¹ Inu éxé nɔ zwɛn jɛ owunkɔn ɔ enyi fan mi la nɔ ɖekuku na Mawu. Mi nɔ xo eɖɛ ; mi nɔ byɔnu wu Mawu ; mi nɔ ɖekpɛ ni ; mi nɔ bayi inu enɛlɛ do gbɛtɔ lɛ tɛtɛ e takun; ² mi xo eɖɛ na kɔsu lɛ gɔdo emɛ éxé olɔmɛ acɛkpikpa ɖe lɛ tɛtɛ na mi lo mɔ vivo gɔ fifa gɔ sisi titewungbe ɖiɖo na Mawu gɔ jijɔ mɛmɛyi zizan mɛ. ³ Ɖo inu éxé jɔhun mɔ jɛ Mawu emɛhwlɛngantɔ mitɔn okunmɛ ɔ wenɛ. ⁴ Eyɔ eɖin fan gbɛtɔ lɛ tɛtɛ nɛ mɔ hwlɛngan mɔ mɔ kunnu jɛ xonugbo ɔ go gbɔn la fo ⁵ Ɖo Mawu lokponɔ gée eɖe: ixolɔdo emɛnugbɛntɔ lokpo gée eɖe Mawu gɔ gbɛtɔ lɛ e cɛncɛn. ixoyi mɔ lɔdo emɛ nugbɛntɔ lɔ ewa Yesu Klisu éxé wa gbɛtɔ ɔ. ⁶ Yesu enɛlɔ eyi eɖe yi na lo xɔ egbɛ ne mi gan éxé mɛ Mawu ɖo ɔ we xo ɔ, e we ɖexlɛ fan kɛn mawu jlo fan gbɛtɔ lɛ tɛtɛ nɛ we mɔ hwlɛngan ɔ wenɛ. ⁷ Go nɔ ɖu xusu e, xonugbo nɔ lɔ ɖo ixo enɛji e wanu Mawu lo yiwu ewɛnzagun mɔ yiwu emɛlohwlan ; mɔ zɔn fan na kplɔnnu emɛ gɔ inuɖiɖi gɔ xonugbo emɛ éxé go wa jwifu lɛ e. ⁸ Islun lɛ ɖe xilele ɔ nɛ nɔ ze olɔ do jihwle mɔ nɔ xo edɛ gɔdoayi mɛmɛyi ; nɛ ma nɔ sin xomɛ e, nɛ ma nɔ wa ejlɛ e, ⁹ ijlo fan nyɔsi lɛ nɛnɔ ɖo ocɔ kɛn ejɛ ɖo ɔ ɖe yɛyimɛ do ejlɛji. Inu éxé nyɔsi la lo ɖo ocɔ gonɛ wa ida sislo babayi alo sikanu dido alo ejɛ dido alo ovɔn ixwagbotɔn sisɔ e. ¹⁰ Nu éxé wa lo ɖo ocɔ eyi ewa ɖagbɛ wiwa . Kɛn nyɔsi éxé ɖo sisi na Mawu ɖo wenɛ. ¹¹ Nyɔsi lɛɛ ni nɔ xwii mɔ yi kplɔn exe enɔ nɛ, mɔnɔ xwixwɛ tɛtɛ. ¹² I go nagbe nyɔsi ti fan ninɔ kplɔnnu ɖe ogunmɛ alo ni kpacɛ na islun ti e. E la bɔnwi nɛ. ¹³ Ɖo Adamu Mawu bayi jɛ nukɔn feto lo bayi Ɛva. E go wa Adamu lɛgba klɔɖu e; nyɔsi lɔ e klɔɖu. ¹⁴ E mɔ gba Mawu esɛn exe edo ɔ. ¹⁵ E ɖe etɔnɛ co , nyɔsi lɔ ɖinu na Mawu mɔ ɖo wannyinyi na e nɔzo ɔ mɔ ɖe kinkɔnji ɔ, mɔ bayinu do jijɔ ji ɔ Mawu la hwɛngan ɖe evi jijimɛ.