¹ I nyɔ Jaki , éxé nyi Mawu é dɔnwatɔ , mɔ nyi Yesu e dɔnwatɔɔ, eyi e wlan xoma éxé loxlan Jwifu KLISU sɛntɔ éxé gbakpe egbɛ lɔ mɛ lɛ tɛtɛ; nɔ do gbe loxlɛn. ² Un nɔvi lɛ mi ganéxé mɛ ela nɔ tɛn mikpɔn ɖe olɔ lɛ tɛtɛ mɛ, ni nyi jijwɛ nu na mi. ³ Mi nyɔ fan nɛ mi nuɖiɖi do oɖɔ ɖo ɖe emɛ tɛnkpɔn lɛ mɛ ɔ, ena keun emɔ ɖo suwulu mɔ byɛ emɛɖemɛ ⁴ Vɔ, mi nɔ aceji nɛ suwulu éxé mi ɖo ɔ nɛ wa idɔn exé kpe gan na mi lo hwɛn , na mi ma lo j'awan ɖe inuti mɛ e. ⁵ Eɖe etɔnɛ co , nɛ nunyinyɔ wedo emɛlele ɖe mi mɛ ɔ ni byɔ mawu; nɛ Mawu nɛ ni, ɖo Mawu kɛ olɔ mɔ na nu wu emɛ tɛtɛ gɔdo odɔmɛ kinkɔn. ⁶ Vɔ emɛlɔ ni byɔ gɔdo nuɖiɖi ma xo nukpɔn , ɖo emɛ éxé xonukpɔn ɔ eciɖi abaɖa éxé jite ɖe exwuji jɛhɔn mɔ do olɔ emɛ mɔ xoe do oɖusi mɔ xoɛ do omyɔmɛ ha. ⁷ Emɛ enɛ nɛ ma ɖo susu fan eyɛ la mɔ inu lele yi de YESU sie. ⁸ Ɖo ɖe enu wiwa lɛ mɛ ɔ, e ayi go nɔ xi lokpo e; gbɛ ego ɖeji do inu éxé e nɔ wa lɛ ti go e. ⁹ Nɔvi éxé nyi wamamɔnɔ ni tɔfɔ awan ɖo Mawu nɔ kwɛ do jihwle. ¹⁰ Nɔvi éxé nyi xwatɔ ɔ ni tɔfɔ awan ɖo Mawu nɔ zin do do; xonugbo ɔ, ixwatɔnɔ e gbɛ la we nyi nukan e sɛ ha. ¹¹ sɛzo tɔn gɔdo zozo gbekpan ɖehwlɛn mɔ fyɔ nukan lɔ, esɛ éxé eɖo ɔ mɔ flɛ keun e vivyohwɛn mɔ bu, etɔnɛ ke ɔ ixwatɔnɔ la j'awan ɖe enu ɖiɖolɛ tɛtɛmɛ. ¹² Inu jɔhun na emɛ éxé e hɛn eɖe ɖe gan éxé mɛ enɔ doekpɔn, ɖo nɛ eɖe eɖe hinhɛn xlɛ e godo ɔ, ela mɔ egbɛ mɛmɛyi yi . Egbɛ mɛmɛyi enɛ ɔ e yɔ enyi ojɔ éxé ekpa mawu do na emɛ éxé enyiwan ni lɛ. ¹³ Gan éxé mɛ mɛ lélé la jɛ tintɛnkpɔn mɛ ɔ, ni ma lɔ fan Mawu enɔ tɛn mi kpɔn e; ɖo inu nyinylan go kpego wa tɛn mawu kpɔn e; gbɛ Mawu fe go tɛn emɛ kpɔn e. ¹⁴ Vɔ ejɛ tintɛnkpɔn mɛ gan éxé mɛ nu nyinylan emɛ tete etɔn dɔ emɛ emɔ la jɛ emɛ ɔ. ¹⁵ Enɛ e godo ɔ, ojlo nyinylan mɔ ji ehwɛ huhu nɛ ehwɛ huhu ɔ we do oɖɔ do , emɔ ji iku. ¹⁶ Un nɔvi vivɛ lɛ mi mɛti ni ma klɔmiɖue. ¹⁷ Nu nina mɛmɛyi tɛtɛ gɔdo inu na emɛ ixo mɔ gɔn ɖego ɔ, esɛxwɛ yɛmɛ tɛtɛ lɛɖe emɔ jɛte ɖe Mawu éxé bayi inu éxé de jihwle mɔ na kinklɛn lɛɛ ɖe tɛtɛ lɛ ɖe; Mawu go ɖwɔ é, eɖe ɖo lele kpokpwe ɔ e go do zinvlué . ¹⁸ Ɖo eyɔ tete eyé ojlomɛ ɔ, ena egbɛ jɔ egbɛwu mu lozɔn e xo exe nyi xonugbo ɔ gbla mɛ nɛ ami lo nyi emɛ tantɛn atɛn ɖe enu ɖiɖo lɛɛ tɛtɛ mɛ. ¹⁹ Un nɔvi vivɛna lɛ mi , mi flin ixo éxé ganji, mɛ lokpo lokpo e ɖo wa nɔ gbesisɔ, mɔ nɔ se Mawu exo ɔ, vɔ ni ma nɔ ɖebla lɔxo e, gbɛ ni ma nɔ ɖebla sin homɛ e. ²⁰ Ɖo emɛ éxé sinxomɛ ɔ go bayi inu éxé sɔgbe ɖe Mawu o kunmɛ e. ²¹ Enɛ wutu ɔ, mi jo inu éxé wa hɛn emɛ xweɖui gɔdo idɔn nyinylan wiwa tɛtɛ do ; mi yi ixo éxé Mawu yi do ayimɛ na mi lɛ gɔdo fifa. Ɖo ixo lɔ yi ɔ ela hwlɛn mi gan. ²² Mi ma nɔ miɖe lɛ klɔɖutɔn, mɔ nɔ ɖoto Mawuxo lɔ kpoun é. Idɔn eyɔ mi wa yi lo wa taun. ²³ Ɖo emɛ exé se Mawuxo lɔ gbɛ ego yi lo wa idɔn e le ɔ, eci ɖi emɛ exe nɔ kpɔn nukpwɛn gbɛ ego kpɔn kɛn exɔ tete ɖée ha. ²⁴ Exé ekpɔn eɖe egodo ɔ ejɛmɔ mɔ wɔn kɛn eɖeɖo ɔ ofɔta lokpo ji. ²⁵ Vɔ, emɛ éxé gbeje esɛn éxé goɖo eɖwi ti e éxé ɖe mi ɖe emɛ kannu kpɔn ganji, mɔ tɛnkpɔn dego ganji gbɛ ego ɖoto kpoun mɔ wɔn e, mɔ bayi deji ɔ, Mawu la xo eɖɛ do emɛ enɛji ɖe nu éxé e bayi ɔ mɛ. ²⁶ Nɛ mɛlele mɔ fan eyɛ nyi Mawusɛntɔ gbɛ ego hɛn enugbɛn e le ɔ, emɛ enɛ nɔ klɔ eɖe ɖu, e Mawu sinsɛn zun inu vɔvɔ. ²⁷ Mawu sinsɛn adodwe éxé nyi Mawu sinsɛn ɖe Mawu tɔlɔ okunmɛ ɔ we: nɛ kpe okun do tɔciɔvi nɔciɔvi gɔ osukusi lɛ go ɖe evivɛ sise lɛ mɛ; mɔ cɔ emɛɖe do inu éxé emɛ éxé nyi egbɛ etɔn lɛ nɔ bayi lɛ go; nɛ ma lo hɛn emɛɖe deɖwi é.