1
Mɛ susu bɛdɔn nɛlo xlan hwénu xo éjɔ ɖé micɛn cɛn mɛ lɛ.
2
Lozɔn inu élɔ nami ɖébibɛnu lɛ go. Klnɖétɔ éxé zun xojlatɔ lɛ.
3
Ewanu nyɔ fé lomɔ imɔ loɖindo na ganji.
4
Zɔn jɔsɔndo lowlannu loxlan oyɔ fé hwénuxo adodwé Téophile. nɔɖin fan nɔ mɔ klunjɛ nukplaɔn mɛ é éxé oyi éxé lɛgo.
5
Gan éxé mɛ Hérodu nyi kɔsu ɖé Juɖéé. Mɛɖéhlɛn wa vɔsatɔ éylɔ fan Zacharia. E mɔwa vɔsatɔAbiatɔn. Esi mɔ wajiji mɛ Aron étɔn éylɔ fan Elisabethu .
6
Eyɛ mɛ ɔ wé lɛ wa jɔjɔ nyinyi mɛ ɖé Mahu n'kɔn, éɖebubu na nukplɔn mɛ gɔ ésɛn hlɛntɔ lɛ.
7
Vɔ ivi godé ésié, ɖo Elisabethu wa ajikponɔ. Ixwé mɔ sɔn n'kɔn na émɔwé lɛ ɖé gan lɔ mɛ.
8
Gbélokpoɔ, Zacharia nɔ savɔ ɖé Mahu n'kɔn, gan xixo éwabayi nɛ,
9
lozɔn Tito vosatɔ lokpo lokpo tɔn éwa biɛ goxɔ Mahu tɔn mɛ loyi vɔsanu xlé Mawu.
10
Kpikplémɛ ogun lɔ tɛtɛ ɖé kwéfan mɛ ɖé vɔsanu xlé gan mɛ ɖé guéji.
11
Wɛnsagun Mahu tɔn jɛté ɖé aɖusi mɛ ɖé vɔsa kpɛn lɔ ji.
12
Ɖé wɛnsagun owun kɔn Zacharia caka cicuwɔ mɔ jɛ éji.
13
Wɛnsangun lɔ ni: « m'a cuɔ é, Zacharia, ɖo iéɖɛ cɛ isi Elisabeth laji vi srun lokpo o mɔɖo nyikɔ Jean ni.
14
E lanyi jijwɛ nu gbé kpan mɛ susu mɔmɔ ayajijɛ do é jijigo.
15
Ɖo élanyi nu gbé kpan ɖé wlɛntɔ unkɔn, é go na nu viwun alo ahan sisɛn é.Ela jwuɔ gɔ hinhlɔn gbigbɔ wiwé tɔn ɖé kaka énɔ odɔ mɛ.
16
Susu gléglé Israélil mɔ trɔ kpan wunkɔn wlɛntɔ é Mahu ji.
17
Ela zɔnzɔnlin ɖé Mahu n'kɔn gɔdo unsɛn, hinhlɔn Eli év tɔn mɛ, nɛ lodɔn ayi itɔ lɛtɔn lowa vikoɛ lɛkɛ é mɔ kplan oto livɛtɔ lozondo jɔjwɛ nyinyi ji, lodo togun klan ɖo wiwé a nyi na Mahu.
18
Zachari lɔ nawɛnsagun: « a mun wanyɛn do? I mɔ kpo nyɔxo, unsi mɔ sɔn unkɔn ṣé ixwé mɛ »
19
Wɛnsagun mɔ lɔ ni i nyɔ é wa Gabriel.» E mɛ xéɖé téɖé Mahu o unkɔn. édoloxlan na déwin mɛmɛ yi wi.
20
Ola zunto kunɔ, ogona kpégo lɔxoé gbɔn na gbégbé azan la waɔ ɖo oɖinu na un xo gbé é la wa cicɛ mɛ do é gan mɛ é.»
21
Togun ɖété kpɔn Zachari mɔ nɔ cuɔ na fan é dɛndo ɖévɔsanu xlé xo lɔ mɛ.
22
Elo wé tɔn ɔ, ɔ kpé ixo go a lɔé é mɔ mɔ fan éɖé nu mimɔ xlɛ ɖé xɔlɔ mɛ é wé bɛ dosido bibayi, mɔ zun tokunɔ.
23
E yo gan lo xo ɔé lɛ kɔ sɔn sinmɛ.
24
Gan xixo zan, ési Elisabeth mɔ xo sunzan atɔn ɔ godo ɔ é bɛ sisi, é mɔ nɔ lɔ fan:
25
« Mikpɔn nu wlɛntɔ wa na ɔ, é ɖo kunjɔ miɔ tɔn ɖo un ji nɛ lo ɖé inu éwa inyan na ɖé gbɛtɔ lɛ okun mɛ.»
26
Sunzan atrokpo gɔ oxo tɔ nɔ Mahu do wɛnsagun Gabriel loxlan ito galiléevéylɔ fan Nasareth,
27
loxlan tu glɔ éjɛ ɖé olɔ ji ogɔ suɛ Josephu é tɔn . ɖé okun kan David tɔn mɛ . Eylɔ tugbéjɛ ɖo loji év nɛ fan Marie.
28
E wa é kɛ, mɔ lɔ ni fan: « I dogbé, o yɔ éxé Mahu bayi jɔ miɔ gbékpan, wlɛntɔ ɖé godé.»
29
Zɔn xo gbé lɔ mɛ ɔ é caka mɔ nɔ kansé édé fan igbé dido lomu kowé ɔ.
30
Wɛnsagun fan: « M'a cuɔ é, Marie do o mɔ jɔ miɔ ɖé Mahu unkɔn.
31
Kpɔn o la mɔxo vi srun lokpo o mɔ na nyikɔ Jésus wi.
32
E la hwɛn é mɔ nyi vi jiwlé tɔn. Mavɔ mavɔ Mahu na wɛn do étɔ gbo David é tɔn wi.
33
E la ɖu kɔsu tɛgbɛ ɖé é togbo ǰacob é yo sin ji gbɛ é fiɔ go na ɖo gigɔn nu kpɔn gblé.»
34
Mari mɔ lɔ ni fan: « a mu nɛ nɛ nu la nyi wiwa do? ɖo go nyɔ srun là? »
35
Wɛnsagun mɔ do é go: « Gbigbɔwiwé la jɛ iji mɔ boutui godo é hinbhlɔn. E wanu ivi lɔ la jwuɔ gƥɔ kiklɛ é mɔ ylɔ ɛ fan ivi jihlé tɔn.
36
Mɔ klun jɛ é mɛ fan ilɔ klan Elisabeth jivi lokpo ɖé nyɔnxo mɛ éɖé sun zan atrokpo gɔ mɔ éyɔ y bo fan aji kpo nɔ.
37
Nuti o glo Mawu é».
38
Mari fan mɛsɛntɔ Mahu é tɔn é wa » Nu tɛtɛ nɛ nyi wiwa na ɖé ixo gbé mɛ!» Trolo wɛnsagun mɔ lɛ ɖé kɛ.
39
Gan é mɛ ɔ, Mari bɛ ito é ɖé sokla ji ɖ̀é judée to mɛ.
40
E biɔ Zacharie osin mɛ mɔ dogbé na Elisabeth.
41
Gan é mɛ Elisabeth ségbé didoɔ ivi lɔ hunhun ɖé o ɖɔ mɛ ni Elisabeth mɔ jwu ɔ go gbigbɔ wiwé.
42
E daz bobo gbé kpan « o nyi yixla tɔ ɖé nyɔsi lɛ tɛtɛ mɛ ivi o hɛn do domɛ fé nyi yixlatɔ.
43
A mu é nyi na fan wlɛntɔ la jɔ ɖe un mɛ?
44
Ɖo igbé dido lo biɔ oto mɛ ma ɔ. I vlɔ hwan ɖé odɔ mɛ na gɔ jijwɛ.
45
Jijwɛ na inunɖitɔ zɔn wɛntɔ mɛ ɖo éla cɛ ɖo éji.»
46
Marie mɔ lɔ, un aliudɔn kafu Mahu.
47
Un gbigbɔ mɔ jijwɛ ɖe Mahu wɛnlɛtɔ lɔ mɛ.
48
Do é ɖo kun do, mɛnsɛntɔ dagbɛ etɔn ji.
49
Ɖo hinhlɔ tɛtɛ bi nɔ wa dagbɛ na kikɔn é wa enyi kɔ.
50
E mɛnu vivɛ nɔ vivu vitikli étɔn lɛ é ɖo cicuɔ huhu ni lɛ ji.
51
E zan hinhlɔ éɖe abɔ mɛ ni lo gba lin lin goyiyi tɔn lɛ do.
52
E duɔ tɛnhu é na hinhlɔn yɛsi mɛtɔn lɛ nɔ zé ayixa bɔbɔ yi nɔ lɛ daji. E
53
do nuwa nu mɔ lɛ ji vɔ dokunnɔ lɛ ɔ é nyan yé dɔ vɔvɔ
54
E wa lɔ gɔ na Israɛli é mɛsɛntɔ, mɛ lɔxlɛ é nusinsin kuku
55
( ɖi kɛn é lɔ na mi tɔ mɔɖé ɔ) Abraham gɔ é jiji mɛ lɛ tɛ gbɛɛ »
56
Marie nɔ gɔ Elisabeth sun zan otɔn, é godo ɔ é lɛkɔ sɔn sin.
57
Tɛnɔ viji gan xo na Elisabeth é mɔ ji srun lokpo.
58
E mɛtrodi lɛ sé Mahu bayi nujiwu gbékpan ni é mɔ mɔ jijwɛ d'égo.
59
Azan titɔn gɔ é mɔ wa alo xlé ivi Mahu é mɔ din aylɔ
«Zacharie» étɔ ényikɔ ni.