¹ Angoë mani Yesu biomo nde ya bara bayu yunde, nde ya some ku kaperanawum. ² Tâa, mukuru mumo a ke ani mu ende (Eselane) nde a mu kuikuini tsé nde a ke eni bu biee bali nfu. ³ Bu ayu mukuru nsia balie ndo Yesu, nde ya tiumi ba nunu ba bayuda, kuobu nde ayia aya mubu a la muru nde Isia. ⁴ Bo bu bayito a ku Yesu, boya mu bueno mpe ya molie kolo: "Eke yana nze ndo nde sa mubo, ⁵ Kuobo nde kuini bula bo biu mpe nde tui nzo enziame yike mu bu la bo biu." ⁶ Mumli Yesu ya yu muve ya bo nzi môo. Bu ayito akua nzo, mukunu ya tuimi ba nde bawe ba fumeclie: "Mfumu, kamono nze mpari so yini, kuobu mubuoni we bze Yesu yia onzo me. ⁷ Mu ndo kuobu me buani we oyia ku ke nze muli nze liêe ndo mo, mpe mului me awama. ⁸ Kuobu me mempe, ke bôo e bonfumu tsé, ya bambuimbui e tu tumu me. Me sa tuimi we muke: to mumo ebôo: "We" mpe nde mubo buna." ⁹ Muli Yesu buayi mando abinde, Yesu ya muene ndo mutini mukini, mpe nde ya bamu ya tie ngoe a la ibui ebara ba muninamen nde ya baliee: "Me ya lilie, nsa ku Israël me mani mono we mura nga okiu okolo. ¹⁰ Mpe muina ifuru ba ba ttuini nde ba ba yito onze, ba yi ma bôo muru Isali ewani. ¹¹ Angole ntôo Angiako, Yesu ya wini kubula bu mo bunene, nklumu ebo NAÏN, ba ntumu nde mpe ibui ebara bawe ya nde. ¹² Ba ayito akua munguambe bu bula bu nene, tâa, babiri mpieme e mwana bôo, mwana mumo ebuiri ngu wunu (Ngû wunu a ke munfumbe, mulumi nde infi), mpe bara tsee ba bula ba kuini nde la mu lui luene angia ngoe. ¹³ Mpe bu amunuenuen Mfumu Yesu ya yu ngebe a la mukara wunu mpe ya mulie: "Kabu lie." ¹⁴ Muli nde yayi fiere mpe ya kuari nkobe empieme ye eke muru infi murare ba biri ya batsuiri mpe ya balie: "Mwana ebo me ya olie nsubu nze." ¹⁵ We Mfi ya wiu ya siure mùpe ya yu mubi. mpe Yesu ya muvi a la nguande. ¹⁶ Muli bara bobaso buomo ya bu biao, mpe ya bayu mutuono Nziame mpe ya bayu mulie: "Nsu Enziame emunene eyi etu a kara biu mpe Nziame ya ti bande." ¹⁷ Nsi eso yini ya nsiame mu Jidée mpe ya malo ma kuakua momaso. ¹⁸ Batumu ba Za (Jean) ba mobiri nsia ye mando momaso ba muene bôo. ¹⁹ Muli, Za ya tuimi bantumu bande bue mpe ba we ba kumufu a la Mfumu (Yesu): "Nze ke we ya tôo biu lidi muru mukime?" ²⁰ Bu bayito a ku Yesu, ba bôo baso ya la molie: "Za we bubuero bara a li tuimi a la nze biu lui fu: "NZOKE, we yia too biu lidé muru mukimi?" ²¹ Musa eso kini, Yesu a bu buie bara tse ba ma biue, ya manduie mabo mpe ya bisesuie bibi, mpe a fifiri tsee ba mfimu ya bayu mu omono. ²² Nde ya balie: a la bara Za we bubuero bara "Liwe lifu lie a la Za mando momaso le yu biene mpe ya malimune biene. Ba nfi mui ba mono, bikara ba luru, benga bubie bokuo bobie bokuo ya bofi, bi mfa mansi ya yu mu yu, ba banfi ya bauiu mpe nsia ebue ya nsiamu a la bara bunu. ²³ likumu tse a bara ba sisi mi keme mu mando mame." ²⁴ Muna e fuiru ba etumi Za, Yesu ya yu mufu a la ibuiri ebara mundo Za: "Biene le fu nta nki okara nsio? le futa mwana muti eninu e fu? ²⁵ Muli biene le futa ki? Muru ebuasi biko bibue? Ka mu bo we ba bu buara biko ba kaka eni libo mpe ba sisiuru ku mango ma ba mfumu. ²⁶ Muli biene le futaki? lifuta nsu Nziame? biu ya likui, me ya lilie mpe ke oluru nsu Nziame. ²⁷ Lita muli wu ba komi: "tâa me ya tuimi a la nze we ya nsomu nsia ye yilu nzi !! ²⁸ Me ya lilie, mubara bobaso. Buiri mukara we luru Za we bu buero bara nde we. Mundo obu omu bonfumu nziame muru eto muiri a la nde." ²⁹ Mu ma ebu bara bo baso ba muyu mpe eni firufiru mpôo, ba ke Nziame ake wu kû, Mu ina ebu buero Za bôo ike ba buero. ³⁰ Ndoki ba pharisiens mpe ya bayiabi maluo ma ba yuda tsee ya batibi mando ma Nziame ndo bu bo Za a la buero we. ³¹ Muli bara ba loboli bake ba fana an ka bana? Bake a ka bana? ³² Bafini an ka bana batitomi mi tama a kara nzana, Mpe bo balie a la ba bieni ba bôo mu mutini esowe: "Biu ya libiri mipara ya idu biene likine we. biu ya liti bisiama be ngebe mpe bie ili mpe biene lili we." ³³ Mu ina eyi Za we bubuero bara, nde aleli we bitiri mpe mâa a ngoingui we mâa, mpe biene lilie: " nde ani munfu." ³⁴ Mwana muru yayi, edia, engua, mpe biene lelie: "TAA nde yabi odia mpe ya ngua mâa (vinu), ake ndu bara ba firi mpôo ya mpe ya bara ba bui." ³⁵ Muli ma kani ma Nziame masuo a la bara ba nde bo baso." ³⁶ Muli mimo wu ba poharisien ya odia a la nde angiako, Yesu ya some munzo mu pharisien ya siu a ku mesa, ³⁷ Mukara mumo we nga bisia bibi eke mu bela bunene bua Yesu esiu mu mesa munzo pharisien yini ya biri muli mimo eta tsee we malasi. ³⁸ Bu ayi akua bitimi be Yesu ya biu oli nsia nde miu ya bôo angia bitime be nde, mpe yayu mikomo munfunde, mpe yayu mulero bitimi mpe oki meli ma malasi mu beteme be nde. ³⁹ Muima, amuene pharisien we biu a la Yesu, bu muene mabo ya lie nde ngako muko nde: "Kirebu muru eso a bura ka nsu enguame nde ka yi yala mukara eso we mi kuluari ake na, mpe a ke mukara mumo nga bisia bibi." ⁴⁰ Yesu ya fiu mungua mpe ya molie a la pharisien urinu: "Simoni, me ni ndo mo olie a la nze." Simoni ya mofiri: "Mfumu ndie. ⁴¹ YESU YALIE "Bara bue bake eni ibimi muru mumo we wa tere afuru nzimi bibiene nkama we wie a furu nzimi bibiene makutana. ⁴² Buke elu bo bakuiu we ofuru i bimi nde kini nde ya bayu ngebe, baka furu ibimi kini bo bue. Muli bu, mukara bobue na wu mukunu tsee" ⁴³ Simon ya mofiri mpe ya molie : "Me nfini wu ba yu ngebe mu ibimi tsee." Yesu ya mofiri: "Nze bie. ⁴⁴ Mpe Yesu ya bamu a la mukara wunu, mpe ya lie a la Simon : "Nze mu muene mukara wiene, me ya nsome me nzo, nze ewini mu me litime be me nde wini nsia miu mu biteme mpe ya komi bibiene munfu nde. ⁴⁵ Nze ngia we a la me tûu, mulie bu ayisone mukara ndu munzo, nde a yo we osa ma bue a la me. ⁴⁶ Nze nguiri meli ma malasi ayia munsui, nde ya wui moli ma lasi mutimi. ⁴⁷ Me moli ya olie, mabi mande manfunu asi me ya yu ngebe, kuobu nde ya asue likunu tsee. wu ekebe ba muene likunu ndama baya nge ndama." ⁴⁸ Muli Yesu ya mulie a la mukara winu : "Me ya yu ngebe mundo mabi." ⁴⁹ Bake ya nde bumo angia mesa ya yu mubi ibo ebo : "Na muru wuwu we yu bara ngebe mu mabi bôo? ⁵⁰ Muli bu Yesu ya lie a la mukara wunu : "Okiu onze ya yu ngebe we yana."