¹ Igalɛ, mi yi ayi kinkɔn , ayi jijɔ lo hɛn mi devi lɛ mɔ nɔ flin fan eyɛfe ɖo iga lokpo ɖe sɛxwɛ. ² Mi nɔ xo eɖɛ gan tɛtɛ mɛ, mi nɔ kpe okun do eɖɛ éxé mi nɔ xo ɔ go, gɔdo ekpɛ dido na Mawu. ³ Nɛ mi nɔ xo eɖɛ ɔ, mi mɔ nɔ xo eɖɛ na myɛlɛ lɛ fe na Mawu ni hun imɔ mɛmɛyi na mi na mi lo jla e xo, mi mɔ lo lɔ nubudo KLISU etɔn e xo na emɛlɛ, xonugbo ɔ, nubudo enɛ wutu lo ɖe ogan mɛ tɛn. ⁴ Hun, mi mɔ nɔ xo eɖɛ do un takun nɛ anɔ lɔ nubudo ɔ e xo céɖé céɖé tɔn na emɛlɛ ɖikɛn i ɖo wa lɔ ɖo ɔ. ⁵ Mi nɔ zan mi egbɛ gɔdo nunyinyiɔ gɔdo emɛ éxé go ɖe ogun Klisutɔn mɛ e leɔ; e mɔ hun nami gan lele kpo kpwe mɛ ɔ, mi mɔ hwlɛndo. ⁶ MI Xo lɛ ni nɔ vi sise gantɛtɛmɛ, mɔnɔ dɔn emɛ; mi mɔ nɔ nyɔ kɛn mi wa nɔ na xosin emɛ lokpo lokpwe ɖo ɔ. ⁷ Mi nɔvi exe mi nyi wan naTciku éxé enyi edɔnwatɔ gbejinɔtɔ nyɔ gɔdi mɔ nɔ wa Aklunɔ e dɔn ɔ, la we lɔ un xo lɛ tɛtɛ na mi. ⁸ Inu éxé wutu i lo ɖwe loxlan tawun ɔ eyɔ enyi fan e la we lɔ kɛn mi ɖeɖo ɔ na mi, emɔ na okɔnkpinkpan mi. ⁹ Mi emɛ nyi wanna gbeji nɔtɔ Onezimu éxé enyi mi emɛ ɔ , i ɖo eyɔ fe loxlan , emɔ jɛ egun; e la lɔ inu éxé nɔ jɔ tɛtɛ na mi. ¹⁰ Alisitaki éxé gɔdo exé gɔdo eɖe gan kpamɛ edogbe loxlan mi. Baanabasi e nɔvi Maki fe dogbe loxlan mi. Kɛn mi yi Maki ɖo ɔ, e mɔ lɔ na nɛ e wa mikɛ ɔ, mi yi ganji. ¹¹ Yesu éxé eylɔ fan Jusitusi lɔ fe dogbe loxlan mi. Yɛmɛ otɔn enɛlɛ jan enyi emɛ éxé nyi Jwifu éxé ɖwɔ jɛ Klisu e mɔji lɔ. E nɔ wadɔn gɔdo na kɔsu ɖuɖu Mawu etɔn. E do wusiɛn lanmɛ na tete. ¹² Epaflasi , éxe ewa mi emɛ ɔ fe dogbe loxlan mi ; emɛɖoloxlan Klisu Yesu etɔn enɛ gbɛ eɖɛ xixo gɔdo e ayi tɛtɛ do mi takunmɛ nɛ ami lo tɛn kpego lo li ɖe nuɖiɖimɛ, mi mɔ lo nɔ gbesisɔmɛ ganji, mi mɔ bayi inu éxé Mawu jlo tɛtɛ. ¹³ Nɛ i yi ɔ, la ɖeklun éxé ni fan e jɛ tagba tete do mi takun, mɔ gɔ jɛ tagba do emɛ éxé ɖe lawudise lɛ e takun, mɔ gɔ jɛdo emɛ éxé ɖe Lelapolisi lɛ e takun. ¹⁴ Mi emɛ nyiwanna Luki , doto ɔ gɔ Demasi e dogbe loxlan mi. ¹⁵ Mi dogbe nami nɔvi éxé ɖe Lawodise lɛ, mi dogbe na Nɛfa fe gɔdo nɔvi éxé bɔ ɖe e osinmɛ lɛ. ¹⁶ Nɛ mi xlɛ xoma éxé ɔ, mi bayi nɛ xlɛ na ogun éxé ɖe Lawodise ɔ fe, myɛlɛ fe ɔ mi xlɛ xoma éxé eɖo loxlan mi ɖe Lawodise ɔ. ¹⁷ Mi lɔ na Aacipu fan ni kpe okun do idɔn éxé Aklunɔ zwɛn ɔ go mɔ wa ganji. ¹⁸ Nyɔ Pɔlu tete e yi un olɔ lo wlan ixo éxé lɛ ; i dogbe loxlan mi ; mi ma wɔn fan gankpamɛ i ɖée . Fifa Mawu etɔn ni nɔ kpwɛ gɔdo mi !