¹ Angue mando masomana, me ya ntu mpe me ya mane ifiü imo ya baü oyo. Ndôo etere eyume ende enka mupara : "Bara akia mpe me osuo ma maya angue bilobesobi." ² Mpe mu-ntôo esoyini etsu enzianu ya itshuri mpe me ya muene basi kiri kibu Mfumu kuyu mpe ya muru mumo etiu. ³ Mpe we siu eko fani anka nkunu entâa sée mpe munkana emudü ela nde mukiri ki bu Mfumu nde ekere anka nkunu emuta sée. ⁴ Enkua-nkua kiri kibunfunu, ekü eni makumue-ya mana makiri mabu Mfumu mpe ekü eni bakuru-ya bana ekü ba siu, ba buari biko bebie ya mampu ma mutaa sée (Or) anzia mitsui nibo. ⁵ Mukiri kibu Mfumu mise ne mitûu, bipara mpe bebû ngûu. Bidiu be mbea nsiamu ekü belieme aku ekiri kibu Mfumu, bidi beso mba nsiamu belilieme ekü bitsui nsiama bi Nziame. ⁶ Mpe anziako, ankûu ekiri kibu Mfumu me ya muene Nziame, yo ekeme ankâa intia babibiu Kristal. ankar-kari mpe mulibiu lekiri libu Mfumu, akii ani bara ba na ba mue baki emimiu onku mpe ya ongue. ⁷ Muru etare e mue efani nkûo, we efani enka muana Mfumu ebôo we turu akü ya busu bo muru mpe we na efani nkuele we epu pumu. ⁸ Bara baso bana bamue bobaso baki ani mayo masamu mawîi animiu onze mpe ya munkari bo babi mpibi ya miu balile mu we "Wumubue, wumubue, wumubue nde aki Mfumu Nziame ebui, nde we kikîi, wukîi, mpe we ya." ⁹ Mu ntôo yeso bara ba mue ba mutuono, ba muwa likunu a la wu siu mukiri kibu Mfumu, wu kîi ya lama limpuni tsu ya tsu liliso, ¹⁰ Bara baso makumue ya bana baba kuru ya bafini manku mu buo wu kîi ya lama limpini mpe bo batibi mampu mabo mamabue (Or) Ankûru kiri kibu Mfumu mpe balie :. ¹¹ "Mfumu Nziame ebiu obuani nze ukunu, nkomba mpe nze kaa ya itsi : Ndobu bilo bibiso nze ekiri mpe mulikunu nze, bibeso, bakiri mpe bibikîi."