¹ Tɛnɔ takwɛ can tɔ lɛ gɔdo égbɛ nyi nylan zantɔ lɛ gogo Jesus nɛ lo ɖotowi. ² Pharisin gɔ scribe bɍ hunhun ɛé énɔzo le mɛ fan: « Dahwé é nɛ dɔn nyla donɔ lɛ, é nɔ gɔ ɖu nu gɔ dé.» ³ Jesus nɔ do lo é na yé fan: ⁴ « E mɛ éɖé mi mɛ, mɔ ɖo igbɔ kan wé ko, mɔ bu lokpo go na jo kan wé o fɔtɔn kun énɛ lɔ do zogbé ji, lo sɔn la din lokpo lɔ le ɔ, gbɔn na gan é mɛ é mɔ ɛ do lé ɔ? ⁵ Tɛnɔ nɛ é mɔ ɛ, é mɔ kuwɛ do koli mɛ, mɔ mɔ jijwɛ. ⁶ Nɛ é wé wa osin mɛ ɔ, é mɔ can éyohwan nyi lɛ fan: " Mi jɔji gɔ do ɖo i mɔ kanlin é bu do ɔ". ⁷ E nɛ wutu ɔ, nɔ lɔ mi jijwɛ la nɔ sɛxwé to mɛ na nylando nɔ lokpo éxé mɔ lɛvɔjɔ hugan u kanwé o fɔtɔn ku ɛnɛ é wa jɔjwɛ nyinyi nɔ, éxé godo lɛvɔjɔ é. ⁸ Alo nyɔsi lomukɔ édo xu a vigan awo é mɔbu lokpo ⁹ go kpo zogbɛn lé ɔ, nɛ é mɔ ɛ é mɔ ylɔ o hwan nyi gɔ é nɔnvi fan nɛ ɖu agɔ mɔ mɔ jijwɛ gɔ é yɛ ɖo i mɔ i wa éxé bu do ɔ. ¹⁰ E wanu lo lɔ na mi jijwɛ nɔ sɛ xwé to mɛ nɛ fan nylado nɔ lokpo lɛvɔjɔ ɔ ¹¹ E wa nu Jesus lo lɔ fan: « Dahwé lokpo ɖo vi owé, ¹² i vi tin lɔ na étɔ fan " un tɔ ma éxé wa o dokun un tɔn wu" é mɔ ma é wa dokun nu lɛ nɛ . ¹³ Madɛn, madɛn, vikpɛ vu lɔ bɛ éya gban lɛ mɔ bɛ hɛnzɛ gbé mɛ mɔ ɖé to lɔ mɛ ɔ, é zan éxwa lɛ kan nya kan nya do inuéxé mɛ o ɖo azan dowé, zan xwa do égbɛ gbigblé mɛ. ¹⁴ Exé lo zan tɛtɛ biɔ xovɛ gbékpan lokpo wé tɔn ɖé to lɔ mɛ, é mɔ bɛ hinnya ɖiɖo. ¹⁵ Ezɔn la mɔ i dɔ watɔ lokpo ɖé to lo mɛ é fan nɛ la na nu ɖuɖu wu éyɛ ohan lɛ. ¹⁶ E mɔ jlo fan nɛ yɛ ɖu ohan lɛ é nuɖuɖu eo mɛti go ni é. ¹⁷ Vɔ éwé biɛ éɖé, ivi éxé ɔ mɔ lɔ fan: "susu gléglé un tɔ é dɔn wa vi lɛ ɖo nuɖuɖu nyɔ mɔ nɔ ku ovɛ ku ɖé yié! ¹⁸ La lɛ ɖé yié, mɔ sɔn un tɔ ke mɔ lɔ ni fan: "Un tɔ yi jɔgɔ do igo, mɔ jɔgɔ do Mahu. ¹⁹ Yɔ jɛ fan la nyi ibvi é yu lo bayi nukplɔnvi itɔn le lokpo . ²⁰ Kpowun, ivi ɔ cité mɔ wa étɔ kɛ. Gan éxé mɛ ékpo ɖé ozun ga ɔ itɔ lɔ mwɛ mɔ ku lɛ bla nu ni kpowun mɔ do wézun mɔ la kpla si koni. ²¹ Ivi lɔ mɔ lɔ ni fan: "Untɔ yi jɔgɔ do oji gɔ do yi o kun mɛ yɔ ɔ jɛ na lo nyi ivi é." ²² Itɔ lɔ na édɔn watɔ lɛ mi ya wu yi awu mɛ mɛ yi ido ni fɔkpa nɛ jɛ ofɔ ni. ²³ Mi mɔ kpɔn kanlin é do ju ɔ mɔ hu na mi ɖu nu, mɔ ɖu xwé. ²⁴ Ɖo un vi é ku ɔ é lɛ kɔ wa é gbé. Ivi é bu ɔ, i mwɛn ixwé nɔ bɛ. ²⁵ Ɖé gan é nɛ mɛ ɔ, é fofo ɖé nukan mɛ, é gigɔ mɛ ɔ, é lo sɛkpɔ osin mɛ ɔ, é nɔ sé ihan gɔ iwé gbé. ²⁶ E mɔ jlɔ dɔn wavi lokpo, mɔ nɔ kansé fan amu é wa é nɛ lɛ ja. ²⁷ Dɔnwavi lɔ mɔ lɔni fan: "inɔvi é gɔ wa osin mɛ itɔ i mɔ hu kanlin é doju lokpo ɖo é go hun nu yi yɛ o fɔ nu yiyɛ." ²⁸ Fofo lɔ mɔ xomɛsin mɔ gbɛ osin mɛ bibiɛ é tɔ mɔ tɔn mɔ nɔ ɖé kuku ni, ²⁹ fofo mɔ yi gbé mɔ lɔ na é tɔ fan "é mɔ bayi ixwé susu, nyɔ lo su mɔ wi gbɛ yo da ɖé yi ésɛn tiji é co o hu i gbɔ ti na nyɔ é na lo mɔ jijwɛ gɔ wun o hwan nyi lɛ. ³⁰ Vɔ ɔ éxé ivi é hɛn i o dokun nu lo lélé ɔ gɔ galɔ tɔ lɛ o hu kanlin oju nɔ ni." ³¹ I tɔ lɔ ɖo é go ni fan: " un vi o ɖé gɔ do tɛgbɛ i nu éwa un tlɔn lɛ ɔ, é nyi itɔn tɛgbɛ. ³² Vɔ é jɔhun fan na mi nɔ yɛ yi mɛ, mɔ nɔ jijwɛ me ɖo inɔvi o nɔ mɔ é nɛ ɔ mɔ ku, mɔ gɔ wa égbɛ é mɔ bu co mi mɔ gɔ mwɛn."»