¹ Inyɔ Pɔlu éxé nyi emɛ ɖoloxlan klisu yesu etɔn zɔn ojlo Mawu etɔn mɛ ɔ, gɔdo mi nɔvi Timɔtée eyi enɔ wlan xoma éxé loxlan ogun MAWU etɔn éxé ɖe kolɛnti ɔ, gɔdo emɛɖedevo Mawutɔ éxé ɖe toho Akayi etɔn mɛ tɛtɛ. ² Mi Mawutɔ gɔdo Aklunɔ Yesu Klisu ni na majɛna gɔdo fifa mi. ³ Mi na ami kafu mi Mawu Aklunɔ Yesu Klisu itɔ emɛnu ɖudɔnu na tɔ eyi enyi , mɔ nyi Mawu exe do babale na emɛ ɖe inu tɛtɛ nugbɛn; ⁴ E do babale na mi ɖe vivɛ éxé mi se lɛ tɛtɛ mɛ, na mi lo yi babale éxé e do na mi ɔ, lo do babale na emɛ éxé ɖe vivɛsise olɔkpa olɔkpa mɛ lɛ. ⁵ Xonugbo ɔ, kɛn mi ɖu aya susu gɔ KLISU ɖo ɔ, etɔnɛ ke Mawu la gɔ do babale na mi zɔn KLISU ji. ⁶ Nɛ mi nɔ ɖu aya ɔ , ela do babale na mi mɔan hwlɛn mi gan wutu nɛ; nɛ e do babale na mi ɔ, e la do babale na mi wutu nɛ; babale do na emɛ enɛ ewa zɔn mi mɔ dɛɖe aya lokpo éxé mi nɔ ɖu lɛ gɔdo suru. ⁷ Enɛ mɛ ɔ, okun éxé mi nɔ ɖo miɔ esyɛn tete ɖo mi nyɔ fan aya éxé mi nɔ ɖuɔ eyɔ myɛlɛ fe nɔ ɖu, babale éxé ela do niɔ, ela do na myɛlɛ fe. ⁸ Nɔvi lɛ mi jlo fan nami mɔ klun jɛ wuvɛ éxé mi mɔ ɖe toho Asitɔn mɛ ɔ agban ekpɛn mi etɛnɛ kaka mi gɔ kpego wa ɖo okɔn na e: mi gɔ ɖokun tete fan mi la nɔ egbɛ e. ⁹ Mi mɔ lo mɔ fan iku xwɛ eyi eɖo nami sin; inu nyi etɔnɛ ma lo kplɔnnu wu mi fan ami ma nɔ ɖo jiɖiɖe do myɛlɛ tetelɛ go e: vɔ ami nɔ ɖo jiɖiɖe do Mawu éxé e fɔn mɛkuku lɛ kɛɖɛ go. ¹⁰ Eyɔ e hwlɛn ɖe ofɔku baba enɛ éxé e yi ɔ e la dɔn emɛ lo sɔn ku ɔ mɛ; ema gɔ hwlɛn mi ɖe mɛ. Xonugbonɛ ! Mi nɔ ɖokun wi fan ela gɔ hwlɛn mi ɖe mɛ. ¹¹ Ɖo myɛ tete lɛ fe ɖo la do olɔ mi ɖe eɖɛ éxé mi xo na mi lɛ mɛ. Gan enɛ mɛ ɔ Mawu mɔ yi eɖɛ éxé emɛ susu xo do mi takun lɛ; ela bayi mɛmɛyi enɛ na mi, lozɔn hwlɛn éxé ela hwlɛn mi lɔ mɛ, gan enɛ mɛ ɔ, emɛ susu mɔnɔ do ekpɛ ni myɛlɛ wutu. ¹² Inu éxé wutu mi yi ɔ mi la go ɔ we, myɛlɛ ena ɖeklun na mi fan mi zan mi egbɛ ɖe egbɛ lɔ mɛ, ɖe taji ɔ mi zan mi egbɛ ɖe mi cɛncɛn gɔdo ayi , gɔdo xonugbo éxé lɛɖe Mawu kɛ ɔ. Inu enɛ éxé mi bayi ɔ, Mawu e majɛna lɔ exlɛ imɔ wu mi; ego wa nunyinyɔ gbɛtɔ etɔn e. ¹³ Xonugbo ɔ, xoma éxé mi wlan loxlan mi lɛ mɛ ɔ, mi go wlan nubu zɛ exé mi xlɛ mɔ mɔ klun jɛ emɛ lɛ go e. Mɔ nɔ ɖokun fan mila mɔ kunnu jɛ emɛ céké céké. ¹⁴ Inu vile go jɛn mi kunnu jɛ tɛn; eyɔ enyi fan ɖe mi Aklunnɔ Yesu e azangbe ɔ, mi la yi kafu myɛlɛ wutu, ɖikɛn myɛlɛ fe la yi kafu ɖi myɛlɛ ha. ¹⁵ I mɔ ɖeji do inu enɛ go etɔnɛ mɔ lin fan la wa mi kɛ , nɛ Mawu ni wa ɖagbɛ na mi do jɔ owe ji. ¹⁶ Xonugbo ɔ, i mɔ lin fan la zɔn mikɛ losɔn Masedwani, nɛ i lɛkɔ mɔ gɔ we mɔ mi, mi mɔ do olɔwu, mɔ yankpɔn Judée. ¹⁷ Exé nɔ ɖo linlin enɛ ɔ, nu nɛhwlɛn kpoun nɔ bayi ? Gan éxémɛ loo to un tito lɛ ɔ, linlin gbɛtɔ etɔn lɛ kɛɖɛ nɔ too ? La ɖe gbesisɔ mɛ ɖe "ɛɛn" gɔdo "oo" lɔtɔn zɛnzɛn nɛ ? ¹⁸ Ɖikɛn ixo éxé Mawu lɔ lɛ go ɖwɔ lɛ e ɔ, etɔnɛ ke jɛn ixo exe i lɔ na mi ɔ go wa "oo" mɔ gɔ nyi "ɛɛn" wenɛ. ¹⁹ Ɖo Klisu Yesu éxé xo inyɔ gɔ Silasi gɔdo Timɔtée lɔ na mi ɔ, ewa ma nyi "ɛɛn" ma nyi "oo" é. Nɛ mi wa lɔɔ, "ɛɛn" Mawu etɔn enyi. ²⁰ Xonugbo ɔ, eyɔ enyi "ɛɛn" éxé yigbe fan kpagbe éxé Mawu do lɛ nyi xojɔxo. Hun Klisu Yesu ji mi jan mi "Ami" zɔn. mi mɔ lo kafu Mawu. ²¹ Mawu tete ena linlin mi ɖe egbɛ éxé mi zan ɖe Klisumɛ mɛ; Mawu tete eɖe mi dovo. ²² Eyɔ eyi enyikɔ lo ɖo jesido wu mi mɔ kɔn gbigbɔ ɖedovo do mi ayimɛ. Eyɔ ena jiɖiɖe wu mi fan mi la mɔ ɖagbɛ éxé e yi ɖawan na mi lɛ yi. ²³ Mawu la ɖe klun na , nɛ owo nɔ ɖu ɔ na ku; i go jlo agba ayi do na mi e; eyɔ e wanu i go lɛkɔ wa Kolɛnti e; ²⁴ mi go jlo a lɔ na mi fan inu etɔ mi ɖo ɖinu na dandan e ɖo mi mɔ li ɖe inu ɖiɖimɛ: vɔɔ, mi jlo awa idɔ gɔ mi na mi ɖagbɛ.