¹ Yesu, elui ya insui, bu afi ku nzia e Jourdain mpe insui ya kimobini unkaransio. ² Mpe mansu maku mana mpe nde munfu ya mu miu. Mu mansu so mona nde ke alili we, biu iluiri ina eso kini, nde ya yiu nzaa. ³ Munfu ya molie a la nde: « kiri nze ke mwana nziame, lie makuana ma mayu mampa.» ⁴ Yesu ya mofiri: « bakome kobo: « muru aboo mawama ka mundo odia mampa we.» ⁵ Munfu ya mubini onkarangie oluru, nde ya mosue bonfumu bo boso bu buke mu mana. ⁶ Mpe ya molie: « me owa bonfumu bo boso a la nze mpe ya bise biebeso bi munsi, ndoki biebeso bawi a la me, mewe a la wu ekunu. ⁷ Ya bu bunze kuini mabuo a lame, bio beyu bunze. ⁸ Yesu ya mofiri: « bakome koboo, " nze kunu mabuo a la mfumu nziame enze, mpe a la nde kaka we bu nze esama."» ⁹ Munfu ya monsua ku yerusaleme, ya musiongia sie lenzo le nzo nziame mpe ya molie: « kiri ebu nze ke muana nziame, iyoo nze loo munsi. ¹⁰ Kuobu bakome: « onde awa mikii a la bansu bande mundo nze, kuobu bo ba mukee. ¹¹ Mpe bo ba yu yaa mu miao mebo kuobu mii me nze mika buini nsa mu nkuano mo.» ¹² Yesu ya mofiri. balie kobo: « nze esa miu a la mfumu nziame enze.» ¹³ Nde ya mani mando momaso a mu miu nde mu mutini ndeso, mfumu ya maru ankuande mu mwana ntoo nsi. ¹⁴ Yesu ya firi ku Galilée, yanfu yi insui enziame mpe nsia eso yini ya nsiamu nto eso yini ye eso to mu maamu somana momaso. ¹⁵ Nde yayu mu oluo mu nzo enziame mpe nde ba mutuene a la bara bobaso. ¹⁶ Nde ya wini ku Nazareth, kukunu kua kui nde, nde ya wini ke nzo enziame mutini bonkoo bobo, munsu li uwumu (saba). Nde ya ansui bu ndo otio mokana. ¹⁷ Nde ya ba muwi mukana ekome Prophete Izaya, nde ya fi mukana mpe ya muene mbuu yi bakomi bu kobo: ¹⁸ « Insui enfumu eke a la me, kuobu nde ya mpone ya ngui nzi me biri nsia yimbu a la bara ba bzkii to bava wiene oyia ba, nde antumi kuobu me ngue a la baraba baki munzo epibi batuu mpe ba banfi miu ba mono, ndo omana mpari e brara ba muemuene mpari. ¹⁹ Ndo osuo ebu ina ya yito. ²⁰ Muli ya kuiri mokano, nde ya firi a la ba basisav mu nzo enziame mpe nde ya siwu miu bara bobaso ba bakeke munzo enziame ya bayu mutaa la nde. ²¹ Muli nde ya yui mu balie: « mandoso liyui biene bo boli make ma ikuiu.» ²² Bobaso ya bayu olie ma ibini, ya ba kamua mande mabue ma tuituiu mu mungua ende, ndebo yayui mufuu: « nduwu ka mwana Joseph we? ²³ Muli nde ya balie a la boo: « ibiniki biene le andie bukobo: « ngambuu, ibiu nze ngako, momaso ma esia nze ku bula Capernaüm, mu maso male yiu biu mpe sa akia mu bula bonze. ^{24 25} Muli mu ibini me ya lilie ala biene, bamfumbu bake tsé mu bula bu Israël ina eke nga nziami elie mu ina ebu nvu amui we nvu turu ansui samo mpe nza ya some tse mu mukiri ndeso. ²⁶ Muli, elie awini kala bobaso we, kiao mumfumbe mumo we ke SAREPTA akua Sidon. ²⁷ Mpe ba bake ya bubie bo kuo tse ku Israël mu ina kie nga nziami Elisée, mukara mumo ebiao mawama we, kiao Naaman muru wu bula Siri. ²⁸ Mu ina bayu bo mundo masomana bobaso bake munzo nziami ya bayi mpuru. ²⁹ Bo yaba nsubu ya bayu nki nkiri, ba motuu ala yesu onzi, ku bula bo Nazareth ya bawini ande ku nsue lama ku batui bo manzo kuobu ba mutibi munsi. ³⁰ Muli yesu ya aluiri ankara bo ya wini nto kimi. ³¹ Yesu ya wini Capernaüm, bula bunene bu Galilée nde ya yu mu ba wa luo mu mati mu nsu liwumu. ³² Bo bunguo ya biyu munsiu mu ma luo mande a bawini a bibi mu nfumu bobaso. ³³ Muli, munzo nziami eke eni muru mumo eke ya busui bibi bi nde yayu mubi ankara nghie. ³⁴ Ah! biu ya nze nki ndo, yesu we Nazareth? nze eyi ala biu ku lidu? me oyiabi yana nze ke wumu bue ala nziami we kiu nziami! ³⁵ Yesu ya inbeni ala insui eso ki ibi mpe ya elie: kuru munua, mpe tu ala boo! muna itui insui eso kibi ala boo wunu ankara bo onsa ndo mo yimbi eke we. ³⁶ Bobaso ya ba kamua, mpe yayu mubi ibo ibo: nki mando make ala nde? nde ebi bo nfumu bobaso mpe binsui bibi mpe betu. ³⁷ Muli nsia ye yesu ya nsiamu mu mala momaso ma ankua ankua. ³⁸ Muli yesu ya tuiu onzo nziami mpe ya wini onzo e Simon, muli buko Simon wu mukara eke eni ba lie tsé, bo ya ba mobueno ndobu buko bo Simon awana. ³⁹ Yesu ya nfini akua nde, ya lie ala baa litu mpe baa ya lituiu, mu mbala mo nde ya nsuibu mpe ya yu mu wa bilo bi odia. ⁴⁰ Mu mate ma nkonko bara bobaso bayu mu ansua babie ba molini ya motini ala yesu, nde basa miao mpe bobaso ya bawami. ⁴¹ Binsui bibibi ya batuiu mukara bara bakeke mpe bansui bibibi be bana nze ke muana nziami, yesu ya bansui ala binsui bibibi ya bansui mpe aba wiwe nzi yi obi, kuobu boo eke bayabi kuobu nde ake klisto. ⁴² Bu bukie onzi nde ya tuiu ya ya wini okara nsio mbu nde boyiu, ebiu bara baya muso, mpe ya bamuene mbuu ake nde, boo ya ba munsui akaka ntama ya boo. ⁴³ Muli nde ya balieala boo: me nsamu nsia e bue ye mfumu bonziami mu mala makimi; kuobu me batumi mu isia eso kini ndo eso yini nziami ontumi. ⁴⁴ Angiako nde yayu mu ansamu nsia mamake ku bula Jidée.