¹ Emɛ exe nyi kanmumiɔ lɛ tɛtɛ ɖoa mɔ ye ga lɛ lo mɔ emɛ exe e ɖoa ɖo sisi na ɔ, nɛ mɛti ni ma lɔ xo nyinylan do mawu e nyikɔ gɔ inu exe mi nɔ kplɔn mɛ lɛ go e. ² kannumiɔ exe ye ga nyi nuɖitɔ lɛ o ɖoa gbɛ sisi ɖo na ye ga lɛ ɖo emɔ nyi nɔvi ɖe nuɖiɖi mɛ wutu e, e la jɔhun ɔ, e ɖoa gɔ sɛn ɛn e mɔ hu gan kɛn enɔ bayi ɖo san ɔ, ɖo emɛ exe nɔ ɖu ale inu exe e nɔ wa lɛ etɔn, lɛɛ ɔ nuɖitɔ exe ye nyiwan na lɛ nɛ. ³ inu exe ola kplɔn ɛn ɔ gɔ mawu xo exe owa lɔ nɛ ɔ e we: nɛ mɛ lele kplɔn nubu mi gbɛ ego yi gbe na xonugbo aklunɔ e tɔn gɔ evi jesu klisto etɔn lɛ gɔdo enu kplɔn emɛ l exo sogbe gɔ mi sɛnsin lɛ ⁴ go. go yitɔ ewa mɛ enɛ ego nyɔ nuti ee inudindɔn gɔ jlɛ wiwa do xogbe nɛhlɛn go eo zɔn enɔ jɛ. nu enɛ lɛ eyi edɔn hwanlɔ wiwi, odɔndindɔn , emɛ zunzun, nu nyinylan lin do mɛ go. ⁵ gɔdo nudindɔn magbokɔ biɛ gbɛtɔ exe takun mɛ go kpe na e ye gɔ nyɔn xonugbo ɔ e cɛncɛn, ye mɔ lo mɔ fan mawu sinsɛn ɔ, dɔkun jijɛ enu nɛ sin ⁶ xonugbo ɔ, mawu sinsɛn ɔ dɔkun gbo lokpo nɛ na emɛ exe inu exe eɖo ɔ kpe lɛ. ⁷ ɖo mi o hɛn nuti lo wa gbɛmɛ xie e. gbɛ mi okpego a hɛn nuti losɔn ku e. ⁸ enɛ wutu ɔ, nɛ mi mɔ kpego mɔ mɔ nu mi wa ɖu mɔ mɔ ovɔn mɔ do ɔ, e ɖo a kpe mi. ⁹ vɔ ɔ emɛ exe nɔ jlo na jɛ dɔkun lɛ jɛ tintɛnkpɔn mɛ mɔ jɛ jlo ma ɖo takun lɛ godo jlo exe zɔn emɔ se vivɛ lɛ. jlo enɛ lɛ dɔn gbɛtɔ lo sɔn dindɔn gbenu e mɔ dɔn. ¹⁰ ɖo wanyiyi na xwa mɛ nu nyinylan hamɛ hamɛ lɛ tɛtɛ tɔn ɖe. mɛ nɛhwlɛn lɛ ɖegun kaka mɔ la bu.mɔ ɖe zɔga na nuɖiɖi lɔ. mɔ dɔn adan gbo emɛ susu do kɔ. ¹¹ Vɔ ɔ oyɔ mawu dɔn wa tɔ, ɖo iɖe zɔga na nu enɛ lɛ tɛtɛ mɔ hwedo hwɛjijɔ mɔ nɔ si mawu, mɔ ɖo nuɖiɖi, mɔ ɖo wanyiyi, mɔ ɖo ogbɔjisisɔn , ¹² gɔdo odɔmɛ fifa, fun nuɖiɖi e ahwan mɛmɛ yi ɔ hɛn gbɛ magɔn magɔn lɔ gɔ sinsyɛn, gbɛ magɔn magɔn exe mawu ylɔ ɛ na ɔ. gbɛ magɔn magɔn enɛ eyi oɖe kunnu mɛ mɛyi na ɖe mɛ susu e unkɔn. ¹³ nɔ zɔn ɛn ɖe mawu e unkɔn , mawu exe na igbɛ nu tɛtɛ, gɔ evi yesu kliso exe lɔ xo nugbo ɖe pilatu e asamɛ ɔ e unkɔn fan: nɔ setonu na nu exe izɔn ɔ, ¹⁴ mɔ hɛn do kinkɔn ji kaka jɛ gan exe mɛ aklunɔ mitɔn yesu kliso la ɖe eɖe xlɛ do ɔ. ¹⁵ nɛ gan ɔ mɛ wa ɔ, mawu nyɔn na tɛtɛ nɔ mawu lokpo ge exe hu gan nu tɛtɛ ɔ, exe enyi kɔsu kɔsu lɛ etɔn ɔ, la ɖe gan exe mɛ yesu kliso la lɛkɔ lowa ɔ xlɛ. ¹⁶ eyɔ lokpo nɔ pɛ e go ku e mɔ ɖe kinklɛn exe mɛti o kpego a gogo e mɛ, mɛti go mɔ in kpɔn e. gbɛ mɛ ti o kpego a mɔ in fe e. susu gɔdo hinhlɔn magɔn magɔn ni nyi etɔn ami. ¹⁷ kplɔn nu emɛ exe jɛ dɔkun ɖe gbɛmɛ xie lɛ fan nɛ ma nɔ yi go e. lɔ nɛ fan nɛ ma nɔ ze okun ɖiɖo yetɔn do ye dɔkun lɛ ji e vɔ nɛ ze okunɖiɖo yetɔn do mawu ji. ¹⁸ eyɔ eyi ena nu tɛtɛ mi, kplɔn nu wi fan nɛ nɔ bayi nu mɛmɛyi, nɛ nɔ hun olɔ mɔnɔ na nu mɛ, mɔ nɔ gbesisɔ mɔ ma nu exe ye ɖo lɛ gɔ mɛɖetɔ lɛ. ¹⁹ nɛ ye nɔ bayi etɔnɛ ɔ, dokun mɛmɛyi, dɔkun exe go e hɛn ɔ, e la gan jɛ ɔ kpli ɖawan na yeɖe lɛ eyi yelɛ tete nɔ sɔ ɖawan na okun exe la we kɛn ɔ mɔ lo mɔ gbɛ jɔ gbɛ ɔ yi . ²⁰ Timɔte hɛn nu exe i yi do asi nɛ ɔ sinsnyin. nɔ si na xo ma ɖi xo, xo exe o sɔgbelɛ eleɔ. mɔ si na nu nyi nyon exe enɔ nu dɔn ɖekɔn tɔ lɛ. xonugbo ɔ, ²¹ mɛɖelɛ lɔ fan eyɛ ɖo nu nyinyɔ enɛ ɔ, mɔ jo nuɖiɖi ɔ do, fɛnu mawu etɔn ni nɔ gɔ mi.