¹ Gan exe mɛ kɔsu hlɔmatɔn exe eylɔ fan Tibɛɛ na bayi ixwe ofɔ́tɔn ɖe iga zikpe ji ɔ, Mawu lɔ xo na Jaan Zakali evi ɖe Zogbeji, ² Gan enɛ mɛ gbɔn Pɔnsu Pilati nɔ nyi itoga ɖe Jude. Elodu mɔ ɖe Galilee eto lɔ nugbɛn , evi Filipu mɔ ɖe Itilé fe gɔ Tlakoniditi e to lɔ nugbɛn; Hanna fegɔ Kayifu mɔ nyi ovɔsa xwle Mawu tɔ gboɖe ɖe gan enɛ mɛ ³ Jaan mɔ nɔ zɔn Judɛn e tɔji mɔ nɔ lɔ na mɛlɛ fan: mi lɛkɔ ɖe mi ehwɛ lɛ gun, mɔ wa nɛ nylɔ mi do tɔmɛ nɛ Mawu ni lo yi mi ehwɛ lɛ yi kɛ mi. ⁴ Enɛ ɔ, nu exe ewlan do Mawuxo yi lɔ ɖawantɔ Ezayi e xoma mɛ ɔ, ejɛ, eyɔ enyi fan: Mɛ lohwlɛn nɔ d'abobo ɖe zogbeji mɔ nɔ lɔ fan: mi jla imɔji ɖo na hwlɛngantɔ, mi jlɔ mɔ lɛ. ⁵ Eɖe la su ido lɛ, mɔ gba oso gbekpan gɔdo vitin lɛ tɛtɛ. Èɖo wa jɔ imɔ giglɔn lɛ, mɔ jɔ xi exe ikpo gɔ ido ɖe lɛɛ ɖo. ⁶ Enɛ ɔ , emɛ tɛtɛ mɔ kpego lo mɔ emɛ hwlɛngantɔ exe Mawu ɖo loxlan ɔ. ⁷ Jaan lɔ na emɛ exe wa ekɛ ena nylɔ do tɔmɛ lɛ fan: Miɛlɛ jakpata é kunkan lɛɛ e mɛ ekplɔn inu mi na mi lo si na xomɛsin Mawu etɔn exe zwan ɔ? ⁸ Mi bayi nɛ mi jijwɛ ni ɖexlɛ fan: mi lɛkɔ ɖe mi ehwɛ lɛ gun xonugbo. Gbɛ mi ma gɔ nɔ lɔ do mi ji lɛ mɛ fan Ablaxamu e kun mi nyi é. Na lɔ xonugbo na mi, ekpɛn exe mi nɔ mɔ enɛ ɔ, Mawu hɛn ɔ ela yǐ lo bayi ivi na Ablaxamu ⁹ Evɛn lɔ we mɔ ɖe otin lɔ lɛ eɖɔ go otin exe go nɔ na sinsɛn lɛ ɔ, e la gbo é mɔ bɛ do zomɛ ¹⁰ Ahwanvi lɛ mɔ nɔ kan xo se wu Jaan fan: amu mi wa bayi ɖo? ¹¹ E mɔ yi gbe nɛ fan nɛ mɛ lele ɖe mi mɛ mɔ ɖo awu owe ɔ, ni na lokpo wu emɛ exe go ɖo ti é, nɛ mɛ lele gɔ ɖe mi mɛ mɔɖo inu exe ewa ɖu ɔ, ni ma gɔdo emɛ exe go ɖo ti e ¹² Toxwayitɔ lɛ fe wa na nylɔn eɖee do tɔmɛ, mɔ nɔ kanse Jaan fan: cica amu mi wa bayi ? ¹³ E mɔ yigbe nɛ fan: mi ma yi ixwa ɖe mɛtisi hugan ixwa exe e fan ami yi e. ¹⁴ Sɔja dehwlɛn lɛ fe mɔ kɛnse fan: miɛlɛ lɔ amu mi wa wá ? Mi ma fansu mɛti lo yi xwa ɖesi é. Mi ma ɖu xosu do mɛti nugbɛn é. Idɔn xwa exe mi yi ɔ, ni kpe mi. ¹⁵ Emɛ exe ɖe xinɛ lɛ mɔ nɔ ɖokun, mɔ nɔ lin fan: Jaan go nɛ wa mɔ nyi Klisu lɔ ? ¹⁶ Jaan mɔ yi xo mɔ lɔ nɛ fan: inyɔ ɔ, esin mɛ eyɔ inylɔn mi do. Vɔ ɔ, mɛ bu ɖe godo na mɔ zwan , mɔ hugan wu, gbɛ igo kpego la tlu e fɔkpa kan lɛ tete e. Eyɔ ɔ, gbigbɔ ɖedovo gɔdo izo e wa lo do esin takun na mi. ¹⁷ E hɛn nutanu d'olɔmɛ walo fu jinukun lɛ , ela bɛ jinukun lɛ do ava mɛ. E mɔ bɛ exe gu lɛ do zo maci maci mɛ ¹⁸ Kɛn Jaan lɔ xo susu lo do hinhlɔn lanmɛ na togun lɔ we nɛ. Mɔ lo jla ewɛn mɛmɛyi Mawu etɔn nɛ we nɛ. ¹⁹ Jaan mɔ dwehwɛ Elodu ɖo enɔvisi Elodiadi go do inu nyinylan exe desin lɛ wutu. ²⁰ Eye Jaan kɛbɛ dego n'i godo ɔ, Elodu gɔ we do inu exe hugan wu etɔnɛ sin mɔ wli Jaan do gankpamɛ. ²¹ Gan exe mɛ Jaan nylɔn emɛlɛ do tɔmɛ godo ɔ, ewe nylɔn Yesu fe do tɔmɛ. Exe enylɔn Yesu do tɔmɛ godo ɔ, e bɛ eɖɛ xixo jihwle mɔ hun, ²² Gbigbɔ ɖedovo yi hɔnnɛ e agbaza yido mɔ jɛte d'eji . Igbe lohwlɛn mɔ d'abobo ɖe jihwle, mɔ nɔ lɔ fan: " ivi vivɛ eyɔ onyi na, mɔ̀ mɔ́ jijwɛ do igo tawun. ²³ Ixwe ogban eyɔ Yesu ɖo lo bɛ dɔn , mɛ lɛ mɔ lɔ fan Jozɛfu evi nɛ, Jozɛfu mɔ nyi Heli evi. ²⁴ Heli nyi Mata evi, Mata nyi Levi evi, Levi mɔ nyi Mɛlici evi, Mɛlici mɔ nyi Lanayi evi , Lanayi mɔ nyi Josɛfu evi. ²⁵ Jozɛfu mɔ nyi Natatyiasi evi, Natatiyasi mɔ nyi Amɔsu evi, Amɔsu evi mɔ nyi Nawumu mɔ nyi Hɛsli evi , Hɛsli evi mɔ nyi Nagayi evi, Nagayi evi mɔ nyi Naatu evi , ²⁶ Naatu evi mɔ nyi Matatyasi evi , Matatyasi mɔ nyi Sɛmɛɛ evi , Sɛmɛɛ mɔ nyi Yoseki evi, Yoseki mɔ nyi Yoda evi. ²⁷ Yoda mɔ nyi Yonani evi, Yonani mɔ nyi Hlesa evi , Hlesa mɔ nyi Zolobabɛli evi , Zolobabɛli mɔ nyi Calutiyɛli evi, Nɛli mɔ nyi Mɛlutiyɛli mɔ nyi Nɛli evi , ²⁸ Nɛli mɔ nyi Mɛluci evi , Mɛluci mɔ nyi Adi evi , Adi mɔ nyi Kɔsamu evi , Kɔsamu mɔ nyi Elumadamu evi, Elumadamu mɔ nyi Dɛɛ evi, ²⁹ Dɛɛ mɔ nyi Yesu evi , Yesu mɔ nyi Eliɛzɛɛ evi, Eliɛzɛɛ mɔ nyi Iwɔlimu evi, Iwɔlimu evi mɔ nyi Matativi, Matativi mɔ nyi Levi evi. ³⁰ Levi mɔ nyi simɛnyɔ evi, Simɛnyɔn evi mɔ nyi Judaa, Judaa mɔ nyi Jozɛfu evi, Jozɛfu mɔ nyi Iwɔnamu evi, Iwɔnamu mɔ nyi Eliakimu evi, ³¹ Elyakimu mɔ nyi Mɛleya evi , Mɛleya mɔ nyi Mɛnina evi, Mɛnina mɔ nyi Matataa evi, Matataa mɔ nyi Natani evi, Natani mɔ nyi Davidi evi , ³² Davidi mɔ nyi Jɛɛse evi, Jɛɛse mɔ nyi Ovɛdi evi, Ovɛdi mɔ nyi Bowozi evi, Bowozi mɔ nyi salima evi, Sualima mɔ nyi Naxicɔni evi ³³ Naxicɔni mɔ nyi Aminadabu evi, Aminadabu mɔ nyi Adiminu evi .Adiminu mɔ nyi Aani evi, Aani mɔ nyi Ɛsloni evi , Ɛsloni mɔ nyi Pɛlɛsi evi, Pɛlɛsi mɔ nyi Judaa evi. ³⁴ Judaa mɔ nyi Jakɔbu evi, Jakɔbu mɔ nyi Izaki evi, Izaki mɔ nyi Ablaxamu evi, Ablaxamu mɔ nyi Tɛlasi evi, Tɛlazi mɔ nyi Naxɔɔ evi, ³⁵ Naxɔɔ mɔ nyi Selugi evi, Selugi mɔ nyi Hlewu evi, Hlewu mɔ nyi Pɛlɛgi evi, Pɛlɛgi Ébɛɛ evi , Ébɛɛ mɔ nyi Cɛlaxi evi ³⁶ Cɛlaxi mɔ nyi Kayinamu evi, Kayinamu mɔ nyi Aapakisadu evi, Aapakisadu mɔ nyi Sɛmu evi, Sɛmu mɔ nyi Nɔwé evi, Nɔwé mɔ nyi Lamɛki evi, ³⁷ Lamɛki mɔ nyi Matusala evi, Matusala mɔ nyi Henɔci evi, Henɔci mɔ nyi Yɛlɛdi evi, Yɛlɛdi mɔ nyi Maxalalɛli evi, Maxalalɛli mɔ nyi Kenani evi, ³⁸ Kenani mɔ nyi Enɔki evi, Enɔki mɔ nyi Sɛti evi, Sɛti mɔ nyi Adamu evi , Adamu mɔ nyi MAWU evi.