¹ Tɛn ɔ dɔkun nɔ lɛ mi , mi ɖoto un , mi viavi mɔ so hehe ɖo inu nyinylan na jɔ do mi ji. ² mi odɔkun lɛ ble mi ovɔn lɛ mɔ gu mi sika lɛ fe gɔ mi xwa lɛ jɛ ko mɔ gble: ³ gbigble lɛ la ɖekunu na mi. e la ɖu mi agbaza ɖi zo mɔɖe. mi kpli mi dɔkun lɛ na azan mlɛn. ⁴ mi go su axɔ na mɛ exe nɔ wa dɔn na mi lɛ. dɔn wa tɔ lɛ e abobo sɔn mawu kɛ. ⁵ o cɔ mɛ mi nɔ ɖu egbɛ ɖe awlangoji inu mɛmɛyi mi ɖu mɔ do jo dawan na gan exe mɛ yela kplan mi lo sɔn lan hutɛn xwe. ⁶ mi ɖo ihwɛ na odɔmɛ kinkɔn nɔ lɛ mɔ hu i vɔ ye dɔn nu gɔ mi e. ⁷ Nɔvi lɛ hun mi ɖo sulu kaka jɛ gan exe mɛ mawu la wa. mikpɔn kɛn glelɛtɔ lɛ ku hun gbɔn nukun mɔ jɔhun ɖe gleji ɖe jokun gan mɛ ɔ. ⁸ mi e lɛ fe mi ɖo sulu mɔ ɖo okɔnkpinkpan na jezu e wiwa mɔ gogo. ⁹ Nɔvi lɛ mi, mi ma nɔ jɛ miɖe ehwɛ mawu mɔ we lɔ hwɛ gɔ mi e. ¹⁰ hwɛlɔtɔ ɔ mɔ ɖe hɔnji a biɔ osin mɛ. nɔvi lɛɛ mi nɔ flin gbeyilɔ mawu etɔn exe lɔ xo do mawu e nyikɔ mɛ lɛ ɔ, nɛ nyi kpɔwɛ na mi.mi nɔ ylɔɛ fan nujɔhun nanɔ ɖo ye doji ɖe aya lɛ nugbin. ¹¹ sulu exe jɔbu ɖo ɔ mi se, mɔ nyɔ nu mawu we ni zɔn ogɔ ɔ. ɖo mawu odɔmɛjɔhun na nɔ nɛ mɛ nu mɔ ɖu odɔnu ni. ¹² Nɔvi lɛ mi, nu eɖe vivɛ ɔ, mi ma ta nue, mi ma ta jihwle e, mi ma ta awlango e gbɛ mi ma tanu zɔn olɔ lele mɛ e. nɛ fan mi xo ɔ ɛɛn nɛ ɔ mi lɔ ɛɛn kpoun.vɔ nɛ oo nɛ ɔ mi jan oo nɛ mawu ni ma we lɔ hwɛ do mi e. ¹³ Mɛ lele nɔ se vivɛ ɖe mi mɛ, ni xo eɖɛ. mɛ lele nɔ mɔ jijwɛ ɖe mi nɛ, ni ji han lo kpa mawu. ¹⁴ mɛ lele ɖe mi mɛ mɔ nɔ jɛ ozɔn ɔ ni ylɔ ogunmɛxo lɛ ye la xo eɖɛ ni mɔ kɔn ami do takun ni ɖe mawu enyikɔ mɛ. ¹⁵ iɖɛ exo gɔ nuɖiɖi ɔ la hwlɛn ozɔntɔ ɔ gan mawu mɔ ze ehwɛ lɛ ikɛ. ¹⁶ Hun mi bo lɔ mi e hwɛ lɛ na miɖe mɔ xo iɖɛ na miɖe, mi ozɔn lɛ ni gbɔ ɖɛ e hwɛjijɔnɔ nɔ xo ɔ ɖo hinhlɔn tete. ¹⁷ eli ɔ gbɛtɔ wɛ enyi mi ɖɔhun e xo ɖɛ kpo vivɛnu kpo do ayikungbanji kakanu xwe atɔn ¹⁸ adaɖe. e nɛ ɔ gudo ɔ ji ja bɔ jinukun lɛ tɔn. ¹⁹ Nɔvi lɛ mi nɛ mɛlele ɖe mi mɛ mɔ zɛ ɖe mɔ ɔ ji ɔ mɛ lɛ mɔ dɔn ɛn lo wa mɔ lɔ ji ɔ, mi flin xo exe : ²⁰ mɛ exe kplan hwɛ hutɔ ɖe mɔ nyinylan ji ɔ hwlɛngan ɖe ku si.