¹ Le oxwe fɔtɔgɔmɛ nan Tibɛ Seza we ogã ɖúɖú, Gankemɛn Pɔnsú Pilatií yií ogã le Júde, Elodú can yií ogã le Galile, Filipu can yií ogã le Iture we kansimɛ kpodo Trakonitidií, Lisaniasi wɛ yi Abilɛnú we ogã, ² le agú ga Annaŋ kpodó Caiífu we ganmɛ, Mawu we oxo yã nan Jan ke yií Zakali we viɔ, le zogbeɔ djií. ³ Etɔn bó gbɔn Juɖɛn we ɔtɔ sisató va-yi nɔn, bó lã ɛhuɛsɔkɛ we ɛsiɖotanɔn kpoɖo nuvɔɛnye we sisɔkɛ. ⁴ Oxolɔɖo eyiítɔ Ezayi lɔ le yi we weman mɛ bió « Mɛke ɖaxa nɔn we ogbe le zogbeɔjií xɛn: "mi xwetɔ we omɔn ɖo, mí gbã omɔn jií ni. ⁵ Otóye bií nan gɔ, kpokpoe ye kpodo otó kikɔye nan yiító, omɔn giíglɔn ye naŋ yií jijɔ, ɛkpɛn we mɔn ye nan gbã, ⁶ yi wɛ gbazaye bií nan kpon Mawu we hlɛn gan." » ⁷ Sié-ɔ Jan lɔ nan otó ke eva ɖoɛsitanan nɔn bio: « Miyéè, kukan zakpata tɔn, mɛnlɛ tɔ-gbe wu mi bio aɖiɔgbɔnɔn? ⁸ Mi sɛn jimɛtritrɔwe okun, yiwɛ mi ka lɔ le mianɖe mɛ bió: "Ablaxamú wɛ yií miantɔ," ɖo ko lɔnan mi nɔn bio Mawu hɛn nan nanoviyéè wu Ablaxamu sɔgbɔn ɛkpɛn kiyéè jií. ⁹ Óvie ó le gbesisɔ nan ɖo gbó okiɔn ótiyéè tɔn. Siɛ hiɔ oti ke ɔnsɛn tiŋkun sisɛn oywɛnɔ ye gboe bó sɔɛ ɖa flií ɖo zomɛn. » ¹⁰ Ahuankɔyéè kanse Jan bió « Enií mií ɖo nan wa? » ¹¹ Ebó ɖe wunan ye lɔ bio: « Mɛn ke ɖo awu ɔwe nií nan ɖókpó wu mɛn ke ɔnɖoó, kpóɖo mɛn ke nan ɖo onuɖuɖu nií mɔn wasi uŋɖokpoɔ. » ¹² Takwɛ jɔtɔ yéè ke ʋo ɛsin ɖotagbe okin senɔn bió: « Xwetɔ, enií mií ɖo nan wa? » ¹³ Eɖoewu nan lɔ bió: « Mi ka mɔnjɔ ono leè ɛmɛesi hun ke ye hwin nan miɔ. » ¹⁴ Sɔja déè mɔ kise lɔ bió: « Siéɔ mieɖè, enií mií ɖo nan wa? » E bo lɔ bió: « Mi kan ylɛn ɛdɛn aló aɖo ɛnwɛ wu mɛntií. Sunzanfifó we oho mian nií nɔn kpe mi. » ¹⁵ Ganke mɛ otoɔ tre kpɔn Yesu we vivã nɔn, mɛr ɖókpó-ɖókpó kanse nyií ɖe nɔn lɔ bió ɖéè Jan wɛ nan yií klisu. ¹⁶ Jan bo ɖwewu nan yéè lɔ bió: « Blɔ ko lɛ ɛsin nan mií nɔn vɔ mén bu a ʋo, e ɖo honhlon wu blɔ nyií wɛ kɔ jɛ nan tun fɔkpo kan yiítɔn e. E nan lɛ ɛsin gbigbɔ kinkɔɛn kpódó ozó tɔn nanmií. ¹⁷ E hɛn nufunu ɖo ɔlɔmɛn bo nan dó fun jɛhɔn kpo amon xwetɛ ɛjinukun ɖo aʋa mɛn. Vɔ enan fiɔ oyoó le ozo manci-manci mɛn. » ¹⁸ Jan la ɛwɛn ywɛn xo nan otoɔ kpóɖó nɔnhlɔn ɖo ɛmɛn xo yéè. ¹⁹ Gankemɛn, yéè gbɛ nonan Elodú ɖo nɔnʋiɔ siɔ ke hyií Elodiasi wu vo, kpoɖo onunyinyla ke e wasi wu ɔ ²⁰ e mɔn wa nylan ɖo bu ke nyií: etu Jan ɖo ga kpamɛn. ²¹ Siɛ hií ɔ, ganke mɛn otoɔ iɛ Mawu we ɛsin Yesu can lɛ Mawu we ɛsin. Yiwɛ gankemɛn e xo ɛɖɛ non ɔ, jiŋ kunsi nun, ²² gbigbɔ kinkɔɛn oó jɛte ɖo hɔnnɛ we ninɔnmɛn mɛn. Ogbeɖe bó ɖií sɔn jiŋunkunsin bió: « Oʋitɛye ke ko yiwana wɛ oyií, ɖo gbɔn jiwe ɔ ko nɔn kpɔn jijwɛ. » ²³ Gankemɛn Yesu bɛ yiwe ɖanɖoasi ji, e ɖo oxwe ogba e mɔn nɔn na. Nyéè bo nɔn buií nɔn bio Jozɛfu we viɔ, Heli we viɔ, ²⁴ Matati we viɔ, Levi we viɔ, Mɛluki we viɔ, Yannyií we viɔ, Jozɛfu we viɔ, ²⁵ Matatiasi we viɔ, Amosu we viɔ, Nawumu we viɔ, Ɛsuli we viɔ, Nagayi we viɔ, ²⁶ Maati we viɔ, Matattiasi we viɔ, Semeɛn we viɔ, Yoseki we viɔ, Yoɖa we viɔ, ²⁷ Yoana we viɔ, Hleza we viɔ, Zolobabeli we viɔ, Salatieli we viɔ, Heri we viɔ, ²⁸ Mɛluki we viɔ, Addií we viɔ, Kusamu we viɔ, Elmadamu we viɔ, Eru we viɔ, ²⁹ Yesu we viɔ, Eliezɛ we viɔ, Yohlimu we viɔ, Matati we viɔ, Levi we viɔ, ³⁰ Simeɔn we viɔ, Juda we viɔ, Jozɛfu we viɔ, Yonamu we viɔ, Eliakimu we viɔ, ³¹ Meleya we viɔ, Mena we viɔ, Matata we viɔ, Natamu we viɔ, Davidií we viɔ, ³² Jɛse we viɔ, Yobɛdi we viɔ, Bowazi we viɔ, Sala we viɔ, Naasɔnu we viɔ, ³³ Aminaɖabu we viɔ, Adumɛn we viɔ, Aluni we viɔ, Ezhlɔn we viɔ, Pelɛzi we viɔ, Juda we viɔ, ³⁴ Jakɔbu we viɔ, Izakií we viɔ, Ablaxamu we viɔ, Tela we viɔ, Nahɔ we viɔ, ³⁵ Selugu we viɔ, Hle we viɔ, Pelɛgií we viɔ, Ebɛ we viɔ, Cela we viɔ, ³⁶ Kayiína we viɔ, Alufasadií we viɔ, Sɛmu we viɔ, Howe we viɔ, Lamɛki we viɔ, ³⁷ Matusalɛmu we viɔ, Enɔc we viɔ, Yalɛtií we viɔ, Mahaleleɛli we viɔ, Kayina we viɔ, ³⁸ Enosií we viɔ, sɛti we viɔ, Adamu we viɔ, Mawu we viɔ.