¹ Yesu we lɛ xinnɛ, mɔ nyakpɔn Judée gbe ji ɖe ʒudɛ́ɛ etɔ godo. Mɛlɛmɔ gɔ do ahwan mɔ jɛ égun, emɔ jɛinu kplɔɛ ji kɛn é mɔ̌ bay ɖoɔ. ² Falizynu nɛ hwlɛn lɛ mɔwe xwetɔn, mɔnɔdin a tɛ̌ kpɔ́n; égógo wi, mɔ jɛ ihu kanse wí ji fán: "Mi sɛ́n nagbe fán sunnu ní gbɛ é si?" ³ Yesu mɔ yi xó, mɔ kɛ̌n se fan:"Amu Motizi fan ná mi bay?"

⁴ Émɔ yigbe n'i fan? "Moyizi nagbe fán éhun ɔ, o la wlan wema fán eyɛgbɛ̌, mɔ nyɛ̌". ⁵ Yesu mɔ yigbe nɛ fán: "Mi Takun mɛ Si syɛn eyi owanu Moyizi gbɔjwɛ to na ésɛn mi. ⁶ Ɖé bibɛmɛ ɔ, gan éxé mɛ Mawu lo bay inu tɛtɛ yɔ ɔ, 'éwe bay gbɛtɔ sunnu gɔ nyɔsi. ⁷ B̌nɛ éyi ewanu sunnu la jo ètɔ gɔ enɔ do, mɔ jɛ kpwɛ gɔ é si, ⁸ kéun yɛmɛ owe lɛ mɔtrɔzu lokpo géé, ěnɛɔ, y egɔnɔ nyi ɛ owě, vɔ̌, e trɔzu lokpo géé. ⁹ Enyi etɔnɛ ɔ, gbɛtɔ ni ma klan inú éxé Mawu dɔn cáɔe." ¹⁰ Exe ewa osin mɛɔ, É ahuwanvu lɛ gɔ vɔ inu lokpoɔ kanse wi do ixoěnɛ go, ¹¹ emɔ lɔnɛ̌ fán: "Emɛ éxé nya ési mɔ ɖe nyɔsi buɔ́, acɛ eyi égba do nyɔsi tántɛ́nɔ go. ¹² Etɔnɛ lokpo ɔ, nɛ nyɔsi léle gbe ésu mɔ la ɖe bú ɔ, oga eyi élɛ ¹³ lɛ lo wa na Yesu ni lo xoɖɛ do eji; gbɛ é ahwanvu lɛ go lɔn e, mɔ bɛ adán do mɛ lɛ ji. ¹⁴ Éxé Yesu mɔ etɔnɛɔ, xomɛ sǐndo é ahwaanvu lɛ go, émɔ lɔ nɛ̌ fán:" Mijo vikpɛvu lɛ́ɛ do nɛ̌ wa unkɛ, mi sumɔ́ dě, ɖó kɔsuɖuto Mawu etɔn ɔ, emɛ éxe ci ɖi yedɛ mɔɖo lɛ étɔn mɛ. ¹⁵ Alɔ xonugbó nami: emɛ ese go na yi kɔsuɖuɖu Mawu etɔn vikpɛvu mɔɖe eleɔ égona kpego le byɔ émɛe." ¹⁶ Éxé elo lɔ etɔnɛ ɔ, é dɔn vikpɛlɛ do éɖé go, mɔ liliolɔ do takun nɛ̌, mɔ xoɖe do é ji ¹⁷ Imɔ Yesu jɛ kɛɖɛ, mɔ nɔ sɔ́n, kéun ɖeka jɛ ne hwlɛn mɔ do wezun wemɔɛ, mɔ jɛ klo ɖe owunkɔn mɔ kɛ̌nse fán: "cica mɛ́mɛ́yi, amu iɖoa bay, keun Mawu mɔ na igbe magɔn magnɔ un? ¹⁸ Yesu mɔ yigbe n'i fán: Amutu olo ylɔ un fán mɛ́mɛ́yi? Mɛti go nyi emɛyi lo zɛ mawu goe. ¹⁹ O nyɔ́ isɛ́n lɛ: Ma hu emɛe, mɔ lɛ ogae, ma jɛ ajoe, maɖe klù egɔe, ma klɔ́ mɛléléldue, si ǐtɔ́ gɔ inɔ." ²⁰ Ɖekajɛ ɔmɔ yigbe n'i fán: "cica, ɖé ǔn víntin lpkpo eyi mɔ nɔ nyí ésɛn ěnɛ. ²¹ Yesu mɔ kpɔn ɛ, énu mɔ mɔ jɛ é nukun, émɔ lɔ niéi fan: "inu lokpo géé eyi ékpo nɛ: sɔn, mɔ sa inu éxé oɖolɛ tɛtɛ, mɔ ma e xwá na wamamɔnɔ lɛ, énɛ ɔ, olá ɖo dɔkun ɖe Mawu kɛ; ěnɛɔ godoɔ, wá, mɔ jɛ ùngun." ²² Vɔ̌, éxé ése étɔnɛ ɔ, wú kú i, é mɔ lɛ wubláwúblá, ɖó dɔkunnɔ gbo eyi ényí. ²³ Yesu mɔ kpɔn é ahwanvu éxé trɔ d'i lɛ mɔ lɔ: "kɔsuɖuto Mawu étɔn mɛ bibyɛ la Syɛn na dɔkunnɔ lɛkpɔn!" ²⁴ Ixo enɛ kpaca ahwanvu lɛ; Yesu mɔ gɔ yi xó, mɔlɔ ne fán: "un vikpɛlɛmi, kɔsuɖuto Mawu étɔnmɛ la byɔ lá syɛn ²⁵ tete.Wɛ́n nyɛ émɔ́ nugbɛ zinzɔ́n lá vizinzɔn na nyibu hugan dɔkunnɔ le byɛ kɔsuɖuto Mawu étɔn mɛ." ²⁶ Éxé ahwanvu lɛ lo se etɔnɛɔ, égɔkpca wi, keun é mɔ konse Yesu fán: " Emɛ na tɛ̌n kpego lomɔ hlwɛngan?" ²⁷ Yesu mɔ kpɔnɛ dáan, mɔlɔ:" Gbɛtɔ lɛ eyí inu ěnɛ glo, gbɛ égo ɖe étɔnɛ na Mawu é; ɖó Mawu kpé inu tɛtɛgo." ²⁸ Piyɛ́ɛ mɔ yixó, mɔlɔ ni'i fán: "nyiyɛlɛ we jo inu tɛtɛ do, mɔ je ǐgun we." ^{29 30} Yesu mɔ yi xo, mɔlɔ:" Alɔ xonugbo na mi : emɛ éxé la jo é osin do, mɔ jo é nɔvi nyɔsi, énɔvi sunnu do, mɔ jo étɔ gɔ énɔ do, mɔ jo ivi dó, mɔ jo gle dó, ɖó inyɔ gɔ ewɛn ɖagbɛɔ wutunɔ, é la wemɔ osin, mɔ́ mɔnɔvi sunnu, nɔvi nyɔsi, mɔ́ mɔ nɔ, mɔ mɔ ivi, mɔ mɔ igble, kéun inu ě xéxé é jodó lɛɔ, é la mɔ étɔnɛhá donu kanwe kò (100) gan éxé mɛ ten; é mǎ gɔ mɔ vivɛ, ewe yaɔ, éla mɔ igbɛ magɔn magɔn. ³¹ Emɛ éké ɖe owunkɔn tɛ́n lɛ susu la we jɛ godo, keun emɛ éxé ɖe godo tɛn lɛ susu ta we jɛ owunkɔn." ³² Eɖé mɔ ji, mɔ nɔ fán kpo lǒsɔn jeluzalɛmu, kéun Yesu mɔ ɖe owunkɔn nɛ̌. cicwɔ nɔ hu emɛɖotohlán lɛ, kéun émɛ éxé jɛ égun lɛ mɔ nɔ hun cicwɔ. Yesu mɔ ylɔ é emɛɖolohlán owi-owelɛɖo mɛlɛmɛ lajɛ zɔnga, mɔ bɛ ínu éxé lá jɛ d'eji ɖe maɖɛn madɛn mɛ ɔ lilɔně ji fan: ³³ "Miyɛlɛ we nɔ sɔn jeluzalɛmuwe, e la jo inyɔ gbɛtɔviɔ dona vɔsanuxwlemawutɔgá lɛ, gɔ ìsɛnkplɔn emɛtɔ lɛ, kéun emɔ ɖo ku hwɛ na, mɔ jɔun do na emɛ éxé go nyi jwifu é lɛ. ³⁴ É la cá un ko ; É la tun atán do ungo, é la kɔ lanba lo xo un, mɔhuun. Azan otɔngɔgbe ɔ, la fɔn ɖe kú." ³⁵ Enɛ godoɔ, Zebeɖée évi Jaki gɔ Jǎn wa Yesu kɛ́, mɔ ɖekpa n'i fan: "cica, minɔ din fá nɔ bay inuéxé mina byɔɛ ɔ na mi." ³⁶ Yesu mɔ kɛ̌n se fán: "Amu mí nɔ din fan na bay na mì?" ³⁷ Emɔyigbe n'i fá "gan éxé mɛ olá weɖe isusumɛ ɔ, na gbe, nɛ mimɛ owe lɛ nì we sinnɔ i adamɛ; mɛ lokpo la Sinnɔ i oɖusimɛ, emɛ owe gɔ mɔ sinnɔ i omyɔ mɛ." ³⁸ Yesu mɔ yigbe nɛ̌ fán: "Mìgó nyɔ ì nu exe minɔ byɔ́ ɔe. Vivɛ ekɔkpó éxé na nu ɔ, mì la tɛ̌ kpego mɔ nu gɔdo un? Yɛhwesin vivɛ tɔ́n éxé na lɛ ɔ, mi la kpogo lo lɛ?" ³⁹ É mɔ yigbe n'i fan "Mi la kpego." Yesu mɔ lɔ nɛ̌ fán: "Mi la we nu vivɛ kɔkpo exe na nuɔ, mɔ we lɛ yɛhwesin vivɛ tɔ́n exe na lɛ ɔ xonugbo! ⁴⁰ Vɔ̌, un ɖusi alo un omyɔ mɛ ninɔ ɔ, nyɔ gonɛ wá nae. Emɛ éxé Mawu mɔ bay tɛnxwé enɛ lɛ ɖ'awáan lɛ ètɔn nɛ." ⁴¹ Éxe emɛ ɖólohlan owóó ɖetɔ lɛ se inu éxé Jaki gɔdo Jaan byɔ ɔ, enu vɛ ɖe ego. ⁴² Yesu mɔ ylɔ́ yɛmɛ tɛtɛ kpli, mɔ lɔ nɛ fán: "mi nyɔ́ fan emɛ exe é ylɔ fán Toga ɖe awángo ji xié lɛɔ, acɛ éxé jloélɛ eyi ékpá na é Tovi lɛ, kéun ogbɔnɔ lɛ fe mɔ kpa acɛ nɛ̌. ⁴³ ìnugo ɖó a nyi etɔnɛ ɖe myɛlɛ cɛncɛne; vɔ̌, mɛ lele kpokpo nɔ din a ɖu ga ɖe mímɛ ɔ, ni nyi emɛsɛntɔ mí tɔn. ⁴⁴ Mɛ lele nɔ̌ jlo a nyi kannumɔ na mɛ tɛtɛ. ⁴⁵ Ɖó inyɔ gbɛtɔ viɔ, ela sɛn un gonɛ é wanu ilowae; vɔ̌ emɛ sɛn tɔ itɔ́n lowa mɔ kɔ un gbɛ ná lo xɔ egbɛ na mɛ susu." ⁴⁶ E we jɛ ìto éxé e ylɔ́ fán jeliko ɔ mɛ, ke un Yesu gɔ é ahwanvu lɛ mɔ nɔ wetɔ́n ɖó itoɔmɛ, keun emɛ susu nɛhwlɛ̀n lɛ mɔ do ahwan xwedě Dahwe okun gbigbanɔ nuyɖutɔ́ nɛhwlɛn ɖe ito enɛ mɛ, emɔ ylɔɛ fan Baatimɛ́ɛ́, égɔnmɛ eyi enyí Timɛ́ɛ èví sunnu étɔn. É ɖe awansinnɔ ɖe mɔto. ⁴⁷ Éxé é sefan Yesu nazalɛti etɔn nɛ ɔ, é jɛ abobodó jí fán: "Yesu Davidi évi, ku odɔnú ɖúnu na!" ⁴⁸ Mɛ susu mɔ nɔ gbɛni fán n'i bɔnu ; vɔ̌, é gɔ̌ do abóbó deji fán: " Davidi évi, kú odɔnu ɖunú n!" ⁴⁹ Yesu mɔ nɔ te, fá: "Mila ylɔɛ lowa!" émɔla ylɔɛ lowa, mɔ lɔ ni'i fan "kpan okɔ́n, cite, énɔ ylɔ ɛ." ⁵⁰ Okungbigba nɔ lɔ mɔ ɖe éwu gboɔgblɛ, mɔ do wezun losɔn Yesu kɛ. ⁵¹ Yesu mɔ kɛ̌n se fán: "Amu onɔ din fán na bay nɛ?" dahweɔ mɔ yigben'i fán:" Cica, bay a gɔ mɔ okunnu." ⁵² Yesu mɔlɔ n'i fán: "Sɔ́n, inu éxé oɖiɔ zɔn keun Mawu mɔ gbɔ ozɔn nɛ." Ʒlokpoeɔ, okunlɛhun, emɔjɛYesu égodo.