¹ Ekome ntunu munzo e Nziame eke mubula bo Ephese : "Taa maalie we kuiari ba mpara muli nsiama (7) mu kwole nde li iluimi we bu a luiluiri munkara ba munda nsiama baba bwe (Sept chandeliers d'or) ya lie bukobo : ² "Me ngiabi masi nze, bisali benze be yana mpe ya biyiabe nze ya okuru mukôo enze. Me ngiabi ye bu baba sisa mambi nze ekukuri we mukoe siseuu we mbomo ya bara ba bati. Nze eke ba muene babu ba lilie bake bantsu ba Nziame mumu tini eso bake ka bowe, mpe nze ebamuene bara ba mampia. ³ Me ngiabi ebu nze eke ekuru mukôo mpenze eke muene mpari ntsee mundo nkumu eme Yesu mpe nze eleme we mpe e mi yee we. ⁴ Muli, ta ma emunu kukunu me : kuobu likumu le nze letera e yenaa. ⁵ Funu onze elioo nki mbûu. yilu mukuoo e nze mpe tsaa ma mabu mutini esisi mbala etere. kiri ebu nze yilu mukoo enze, me eyiyia ya nkio mundo enze mbu akika. ⁶ Muli, me ngiabi yana mutini kinze : Nze eku kunuwe ma esisa ba nikolate, mubo mutini e muma a me Nziame enze. ⁷ We bu a ni ma tsii a yiuu ma elilie itsuii e Nziame mu ma nzoma Nziame. We buni abiôo isaa, me emuwa nzeii a dia muti e mawama wu kee mukia e Nziame." ⁸ Ekome ntumu munzo z Nziame ekee mu bula bo Smyne : "Taa malie we ke etere mpe we ngale, we bu ekefii mpe e wiuu. ⁹ "Me ngiabi ma mpari mpe ya okü enze (muli nzeke a ni libôo) me ngiabi mutini ba ya tsu-tsubu biene babu bo balulo bake ba yuda (Muli bobake ka ba juda we, mpe bo bake manzoma manene ma satana baba sisana bitioo (bikeko.) ¹⁰ Kabara buomo mundo ma mpari mumuene nze lobuli. Taa mungu ekuibu mundo atibi mumo munkara biene munzo empibi mpe bali mimiuu ala biene mpe biene lemono mpari oluru matsu kuimi. Lika leme obiene tuku fûu mpe me eliwa mpu ebu ngumu e mawama. ¹¹ We bu antsü ayiuu malilie itshui mu manzo ma Nziame we buni abio isâa nde umo no we mpari e linfu le wiee." ¹² Ekome ntumu munzo e Nziame ekee mubula bo pergame : "Taa maliee we simi mbiele e ma mue : ¹³ Me ngiabi mambu le sisauu biene, oko kuke satana (munfuu) e sikiri e nde e siwu. Muli nze eki kuiri mukôo mundo nkumu eme, mpe me ngiabu yebu okiuu eme we mu ndome Yesu, mulitsu li ba diwu Antipas ake muru isali eme eyana mpe we lie ma ibini, nde ba mudiwuu a miuu me biene : Akiana bula esewuu satana (Munfu). ¹⁴ Mulibu ani mabume eke utsuu a lanze : Nze ani bara babu munkara biene bo eke bakiuu mando mama bima bunkôo bo Balaam, a lui luie aal balak a ba tibi mankuanu mabumbaa nsêe a la bana ba Israël, kuobu bo badia bilo ba dûu mubitio, ba niama ba ba bompe kibali osi ba ba yatâa bibuili ibo-ibo. ¹⁵ Mpe mulibu, munkara biene baba ke banama maluo ma mabioma mati bunkôo bo nicolate. ¹⁶ Mulibu yilu mokûu ! Kiri kamubowe me eyiya elamawe mpe eyia ma nguana kuke bo mpe eka ya mbiele e mpe mwe , etûu ku mungua eme. ¹⁷ Webu animatsü ayiûu malilie itsuimu manzo ma Nziame. Muli webu ma biôo isâa me e muwua nkuanu mo ebie yebu bakome nkumu mo e Nziame muru yini muna wu bioto wu yiôo yo." ¹⁸ Ekome ntumu munzo e NZiame e bula bo Tytire : "Ta ma luo ma muana Nziame, nde ani miûu mie anka lilimi le mbaa mpe mîi mende anka mibakiri mu bibene bimuta ntsêe : ¹⁹ "Me ngiabi bisali be nze, ya likunu lenze, ya okio e nze, mpe ya mando mabue esisa biene mpe ya ekuru mukûu. Me ngiabi bisali be nze bie lobuli biluiri bisali benze bibeke be tere. ²⁰ Mulibu, me olie kobo saa kebe : Nze eke ekiwu mukara enkumu Jezabel nde alilien nde akee ntsu e Nziame e mukara. mu maluo mande, ekee ntsue Nziame e mukara. mu maluo mande, eke efuru mampia kuke bara bame ba isali mpe nde ebatumu ba fuata bibuili mpe bo ba fadia ba niamu ba bo bafa dudu muba Nziame ba boba bitio. ²¹ Me ya mana muyiôo ntôo ndamu kuobu nde ayilu mukûu muli nde akui-kuini nsa ndama muo yiôo bibuli be nde. ²² Ta, me emutibi o ntâa anibu biele bo nde mpe ba batâa bibuili yande, me eba mueno mpari yi oluru tsêe, kiri ebunde akuini we oyilu muku ende mu mamaso asisa nde mamabi. ²³ Bo baso baba ninama nde me ebamu mana muba dûu, mpe ma nzo ma Nziame momaso ba yi yiaba yebu me nkewe yi yiaba momaso ma ke mu mukûu e muru. Me Nziame efuru muru a muru mu biasli be nde. ²⁴ Mulibu mu masiali mundo ebiene Tyayire, ya biene bo baso babu maluoma nde likuari we, mpe liyiabi we bilôo bibike ebebeûu mungûu, (satana) me ndindie a la biene : 'Me elibiu we to mu nsumu ende;" ²⁵ Mpe mumo maso bien likuru mukûu tiü ku e yia me Yesu. ²⁶ We bu ni a biôo isâa mpe ni asli ma esali me Nziame tiûu ontôo, me Nziame e mu wa a bu Mfumu bu bukuru mu mukiri nsini. ²⁷ Nde aluru ya biyia bibeso; nde akuara muti ibene; nde a nsamu bibeso ndamu-ndamu anka ma mbini ma ma buee. ²⁸ Mutini bu Mfumu ewele me a la tara me, me o mpe e muwa kobunu mpara-muili we ipali. ²⁹ Webu ani ma tsüi a yiûu mali-lie ntsûu mumanzo ma Nziame.