¹ Nɔnyɔ fan ganxixo sinsiɛn lɛ la nɔ ɖe azan godotɔn lɛ mɛ. ² Gan enɛmɛ ɔ, gbɛtɔ lɛ la nɔ di fan eyɛ etɔn jɛn wa jɔhun. Ela nɔ nyiwan na ixwa; e la nɔ mɔ eɖe mɛ, ela nɔ yi go, ela nɔ nylanugbɛn do Mawu go ; ela nɔ tli oto na e mɛjitɔ lɛ ela nɔ do olɔ godokpɛ na emɛ; ego na nɔ ɖo sisi na inu éxé wa Mawu etɔn lɛ tie. ³ Ego na ɖo wannyinyi tie; e go na nɔ ɖo unzinzin ti na emɛ e. Ela nɔ lɔ emɛ xo. Ego na kpego loɖu ɖe eɖeji e ma nɔ nylanhun; ela gbɛwan na ɖagbɛ wiwa. ⁴ Ela nɔ sa emɛɖu ; ego na nɔ li takunmɛkpɔn feto lo bayinu e; ela nɔ yigo zɛ jlɛ go; ela nɔ nyiwan na egbɛɖuɖu hugan wu Mawu . ⁵ Ela nyi mawusɛntɔ ɖe okuntakun ma gbɛwan na inu éxé nyi hinhlɔn titewungbe na e sinsɛn ɔ; lɛkɔ ɖe gbɛtɔ etɔnɛ kɔha lɛ gun. ⁶ Mɛnɛhwlɛn lɛɖe emɛ mɔ zlɔn byɛ osin lɛmɛ mɔ lɔxo lo klɔ nyɔsi éxé go ɖo hinhlɔn ti e le ɔ, ehwɛ gban mɔ ɖekɔnɛlɛ, kaka mɔ dwɛn do e awomɛ. ⁷ Nyɔsi enɛ lɛ nɔ inu kplɔtɔn tɛgbɛɛ, gbɛ e go kpe xonugbo ɔ go lo nyɔ e. ⁸ Kɛn Jamɛsi gɔdo Janblɛsi gbɛ Mɔyizi e xo ɖo ɔ, etɔnɛ ke eyi gbɛtɔ ayi huhlunɔ éxé é nuɖiɖi go wa inuti wanu enɛ lɛ fe gbɛ xonugbo ɔ ɖo ɔ wenɛ. ⁹ E go nɔ sɔn xi dindɛn ti e; ɖo mɛtɛtɛ la mɔ fan hihinɔxo enɔ lɔ; kɛn enyiɖo na Jamɛsi gɔ Janblɛsi ɖo ɔ mɔɖe. ¹⁰ Vɔɔ, oyɔ o nyɔ inu éxé i kplɔn emɛlɛ ɔ tɛtɛ; onyɔ kɛn izan un egbɛɖo ɔ tɛtɛ; mɔ nyɔ un linlin lɛ , mɔ nyɔ nuɖiɖi éxé iɖo ɔ, mɔnyɔ suwulu exe i ɖo ɔ gɔ wannyinyi éxé i ɖo ɔ. ¹¹ O nyɔ kɛn i doji ɖo ɔ. Onyɔ aya éxé edo na lɛɛ mɔ nyɔ vivɛ éxé i se lɛ. O nyɔ inu éxé kpiyo ɖe antiyɔci gɔdo Ikonyɔmu gɔ lisitli ɔ; mɔ nyɔ vivɛ éxé ise lɛ. ¹² Vɔɔ Aklunɔ hwlɔngan ɖe inu enɛlɛ tɛtɛmɛ. Emɛ éxé jlo wa zan egbɛ lɛ na Mawu gɔ sisi , ɖe kpwɛ exe eɖe gɔ Klisu Yesu ɔ mɛ ɔ e la tlɛ do aya na. ¹³ Vɔɔ, gbɛtɔ dida owoxotɔ lɛ fɔn tegbɛ ɔ, ela ɖe inu nyinylan wa dejitɔn ; ela flu emɛ ɖehwlɛn lɛ; eyɛtelɛ fɛ mɔ flu. ¹⁴ Oyɔɔ, doji ɖe inu éxé okplɔn mɔmɔ fan xonugbonɛ ɔ mɛ ɖo onyɔ emɛ éxé kplɔn inu enɛ wi lɛ. ¹⁵ Ɖe ganéxé mɛ oɖe vikpɛvu ɔ eyi omɔ nyɔ inu wiwlan kinkɔn lɛ . Eyi ɔ ela na inu nyinyɔ exé ela kplan emɛ emɔ mɔ hwlɛngan zɔn inuɖina Klisu Yesu mɛ ɔ wi. ¹⁶ Inu éxé e wlan do Mawuxo Xoma ɔ mɛ ɔ, Mawu e yi tɛtɛ do ayimɛ na emɛlɛ; e jɔhun fan e la yi lo kplɔnnu wu emɛ ma yi lo ɖemɛ do mɔji, ma lo ɖe ehwɛ huhu lɛ xlɛ, mɔ gɔ yi lo kplɔn kɛn ewa yi lo zan egbɛ ɖagbɛ ɖo ɔ wu emɛ. ¹⁷ Nɛ emɛ éxé wa Mawu etɔn ni lo nɔ gbesisɔmɛ tete. Inu éxé e wa lo wa inu mɛmɛyi ɔ tɛtɛ mɔ lo nɔ esi.