1 Éxé mi we gan eloko ɔ, eyɔ mi lo we nyɔɛn fan itɔ cɛn cɛn to enɛ lɔ, maluti enyikɔ nyi. 2 Ito lɔ mɛn tɔ lɛ kɔn oɖomɛ ɖomi go tawun. Gan exemɛ jokun bɛ vivɔ mɔnɔ cimi ɔ, edozo gbo lohwlɛn, mɔ yi mɛjlo mitɔn ɖekɔn. 3 Pɔlu Sɔn labɛ ogbio ɖiɖolɛ mɔna kɔndo izolɔ mɛ, jlokpe ɔ, lanvi zakpata lokpo mɔ tɔn ɖe ogbiolɔ mɛ, mɔtɛ do olɔgoni, ɖo izo lɔ ezozo lɔ gblɔɛ : 4 Exe tolɔ mɛ tɔ lɛ mɔ iɖan lɔ ɖe olɔgo na Pɔlu gblɛlɛ ɔ, elɔna eɖelɛ fan: "Emɛhutɔ dahwe éxé nyi dandan; ɖo egan ɖe exu o lɔmɛ, co ehwɛ jijɔ yɛhwe mɔ gbɛ kpo ɖe ogunni" 5 Enɛ ɔ, Pɔlu mɔ mimi olɔ, idan lɔ mɔ flɛjɛ izo mɛ; vɔ, inuti go wa eyɔ tete e. 6 Emɛlɛ mɔ ɖete fan ela jɛ titɛji, alo ela jɛ awan mɔ ku jlokpe; vɔ éxé enɔte kaka gbɛ inuti go wɛ e leɔ, e tlɔgbe mɔ we nɔlɔ fan yɛhwe e nyi. 7 Ito lɔ mɛ ega éxé e ylɔ fan Publiwúsi lɔ ɖo wlanglo lokpo ɖe hilɔ. E yi mɛjlo mitɔn ganji, mi mɔ nɔ e sinmɛ na okunkinkɛn otɔn. 8 Gan enɛmɛ ɔ, Publiwúsi tɔ ɖe awan finfin, vivɔ e cɔnɛn, emɔmɔ yɛn sinkui. Enɛ ɔ, Pɔlu sɔn la kpɔn ɛn mɔxo eɖɛni. Edlɛn olɔ di lo xo edɛozɔn mɔ yɔ n'i. 9 Enɛ e godo ɔ, ozɔntɔ éxé ɖe itolɔ mɛ tɛtɛ wa Pɔlu kɛ, emɔ xo eɖɛ ozɔn mɔ yɔ na eylɛ fe. 10 Enɛ wutu, e wli yɛyi olɔkpa tɛtɛ na mi, gan éxé mɛ mi na lɛ ɖe ekɛ ɔ, mi lo nɔ byɛ hun mɛ ɔ, eɖo mi hudo lɛ tɛtɛ e agan na mi. 11 Sunzan otɔn mi bayi ɖe ito enɛ lɔmɛ, feto mi lo we do ihun lohwlɛn, ihun enɛ lɔ mɔ we nɔ xinɛ ɖe vivɔ e ganmɛ, tojihun enɛ ɔ Alɛsándli tomɛ elɛɖe, emɔɖo nyikɔ ni fan "yɛhwe togbosulɛ" . 12 Mi we jɔ Silakúsi, xinɛ ɔ, mi nɔna kun kinkɛn otɔn. 13 Éxé mi we lɛɖe xinɛ ɔ, mi we zɔn exuto xuto gbɔn mɔ sɔn Hlejio tomɛ, okunkɛngbe etɔn ɔ, jɛhɔn exulanu etɔn jɛ xixoji, azan otɔngɔgbe ɔ, mi mɔ jɛ Puzɔ́lu. 14 Mi mɔ mi nɔvi ɖe Klisu mɛ lɛ ɖe xinɛ, e mɔ ɖe kuku na mi fan ami nɔ eyɛlɛkɛ na kunkinkɛn aciowe, mimɔ nɔ ekɛ, xinɛ mi lɛɖe mɔwe sɔn Hlɔma tomɛ. 15 Nɔvi ɖe Klisu mɛ éxé ɖe Hlɔma lɛ mɔ se fan mi zuwan, emɔ wa we kpemi do mɔji; emɛ lohwlɛn lɛ wa we kpemi do emɛjlo yi tɛnxwe otɔn lɛ unkɔn; mɛbulɛdo wezu gbɔn we kpemi ɖe Apiwúsi oximɛ. Éxé Pɔlu mɔɛn ɔ, edo ekpɛ na Mawu, emɔ na jijwɛ wi 16 Éxé mi jɛ Hlɔma ɔ, ena gbe wu Pɔlu fan ni la nɔ vonami; emɔ yi sɔja emɛcɔtɔ lokponi, ema nɔ cwɛ. 17 Okunkinkɛn otɔngɔ gbe ɔ, Pɔlu ylɔ gbɛtɔ okunɖeji Jwifu tɔn lɛ do e osinmɛ. Éxé e wa ekɛ ɔ, elɔnɛ fan: "un nɔvi lɛ, igo jɛ ogɔ ti do mǐ togun e; gbɛ igo jɛ ogɔ ti do fe do mi tɔgbo lɛ e hwɛndo e, co ɔ emɔ wliu do ganmɛ ɖe Jeluzalɛ́mu, mɔ yiwu dolɔmɛ na Hlɔmanulɛ. 18 Vɔ éxé Hlɔmanulɛ kanxose wu kaka ɔ, e gomɔ ehwɛ ti na, nɛ lo tɛ do egolo ɖo iku e kojo na e, e mɔ jlo wa ɖeotɛn. 19 Vɔ, Jwifu lɛ mɔ gbɛ; enɛ wutu ɔ,imɔ fan eɖe dandan fan a ylɔ kojo gbokpan lokpo ɖe kɔsu Hlɔmatɔn kɛ; ego wa fan unto ehwɛ lo din ajɛna mi lo wa hi e. 20 Inu éxé wutu ejlo a mɔmi, alo lɔixo nami lɔ wenɛ; do emɛ éxé go Izlayɛ́lito nɔ ɖo okun wutu elo caka wu etɔnɛ. 21 Emɔ yigbe ni fan: "Miɛlɛ ɔ, xomati go lɛɖe Judée lowa na mi, mɔ lɔxo do igo e; mi nɔvi ti fe golɛ ɖe xinɛ lowa we jɛ ehwɛ itɔn nami, alo mɔ we lɔ ixo nyinylan ti do igo namie. 22 Vɔ, miɛlɛ ɔ mi jlo fan oyɔtete nɔ lɔ inu éxé o jlo nami; ɖo mi nyɔɛn fan hi tɛtɛjan emɔ lɔ sinsɛngun enɛ exo nyinylan ɖe. 23 Enɛ ɔ, eyɔ gɔdo mɔɖo azan , e mɔ gɔ su lokpe lo sɔn ekɛ, ɖe ixɔ éxé mɛ eɖe lɔ. Ɖe klɛmɛ gbɔn losɔn hwedo ɔ, etinnumɛ nɛ ganji. Elɔxo nɛ do acɛkpikpa / kɔsuɖuɖu Mawu etɔn go; eyi Moyizi esɛn gɔdo nukplɔn emɛ Mawuxo yilɔɖawantɔlɛ etɔn lo lɔxo nɛ, mɔlo jlo a dɔn ɛn, nɛ lo nyɔ fan ixo éxé eyɛ nɔ lɔ do Yesu Klisu go lɛ ɔ, xojɔxolɛ nɛ. 24 Emɛ lohwlɛn lɛ ɖe emɛ, mɔmɔ xojɔxo ɖe ixo éxé Pɔlu nɔ lɔ lɛ mɛ, mɔ ɖo nuɖiɖi; co mɛɖehwlɛn lɛ go ɖinu e. 25 Emɔnɔ yigbe etɔnɛ vovoe mɔ gbado, Pɔlu mɔnɔ lɔnɛ fan: "Ixo éxé gbigbɔ Ɖedovo lɔna mi tɔgbolɛ zɔn Mawuxo yilɔɖawantɔ Ezayi ji lɔ, xojɔxo ewa ixolɔ. 26 Ixolɔ enɔnyi fan: 'sɔn gbɛtɔ enɛlɛ kɛ, omɔ lɔnɛ fan: mi la ɖoto mɔse ganji, vɔ mi go na ɖo kunnu mɔ jɛ nugo na e; mila mɔ ganji co migo na mɔ e. 27 Ɖo gbɛtɔ éxélɛ eji mɔ syɛnxu; esutɔ etɔn, mɔ myɔn kun, ɖo okun etɔn la gbɛ we mɔnu, oto etɔn fe ma gbɛ we senu. Iji etɔn ma we din amɔ kunnu jɛ inugo, nɛ lo we vɔjɔ ɖe e hwɛ lɛmɛ, na lo we yɔ ozɔn nɛ. Ixo éxé Mawu lɔ wenɛ '" 28 Pɔlu mɔ gɔ nɔ lɔnɛ fan: "mi mɔ yawu nyɔɛn ganji fan Mawu yi hwlɛngan etɔn loxlan emɛ éxé go nyi Jwifu lɛ. Eyɛlɛ la ɖotowi. 29 Exé Pɔlu lɔ xo enɛ lɛ yɔɔ, Jwifu lɛ yimɔ, mɔ jɛ xo dɔnji ɖe eɖelɛmɛ tawun. 30 Pɔlu nɔ ixɔxaya etɔn lɔ mɛ na ixwe gbesisɔ. Ixɔ enɛlɔmɛ eyi mɛjlo emɛ éxé wa ekɛ lɛ etɔn ɖe. 31 Emɔ lɔ acɛkpikpa Mawu etɔn exo, mɔ kplɔnnu emɛ do osintɔ Yesu Klisu go, gɔdo kandeji, gbɛ mɛti gɔdo tagba ni e