¹ Ɛmɛ susu wɛ wlan onu ke nan jɔ le mian mɛ, ɖe xo do ɖe ɔ. ² ye ɛmɛ kena kpɔn onu ɔ wɛ tɛnxo ɔ le titɔɛ ji yee va trɔ zun kunuɖetɔ Mawu xo tɔ. ³ Iwɛ ɖɔn bocan ejrɔ bio man ba odo na pɛpɛpɛ sɔn ke ejɔ ɖo a bo do wlin nyɛnɖe do dan we ɛnɛ vɛna tɛye Teofili. ⁴ Ko jro bio nan yɔn oxo ke ko wlan na we yɛn-ɖe bio e mɔn le iwe tɛn xo. ⁵ Le azan ke Ɛlodu yin oga le jwide ɔ, ɛmɛ ɖe do vo ɖe le bo nɔn yin Zakali, ele ɔvɔsantɔ Abiata we gbɛta yee mɛn. Osiɔ bo yin Arɔn we jiji mɛ vi, ye bo nɔn yo-ɛ bio Elizabɛti. ⁶ Yee ɛmɛ ɔwee le ogbeji na Mawu, yee bo le ogbe-ji le xwetɔ we osɛn yee bo nɔn wasi do yee ji. ⁷ Vɔ yee ɔn ɖo ovi, ɖo Elizabɛti yin ajikponɔn, yee ɛmɛ ɔwe-e boku yɔn xo le azan. ⁸ Gbe ɖokpoo Zakali owasi ɔvɔsan we odan na Mawu nɔn, ogbɛta etɔn jiwɛ ɔvɔ sinsan jɛ. ⁹ Le ɖi ke ye nɔn wasi ovoɖide ɖo, a do can ɛmɛ na ɔvɔsinsaan, ovoɖide jɛ Zakali ji nan do ɖiɛ Mawu we oxɔ mɛ ado mɛn zluya. ¹⁰ Ɛmɛ ye bibo le ɛɖɛ mɛ le gaji do ta ni-i le oga ke mɛ asan zluya we ɔvɔ nɔn. ¹¹ Ɛwɛndotɔ Mawutɔn zeni-i, bo le ote le aɖusi mɛn na ɔvɔsankpɛn zluya tɔn. ¹² Ke Zakali kpɔn ɛwɛndotɔ Mawutɔn, ecaka bo vo-o. ¹³ Vɔ Mawu we ɛwɛndotɔ bo lɔ ni bio: « Ka mɔn vo-o, Zakali, ɖo Mawu se ɛɖɛ tɔwɛ. Siwɛ Elizabɛti nan jiovi unsuglo ɖokpo na we omɔn nan unkɔ wi bio Jaan. ¹⁴ Ɛ nayi jijwɛ na we tawun, ɛmɛ susu bo na kpɔn jijwɛ do yiwɛ jiji wu. ¹⁵ Ɖo e nayin ɛmɛ daxo le xwetɔ we unkɔn, e ɔn na nu vɛn, gun ado nu ahan mu ɛmɛ. Gbigbɔ ɖedovo Mawu tɔn na go-ɛ sɔn onɔn we domɛ. ¹⁶ Izlayɛlitɔ susu na trɔ yi xwetɔ Mawu kɔn. ¹⁷ Ɛ na zɔn le gbigb kpodo nɔnhlɔn Eli tɔn mɛn, le Mawu we unkɔn, a do hɛn vitɔ yee we oji do yi vikpɛ yee kɔna bo kplɔ oto tri tɔ yee a zɔn le ɛmɛ jijɔ yee we onu nyinyɔ nu, a do wyi otogun kena ye jra ɖo na xwetɔ. » ¹⁸ Zakali lɔ na Mawu we ɛwɛn do tɔ bio: « Naɖe lɛ ko na wa ado nyɛn? Ɖo ko ku nyɔxo siye can bo ku nyɔxo? » ¹⁹ Mawu we ɛwɛndotɔ bo ɖo-e wu ni-i bio: « Ko nyi Gabliyɛli, ɛmɛ ke le ote le Mawu we unkɔn. Ye dɔn dodan ado lɔ oxo na we abo do do ɛwɛnyɛn na we. ²⁰ Siɛ ɔ ona ku ɛɖɛ, hɔn mɔn na mɔn lɔ oxo gbun do va jɛ ke na e na jɔ do-o ɔn kan do ji oxo tɛye ke na nɔn jɔ le i-we ogan xixo mɛ ji. » ²¹ Otogun-ɔ o nɔn ote kpɔn Zakali nɔn e bo kpaca yee bio enɔn ɔvɔsantiɔn didiɔn. ²² Kena eva tɔn, e ɔn mɔn kpewu lɔ oxonɔ, ɛmɛyee bo nyɛ bio e mɔn yi ɖiɖexlɛ le ɔvɔsanti-ɔn. Eci ɛɖɛ ku nɔ bo nɔ sɔ ɔlɔ a do lɔ ohonɔn. ²³ Ke ɔvɔsinsan etɔn we azan vɔ, etrɔ si oxwe etɔn gbe. ²⁴ Le azan ɖe ye we godo-o osiɔ Elizabɛti yi gomi. Ɛbo bɛ gbun bɔwasi sunzan atun, ebo lɔ le iɖe mɛnɔ bio: ²⁵ « Kpɔn onu ke xweto wasi na-a; etrɔ unmɛ bɔ kpɔn kpo do ɛfɛnu kpo a do ɖo nu ke nyi unyan na le ɛmɛn yee kɔn. » ²⁶ Ke gomi etɔn do sunzan atrekpo-o, Mawu dɔn ɛwɛn dotɔ Gabliyɛli dodan oto ɖaho Galiletɔ ke ye nɔn yɔ bio Nazalɛti, ²⁷ dodan viɔn nivi le ogbe ji bo nyi ɔgɔsu-ɛ na hwanje ke ye nɔ yɔ bio Jozefu, le Davidi we okunkamɛ. Vinyɔnivi le ogbeji-ɔ nɔ nyi Maali. ²⁸ Ɛ va ekɔn bo lɔ ni-i bio: « Ko do ogbe nan we, i kenan Mawu wasi ɛfɛnu daxo na, xwetɔ lekpowe. » ²⁹ Ke ese oxo xinyee ecaka bo kan iɖe se bio ogbe do na ɛmɛ xlɔn we gɔnmɛ de. ³⁰ Ɛwɛn do tɔ Mawu tɔn lɔ ni bio: « Ka mɔn vo-o, Maali do-o okpɔn ɛfɛnu le Mawu we unkɔn. ³¹ O na ji unsuglovi ɖokpo a bo na nyikɔ wi bio Yesu. ³² Enan nyi ɛmɛɖaxo ye mɔn yuɛ bio Mawu ke le jiunkunsin we vi. Xwuetɔ Mawu na sɔ dagbwɔ Davidi we lu ɖu kpo sɔ ni-i. ³³ Enan ɖu oga le Jakɔbu we ohwe gbe oga ɖuɖu etɔn ɔn na ɖote gbe de-e.» ³⁴ Maali lɔ na ɛwɛndotɔ Mawu tɔn bio: « Naaɖe lɛ enan jɔ do-o ɖo kɔn yi unsuglo de kpɔn? » ³⁵ Ɛwɛndotɔ do-e yu ni bio: « Gbigbo ɖe do ovo na va jiwe hɔnhlɔn Mawu ke na le jinukunsin tɔn we fifie na cɔn jiwe. Iwɛ dɔn ovi ke onan ji-ɔ na nyi ovi ɖe do ovo, ye na yoɛ bio Mawu we vi. ³⁶ Kpɔn ɛmɛ tɔwe Elizabɛti can-e yi unsuglovi ɖokpo we go mi le nyɔn xo etɔn mɛ. Ele sunzan atre-kpo gɔ mɛ; ike ye nɔn yɔ bio ajikponɔn, ³⁷ ɖo onu ti ɔn si-ɛn xu na Mawu. » ³⁸ Maali lɔ bio: « Ko nyi odansɔvi xwetɔtɔ. Ni jɔ le ɖike oxo tɔwe lo-ɛ ɖo ha! » Ɛwɛn dotɔ Mawu tɔn bo lɛ le ekɔn. ³⁹ Le ogan xixo xin mɛ-o, Maali hlwɛn do boyi Jwuide we oto daxo mɛ le otó daxo mɛ. ⁴⁰ Eɖiɛ Zakali we oxwe gbe bo do ogbe nan Elizabɛti. ⁴¹ Ke na Elizabɛti se ogbe do nan ɛmɛ Maali tɔn, ojijɔ oviɔ le dɔmɛni-i. Elizabɛti bo go kpo gbigbɔ ɖedovo. ⁴² Ekɔ ogbe yiji bo do axwa : « Ye do na we le nyɔn usuyee mɛ, do na nɔn wɛ yin ovi kele odomɛ na wɛ. ⁴³ Naɖe eyi ɖona xwetɔ tɛye onɔn do va kɔn ye? ⁴⁴ Ɖɔ ke kɔ se ogbe do na ɛmɛ tɔwe-o, ovi-ɔ kpɔn jijwɛ le odomɛ nan. ⁴⁵ Onu nyɔ na ɛmɛ ke na kan do eji; ɖo onu ke na xwetɔ lɔ do ewuɔ ejɔ! » ⁴⁶ Maali bo lɔ bio: « Okla tɛye kafu xwetɔ, ⁴⁷ gbigbɔ tɛye kpɔn jijwɛ le Mawu, hlwɛ-gan tɔ tɛye mɛn. » ⁴⁸ Ɖo eɖe kɔ kpɔn odan sɔvi etɔ. Ɛh bɛ sɔn egbe gun do yi jiji mɛ na bio ko nui yɔnanɔn. ⁴⁹ Ɖo Mawu hɔnhlɔn zɛtɛyetɔ wasi onu ɖaxo na. Kinkwɛn wɛ nyi nyikɔ etɔn. ⁵⁰ Doŋuɖunu etɔn nɔ le sɔn jijimɛ doyi jijimɛ, na ɛmɛ kena nɔn ɖo sisini-i ye. ⁵¹ Eɖe hunhlɔn etɔn sɔ xlɛ ɛmɛ ke na oji yetɔn gɔ kpɔ go yiyi bo gba ye do. ⁵² Enɔ ɖe okpo le ogɔ na ogayee, abo kɔ ɛmɛ ke nɔ sɔ yeɖe sɔ hwee do yi ji. ⁵³ Mawu nɔ na onunywɛ susu ɛmɛ ke na le xovɛye, abɔ nya ohotɔye asigba olɔ gba. ⁵⁴ Eva gɔ ɔlɔ na odan sɔvi etɔn kena myi Izrayɛli, a do ɖe dɔŋu dunu etɔn a sɔ hiɛ ⁵⁵ (leɖi ke elɔ ɖo na mian dagbo-e ɖo ha) bo lɔ na Ablaxamu kpo jijimɛvi etɔnye gbun do yi mavɔ mɛ. » ⁵⁶ Maali bo nɔ Elizabɛti kɔn na sunzan ɔtɔn ha, yi we godo e bo trɔ sɔnyi oxwe etɔn gbe. ⁵⁷ Si-ɛ ovijiji we ogan xo na Elizabɛti, et bɔ ji unsuglovi ɖokpo. ⁵⁸ Ɛmɛ ka na le oxwe kpa lixo ni-i ye kpodo xwedo etɔn mɛ yee bɔ kpɔn bio xwetɔ bo kpɔn dɔŋdunu ni-i diin, yebo kpɔn jijɔ kpoe nɔ. ⁵⁹ Onyihinhɔn atrotɔn gɔ gbe ye gbo ada na ovi-ɔ ye bo jo na ɖo otɔwe we nyikɔ ni-i bio Zakali. ⁶⁰ Vɔ onɔ bo lɔ: « O-o nyikɔ etɔn nanyi Jaan. » ⁶¹ Ye bɔ lɔ ni-i bio « Ɛmɛ ti ɔn le xwedo mian tɔn mɛ bo nyi nyikɔ xin ha. » ⁶² Ye bo wa ɔlɔ na Zakali bio na ɖe ojro na ovi-ɔ na nyi. ⁶³ Zakali bo byɔ tɛkpo ke ji na ye nɔ wlan onu do bo wlan bio: « Jaan wɛ e na nyi. » E bo kpaca ɛmɛ bi. ⁶⁴ Zɔnɖokpo onu bo hun na Zakali ebo lɔ oxo nɔ bo kafu Mawu nɔ. ⁶⁵ Ɛmɛ ke le xwekpalixo ni-i yee bo vo-o. Le Jwide we kasinmɛ ɛmɛ bo lɔ onu ké jɔ nɔn. ⁶⁶ Ɛmɛ ke se onu ke na jɔ yee bu tamɛ do eyu nɔ, bo lɔnɔn bio « Onu ni-i lɛ ovi klɔ ba va nyi nɔn? » Ɖɔ xwetɔ wɛ ɔlɔ le eji. ⁶⁷ Zakali, ovitɔ-ɔ bo gɔ kpo gbigbɔ ɖe do ovo, e bo lɔ oxo nyi ɖo nyi bio: ⁶⁸ « Mikafu xwetɔ, Mawu Izrayɛlitɔn. Eva kpedo otogun etɔn yu e bo tun okan ni-i. ⁶⁹ Ena mi hwɛn gantɔ sinsyɛnxu ɖokpo le Davidi ke na nyi odansɔvi etɔn we hwɛndo mɛ. ⁷⁰ Oxo xin wɛ Mawu olɔ san do gbɔn oxolɔ ɖonyitɔ kinkwɛn etɔnye we onu mɛ. E bo lɔ bio. ⁷¹ Ko na klwɛn mi gan le kɛntɔ miatɔnye si, abo yimi le ɔlɔ mɛ na ɛmɛ ke na gbɛ owan na miye. ⁷² Mawu kpɔn dɔŋudunu na mian da gboyee e bo flin ozoɖuɖu kinkwɛn etɔn, ⁷³ le ɖi jɔgbe ke efyan nan mian tɔ Ablahamu, e nan sɔ-ɛ nan mi, ⁷⁴ kɔna hlwɛn vikpɛ tɔweye le kɛntɔ yetɔn we ɔlɔmɛn, yebɔ na do wasi sinsɛn na-a vivo ma nɔ e mɛ, ⁷⁵ ye na nyi ɛmɛ kinkwɛn, a bo nyi ɛmɛ jijwɛ le ŋukɔn na-a tɛgbɛ-tɛgbɛ. » ⁷⁶ Zakali bo lɔ bio: « Lɔ ovi tɛye, ye na yɔ we bio Mawu ɖaho we oxolɔ ɖe nyi tɔ. O na zɔn le ŋukɔn na xwetɔ, a ɖo jra omɔn ji ɖo ni-i ⁷⁷ o na na otogun etɔn a nyɛn bio emɔn gbɔnɔn a do va hlwɛn gan le onu nyinylan étɔ gbɔn do sisɔkɛ mɛ. ⁷⁸ Mawu mian tɔ gɔ kpɔ dɔŋu-ɖunu kpɔn na ɛmɛ kpɔ ɖɔmɛnyɛn. Etɛ kinklɛn ɖokpo do mia ji sɔn jihwɛ ɖi kena ohwe nɔ tɛ dɔ ha. ⁷⁹ Kinklɛn xin na tɛ do ɛmɛ ke na levu vlu mɛ bo vo na oku nɔ ye ji, e bo najɔ omɔn na ɔfɔ mia tɔn yee gbɔn fifa we omɔ ji. » ⁸⁰ Jaan bo hwɛn le gbaza mɛ kpo gbigbɔ mɛ. Ebo ve ci zogbe-ji gbun do jɛ gbɛ ke gbɛ na e va ɖe eɖe sɔ xle Izrayɛli we otogun-ɔ.