¹ Me kuini biene ebu, bana bangu ba boo dobu batara biene bobaso bake ke onsi bifiu mpe bobaso baluiri ankua nzia enene. ² Bobaso e Moïse eke ba buero onsi bifiu mpe mukara nzia ye nene. ³ Mpe bobaso balili bilo bimo mukiu nziame. ⁴ Bobaso bansuinui madia ma mutini mumo ma okiu. Kuobu bo banuname mpe kuano eso ekek klisto. ⁵ Akiana mpe boo akarabo ba bakuini we nziame, mpe mampieme mabo make nsara nsa akara nsio. ⁶ Mulibu mamana momaso mamki masue bilimi a la biene, ndo kuobu biene likamono mando mabi anka ma muene boo. ⁷ Likaka bara ba ba sisama bitio anka ba bake ankara boo ba bake. Anka bu ba kome: « bara ya miu odia mpe mua, mpe ya bansuibu ndo otama.» ⁸ Likasa sibu mundo yata bi bili anka bubasa bara tsée. Mu nsu limo bara ma nfumu maku mue ya manturu bara banfi ndo mando maso masomana. ⁹ Likamusa klisto anka biene limunui, anka bara tsée ankara boo ba isi mpe boo nte eke badiu. ¹⁰ Kuobu biene mpe lika wo wo anka ba tsée basi ankara boo mpe eke badiu mu ntumu enziame edudu bara. ¹¹ Mando maso mayi ma yito mundo ma lesuoku leyiabi biene, boo basi bakome ndo malisuo ndobu mali me isa biene-ndo biu ebu ntoo ento ya yito. ¹² Ndobu webu efunu ebu ake mikiri awu nfu yebu baka munfu. ¹³ Omiu kaka ndo nziame momaso make ma momono muru. Mu mutini mukimi nziame ake we ikiu. Nde aliyeo ebu ba limiu oluru nfu ebiene, muli mumiu nde afu nzi, do kuobu biene lika yanfu yi lisiu. ¹⁴ Muli, ba kuini me tse, libara osama bitio. ¹⁵ Me lilie anka bara banga makani, kuobu biene mpe sa limuene ma mabi mandindie me. ¹⁶ Kobu limambue ma libo biene, make we anka ilo ki bakaba anka mukari makii ma yesu? mampa ma lilinsiri biene, make we anka ilo kileka biene munduru klisto? ¹⁷ Ndo kuobu ilo imowe insui kili mpa ima we, biu balike tsée, biu like nduru mo, mpe biu baso linvi nviu biu baso ensui yimo kilimpa. ¹⁸ Lika bara ba Israël: banvu nvunu we mbu ba wu wa mafuru, kukunu boo ku badiadia bilo bawu wa mafuru? ¹⁹ Nki biene lilie? itio imo ike ilo? to bidia bi bawi mafuru a la itio mpe ike ilo? ²⁰ Muli me ndindie mutini bnilo ebu boo bayiabi we mando nziame bayuola ba wu wa ma furu, bo wu wa bilo bisobini a la banfu ka ala nziame we, me kuini we ebu biene le nvunu ya banfu! ²¹ Biene sa limui mbala mo kobo le mfumu mpe lie banfu, biene sa lilie mbala mo ongia mesa e mfumu ya mesa wu banfu. ²² To biene lisisiao ibaa emfumu? biu like nfu tsée oluru nde munfu? ²³ « Bibeso ba liwi,» muli bie beso bike biebu sa biu liwe we. « Bie beso biu bali wi;» muli biebeso ka bili yiyiu we. ²⁴ Muru mumo ndo we ebu sisiao ndo nde ngako. Mutini onde. ²⁵ Biene sa lili bie beso batitio ozana, ndo mo ye mbi yi le funu biene we. ²⁶ Kuobu « mana make mfumu nziame mpe ya bilo biebeso bi beke mukiri.» ²⁷ Yabu muru mumo we kiu nziame libiu ndo odia mpe biene sa li wini, biebeso bi ba sue biene likafunuh mpe lika bara buomo mu ofunu. ²⁸ Muli kiri muru mumo lilie: « kiri bilo besobi odia bi bifi ku mafuru a la we ebu ayiabi we nziame likadia. Yiyini ike ndo a la me lie nze mpe ndo ofunu onze. ²⁹ Me ndindie we ndo ofunu o biene ngako oyeo ome oka bansiri ndo ofunu bara bakimi? ³⁰ Kiri me ewe ndama bilo mutini wu mubi ndoki me ba tituiu mu mutini eso wunu me ya tuene? ³¹ Akiana nsa biene le didia to biene lemunua bsa ebu biene lesa, lisa momaso likumu le nziame. ³² Lika yiu bara bonfuru eka ba Juda eka bague nsa bara bama nzo ma nziame. ³³ Me ya mimiu osa mu ise ebu munsi yeoso mu bilo biebeso me nsuinsiao kamunui me ngako me ndo bara bobaso me nsi mama momaso ndo bu boo ba nviu.