¹ Exe fesitusi wa sezale ɔ kunkinkɛn otɔngɔ gbe etɔn elɛɖe hinɛ mɛ sɔn jeluzalɛmu. ² Vɔsanu xwlemawutɔ lɛ ega gɔdo jwifu lɛ ega ɖogbe kpoɛɛ mɔ sɔn la sanma u pɔlu ɖe fɛsitusi kɛ. ³ Emɔ byɔ ɖesi fan ni na ehwɛ jijɔ u eyɛ lɛ mɔ ɖo pɔlu ɖoxlan jeluzalɛmu e lɔ etɔnɛ ɖo emɔ tlɛ mɔ na pɔlu nɛ lo kpe go lo hwi ɖe mɔji. ⁴ Vɔ fɛsitusi mɔ ɖoego nɛ fan pɔlu ɖe gankpamɛɛ ɖe sezalée inyɔ tete ma sɔn hinɛ ɖe madɛn madɛn mɛ. ⁵ Emɔ gɔnɔ lɔ nɛ fan nɛ nyi fan ɖekajɛ enɛ bayi inulele ɔ iga mitɔn lɛɛ nɛ mɔ xwedo mi lo sɔn sezalée emɔ lo jɛ ehwɛ lɛ dego. ⁶ Okunkinkɛn atintɔn losɔn owoe pɛɛ jan fɛsitusi mɔ nɔ mikɛ lo bayi mɔ lɛkɔ sɔn sezalée okunkɛngbe etɔnɔ emɔ we sinɔ kojoɖiɖo e xɔ lɔmɛ mɔlɔ fan nɛ kplan pɔlu lo wa.

⁷ Exe pɔlu lo wa ɔ jwifu exe lɛ ɖe jeluzamu lo wa lɛ tlɔ ɖi mɔ jɛ ehwɛ lɔkpa lɔkpa lɛ doe ji lo ɖexlɛ fan e gba esɛn vɔ ego kpego lo ɖexlɛ fan xojɔxo enyi ixo exe eyɛlɛ nɔ lo degoe . ⁸ Pɔlu fe mɔ yi xo lo jɛ ehwɛ jijɔ din na eɖe ji mɔ lɔ fan igo jɛ ogɔ ti do jwifu lɛɛ esɛn goe gbɛ igo jɛ ogɔ do sinsɛnxɔ etɔn goe etɔnɛ ke igo jɛ ɛ ogɔ ti do hlɔma kɔsu e . ⁹ Exe fɛsitusi jlo a wanu lo do ji jɔ ɛ na jwifu lɛɛ ɔ e kanse u pɔlu fan o jlo wasɔn jeluzalɛmu nɛ lo ɖo kojo itɔn ɖe un okunmɛ. ¹⁰ Pɔlu mɔ ɖo ego ni fan ehwɛɖasin gbo eyɔ wa sɔn ɖe hlɔma kɔsu e unkɔn hinɛ ewa ɖo kojo untɔn ɖe igo wa nuti do jwifu lɛɛ e oyɔ tete mɔ kunnu jɛ ego taun. ¹¹ Nɛnyifan iwa inu masɔgbe lele emɔ jɛ ɛ fan nɛ hu ɔ igogbɛ kue vɔ nɛ nyi fan ehwɛ exe emɛ enɛ nɔ do go nyi xojɔxo le ɔ mɛti go ɖo acɛ exe jodo do elɔmɛ e enɛ lɔ wutru ilo la ylɔ kojo gbo ɖe hlɔma kɔsu kɛ. ¹² Fɛsitusi gɔdo toxolɔgbɛ etɔn lɛɛ mɔ we sɔn kpa emɔ wenɔ lɔ na pɔlu fan oylɔ kojo gbo ɖe hlɔma kɔsu kɛ eɖe etɔnɛ ɔ olasɔn hlɔma kɔsu kɛ . ¹³ Azan masu azanti ɔ kɔsu aglipa gɔdo esi belenisi wa sezalée nɛ lo we dogbe na fɛsitusi. ¹⁴ Exe ewa tolɔ mɛ ma nɔ na azan susu ɔ fɛsitusi we jlɛ exo ɖe kɔsu aglipa kɛ e lɔnifan ɖekajɛ ɖehwlɛn ɖe hye tomɛ ga felisi mɔ joedo do ganmɛ . ¹⁵ Ganexemɛ isɔn jesuzalɛmu ɔ vɔ sa yi xwlematɔ lɛɛ ega gɔdo jwifu tomɛxo lɛɛ we jɛ eehwɛ na emɔ byɔ fan a da ehwɛ ni. ¹⁶ I mɔ oego nɛ fan feto hlɔmatɔ lɛɛ wa e olɔ ɖe mɛ lele goɔ emɛ exe nɔ sanma wi lɛɛ ɖo a we toxo ehwɛ exe enɔ doe lɔ etɔn ɖe emɛ lɔ tete e unkɔn enɛ ɔ emɛ lɔ fe mɔ lo kpego lo lɔ xo lo din ehwɛ jijɔ . ¹⁷ Eyɔ elo xwedo lo wa hie igɔ hyɔ lo nɔtee okunkɛngbe etɔn jan ila sinɔɔ awan ɖe kojo zin kpoe untɔnji mɔ byɔ fan nɛn kplan ɖekajɛ lɔ lowa. ¹⁸ Emɛ exe nɔ do ehwɛ lɛ mɔ site mɔ to ixo lo do ehwɛ wi vɔ inu nyinylan exe e susu iɖo fan ela lɔ dego lɛ ɔ ego lɔ ti de goe . ¹⁹ Ixo maɖixo ɖehwlɛn lɛ jan enɔlɔ lo nɔ do ehwɛ wi kpoun enɔ dɔn ixo gɔdi do ɖekajɛ exe eylɔ fan jesu lɔgo dekajɛ enɛ mɔku pɔlu mɔ lɔ fan eɖe gbɛ. ²⁰ Vɔ exe go nyɔ susu exe wa yi lo lɔxo lɔ e leɔ i kanse u pɔlu fan ela sɔn jeluzalɛmu nɛ lo la ɖo kojo etɔn ɖe hinɛ ja . ²¹ Vɔ pɔlu mɔ ylɔ kojo gbo emɔ byɔ fan nɛ nɔ cɔ eyɛ gbɔn na gan exe mɛ hlɔma kɔsu la na gbeta ɖehwlɛn do un xo go do enɛ wutuɔ i nagbe fan nɛ ɛ nɔ cɔɛ gbɔn na gan exemɛ la we yi loxlan hlɔma kɔsu kɛ. ²² Enɛ ɔ aglipa lɔ na fɛtitusi fan inyɔ te ɔ i jlo wa se ixo ɖehwlɛn ɖe dahwe enɛ nugbɛn fɛsitusi mɔ ɖoego ni fan emɔ jɛ isɔɔ ola se e xo . ²³ E okunkɛn gbe ɔ aglipa gɔfo esi belenisi mɔ wa ahwanga gɔdo tomɛxo mɔ kplɛn lo we yan e mɔ byɛ hwɛ ɖɔgbasa lɔ gɔdo yɛyi fɛsitusi na gbe emɔ kplan pɔlu lowa hwɛ dɔgbasa lɔ . ²⁴ Fɛsitusi mɔ lɔ fan kɔ su aglipa gɔdo gbɛtɔ exe mɔ ɖe xie lɛ tɛtɛ dekajɛ exe e hwɛ e jɛ ma ɖe jeluzalɛmu mɔ gɔ we jɛ na ɖe xie mɔ do aboba ta un fan nɛ ma joedo do egbɛ lɔ ɖekajɛ lɔ we. ²⁵ Inyɔ mɔ mɔ fan ego wa nuti lo hu ehwɛ e ma huie vɔ exe eyɔ tete mɔ ylɔ kojo gbo ɖe hlɔma kɔsu kɛɔ enɛ lɔ e na ilo nagbe fan la yi loxlan ekɛ. ²⁶ Igo ɖo ixo ti a wlan loxlan kɔsu lɔ e enɛ lɔ ena tawun i lo kplɛn lowa mi unkɔn ɖe taji ɔ oyɔ kɔsu aglipa unkɔn enɛ ɔ nɛ nyi fan ekan xo se wiɔ inyɔ mɔlo mɔ inu ɖehwlɛn wlan dego loxlan. ²⁷ Ɖo inyɔ imɔ fan nɛ nyi fan eyi gansɛntɔ lele loxlan ehwɛɖɔtɔ ma wlan nuti ɖejiɔ lo tin nu exe hwɛ enɔ doe lɔ leɔ ego sɔgbe e.