¹ Gan enɛ mɛ lokpo ɔ, mɛ lehwlɛn lɛ ɖe xinɛ mɔ nɔ lɔ Galilee nu exé nɔ sa vɔ na MAWU, Pilati mɔ zɔn fan nɛ hu i lɛ xo na Yesu. ² Yesu mɔ lɔ nɛ fan: mi bu fan Galile nu enɛ lɛ hu ehwɛ hugan u Galilee nu ɖe tɔ lɛ wutu elo hu eyɛ lɛ mi bu lo bu ? ³ Ǒ ego hu ehwɛ hugan wíi e. Vɔ nɛ mi go lɛkɔ ɖe mi ehwɛ lɛ gun mɔ vɔ mi ɖe ji le ɔ, mi la ku ɖikɛn e ku ɖo mɔɖe. ⁴ Alo emɛ ofɔtɔn kun otɔn éxé́ ji adokpa sinsyɛn silowe tɔn mu jɛ emɔ ku lɛ ɔ, e hu ehwɛ wu Jeluzalɛmunu ɖetɔ lɛ mi mɔ lo mɔ? ⁵ Ǒ ego hu ehwɛ hugan wi é, vɔ nɛ miɛlɛ fe go lɛkɔ ɖe mi ehwɛ lɛ godo e le ɔ, mi la ku ɖikɛn eku ɖo ha. ⁶ Yesu mɔ gɔ dolo nɛ fan: "dahwe ɖehwlɛn do viwuntin lokpo do e viwunglemɛ. E mɔ na we gbo sinsɛn ɖeji mɔ din gbɔ ɖeji. ⁷ Enɛ ɔ, emɔ lɔ na viwundɔn watɔ lɔ fan: " Ixwe otɔn gbɔn we iwa fan na gbo sinsɛn ɖeji ɔ, go mɔ lo gbo e. Gbo e sɛ, amu wutu ewa lo ɖe tɛnxwe jan tɔn na mi vɔvɔ? ⁸ Viwundɔn watɔ lɔ mɔ yigbe ni fan : osintɔ, gɔ jo e do ixwé éxé́́ mɛ ami gɔ kpɔn , la kundo tlɔdi mɔ bɛ gbwyo de mɛ. ⁹ Nɛ ela kpe go mɔ sɛn ɖe ixwe ɖetɔ lɔ mɛ ɔ, ela jɔhun ; nɛ ego sɛn ele ɔ, o mɔ gbo e sɛ. ¹⁰ Yesu we nɔ kplɔn inu emɛ ɖe nukplɔn emɛ xɔmɛ ɖe gbɔjwɛ zangbe. ¹¹ Nyɔsi ɖehwlɛn mɔ ɖe xinɛ iyɛ nyinylan mɔɖe eji mɔna emɔ gble owɔn ixwe ofɔtɔn kun otɔn we gbɔn, emɔ zɔn hixa, ego kpego jɔ e. ¹² Exe Yesu mɔ nyɔsi lɔ ɔ e ylɔ ɛ, mɔ lɔ n'i fan: nahwe ozɔn gbɔ nɛ, eya jɛ te. ¹³ Exe Yesu lɔ etɔnɔ n'i ɔ, e mɔ ɖ'olɔ eji , nahwe lɔ mɔ jɔ jlokpe mɔ bɛ Mawu han jiji , lo nɔ kafu Mawu. ¹⁴ Vɔ ɔ, éxé́́nyi fan gbɔjwɛ zan gbe nɛ ɔ, evɛɖe iga é́xé ɖe nukplɔn xɔ lɔ mɛ lɛ go. E mɔ lɔ na emɛlɛ fan: idɔn wazan atlokpo eɖe kwasiɖa lokpo mɛ. nɛ mi nɔ din fan nɛ gbɔ ozɔn na mi ɔ, mi mɔ nɔ wa ɖe azan enɛ lɛ gbe. Mi ma nɔ wa ɖe gbɔjwɛzangbe é. ¹⁵ Yesu mɔ yi gbe ni fan: yɛmɛnuwatɔ lɛ mǐ, mi go ɖekan na mi nyibu lɛ alo mi sɔ lɛ, emɔ lɛ nu esin? ¹⁶ Nahwe éxé́ nyi Ablaxamu evi , lɛgba mɔ blɛɛ ɖe ixwe ofɔtɔn kun otɔn we gbɔn. Ego kpego wa tlu kan n'i ɖe gbɔjwɛzangbe é ? ¹⁷ Exé Yesu nɔ lɔ etɔnɛ ɔ, inya wa kɛntɔ lɛ tɛtɛ, inu éxé Yesu nɔ jlɛ lɛ nɔ do jijwɛ mɛ lɛ ¹⁸ Yesu we lɔ fan: amu ha eyé kɔsuɖuɖu Mawu etɔn ci ɖo? amu go ewa jlɛ do? ¹⁹ Eci ɖi otin hwɛhwɛyi éxé dahwe ɖehwlɛn dòdó e glemɛ ha. Éxé otinvi lɔ wu mɔ mɔ hwɛn ɔ, ewe zun otin , keun éx́ɛ lɛ mɔ do oɖɔ do ala lɔlɛ ji ²⁰ Yesu mɔ gɔ lɔ fan:" amugo wa wa jlɛ kɔsuɖuɖu Mawu etɔn do ? ²¹ Eci ɖi lofin funu éxé nyɔsi ɖehwlɛn yido lofin gannu otɔn ha. Nɛ lofin nyinya lɔ ni lo kpego lo fɔn." ²² Yesu wli Jeluzalɛmu mɔ, mɔ nɔ kplɔnnu emɛlɛ zɔn ito gbogbo lɛ mɛ gɔdo ito vitin lɛ mɛ. ²³ Mɛ lohwlɛn kɛn ɛ se fan: itɔ, emɛ vile jan Mawu la wlɛngan xonugbo? Yesu mɔ lɔ nɛ fan: ²⁴ "Mi do gan, mɔ zɔn ihɔn viti lɔ nugbɛn. Na lɔ xonugbo na mi. Emɛ susu la din nɛ eyɛ zɔn ihɔn enɛ nugbɛn gbɛ ego na kpegoe. ²⁵ Gan éxe mɛ osintɔ we cite , mɔ do esɛn fe ehɔn mɛ mimɔ kpo ɖe geji ɔ, mi la we bɛ ihɔn xuxu mɔ nɔ lɔ fan: gǒ nyɔ mi é. ²⁶ Enɛ ɔ, mi mɔ bɛ lilɔ fan: miɛlɛ gɔde e ɖu nu mɔ nu ahan, omɔ kplɔn nu wu mi ɖe imɔ lɛji , imɔ lɛji ɖe ito lɛ mɛ. ²⁷ E la yigbe na mi fan o lɔ xonugbo na mi ; go nyɔ xi éxé tɔ e wa mi é. Mi bu ɖe okun mɛ na, inu nyinylan watɔ lɛ." ²⁸ Xinɛ ɔ, mi la vi avi , mɔ ɖu aɖu kunkwin. Gan exe mɛ mi la mɔ Ablaxamu, Izaki, Jakɔbu fe gɔdo emɛ exé́ yi xo ɖe Mawu si mɔ lɔ lɛ. ²⁹ Ɖe kɔsuɖuto Mawu etɔn mɛ. Miɛlɛ mɔ la ɖe ozɔga. Mɛ lɛ la lɛɖe gewaji, mɔ lɛɖe xuwaji, mɔ lɛɖe hwezɛdo, mɔ lɛɖe hwebyɛxɔ; mɔ we ɖu agɔ ɖe kɔsuɖuɖu Mawu etɔn mɛ. ³⁰ Mi nyɔ fan emɛ éxé eɖe godo tɛn lɛ la we wa owunkɔn, emɛ exé́ ɖe owunkɔn tɛn lɛ mɔ we wa godo. ³¹ Gbenɛgbe ke ɔ, Falizinu ɖehwlɛn lɛ wa Yesu kɛ mɔ lɔ ni fan: Elodu nɔ din nahui enɛ wutu ɔ tɔn ɖe mi Tomɛ mɔ sɔn ito bu mɛ. ³² Yesu mɔ yigbe nɛ fan mi sɔn la lɔ na dahwe igbletɔ owɔ enɛ fan: Egbe fe gɔ isɔ la nɔ nya iyɛ nyinylan ɖe mɛlɛ ji, mɔnɔ gbɔ ozɔn na emɛlɛ. Azɔntɔngɔ gbe mɔ wa xundɔn yɔ. ³³ Vɔ ɔ, egbe fe gɔdo isɔ gɔ azan éxé́ la bɔ dego lɛ ɔ, iɖo la wli un mɔ, mɔ sɔn Jeluzalɛmu, ɖo ewɛn yi ɖe Mawu si mɔ do tɔ tigo kudo To bu mɛ zɛ Jeluzalɛmu go é. ³⁴ Jeluzalɛmunu lɛ mi, Jeluzalɛmunu lɛ mi ! Miɛ emɛ éxé hu ewɛn yi ɖe Mawu si mɔdo tɔ lɛ. Mɔ yi ekpɛn lo hu enɛexe Mawu ɖo loxlan mi lɛ ɔ, jɔsusu eye ijlo la bɛ mi do xun abɔ lɛ gun ɖikɛn koklonɔn e vikpɛlɛ do e abɔ lɛ mɛ do ha mɔ ɖe vɔ ɔ mi go din e. ³⁵ eɖe etɔnɛ ɔ, Mawu ɖe olɔ sɛ ɖe mi osin lɛ go na mi na lɔ xojɔxo na mi , mi gona gɔ mɔ ti é kaka lo jɛ gbegbe mi la ɖo sisi na emɛ exe zwan ɖe itɔ lɔ e nyikɔ mɛ ɔ.