», amu e la gɔ kpego lo nyi e vi ɖo? Xo enɛ exe Jesu nɔ lɔ ɔ vi sise na mɛ exe ɖe xinxɛ lɛ tɛtɛ. ³⁸ Jesu lɔ na emɛ exe nɔ kplɔn nu lɛ fan: « Nɛ cɔ eɖe lɛ do sɛnkplɔn-emɛtɔ lɛ go, ɖo nu ex vivi nɛ ɔ, eyi wa nɛ nɔ awuza, mɔ nɔ saɖitɔn nmɔ nɔ dogbɛ na yeɖe lɛ ɖe togunmɛ. ³⁹ E din a xinnɔ zinkpwe okunɖeji lɛ mɛ ɖe kplɔn xɔlɛ mɛ, mɔ ɖin a xinnɔ tɛnxwe tantɛn mɛ ɖe mɛjlo gbe. ⁴⁰ Ye kla jɛ nu exe enyi osukusi lɛ tɔn go, vɔ mɔ nɔ eɖɛ za xo tɔn mɔ a lo ɖexlɛ gbɛtɔ lɛ fan mɛ ɖagbɛ eyɛ nyi. Mawu mɔ a dɔn oto nɛ e mɔ syɛn tete.» ⁴¹ Jesu xinna wan mɔ kpanŋukɔn gba exe mɛ e ze xwa do ɔ, mɔ nɔ kpɔ n kɛn mɛ lɛ nɔ ze xwa do gba lɔ mɛ ɖo ɔ. Xwatɔ susu nɔ ze xwa gbogbo do gba lɔ mɛ. ⁴² Osukusi wamɛnɔ nɛhwlɛn mɔ bɛ xwa vitin-vitin owe do gba lɔ mɛ, xwa owe lɛ tɛtɛ bayi fla lokpo. ⁴³ Jesu ylɔ e ahwanvi lɛ kpli: « A lɔ xonugbo na mi, xwa exe osukusi wamɛnɔ exe na tɛn ɔ, hugan hu mɛɖe lɛ tɛtɛ etɔn. ⁴⁴ Ɖo mɛɖetɔlɛ ɔ enɛ kpe ego ɔ e e na. Eyɔ xwa exe e la lo xɔ nu ɖu mɔ nɔ gbɛ ɔ, tɛtɛ e we ze do gba lɔ mɛ.