¹ Kena Yesu ova yinɔ, e kpɔn unsuglo ɖokpo ɖe ke nyi ŋvadonɔ sɔn jijimɛ yitɔn. ² Nukplanvi yitɔn ye bo kinsenɔ bio: «xwetɔ mɛ lɛ jɛ ɔ gɔ? Hwanje ke a lo jila yitɔnye, na ye do ji kpo ŋva? ³ Yesu ɖewu bio:«ŋsuglo ke, yi we jilaye ye mɛti ɔn jɔgɔ, vɔ na Mawu we danye a do nyi wiwasi le yi we unmɛ. ⁴ Mi ɖo na wasi odan ye imɛ ke sɔ mi dodan ganke mɛna unkɔnɖe. Ozando kena mɛti ɔn kpo na wadan. ⁵ Gan ke mɛ na ko le xixemɛ, ko bo nyi xixe we kinklɛn. ⁶ Kena Yesu kpa kpo nuxiye, e bo tun otan do nyikun danmɛ bo sɔ otan yitɔn do wasi baba bo si-i do untɛtromɛ ni. ⁷ E bo lɔ ni bio:« Ve lɛ sin siluwe we Pɔn pito. ( Ke tinmɛ nyi sɔ ɖodan).» Unsuglo sɔn bo ve lɛsi bo va kpo onukpinkpɔn. ⁸ Le ganximɛ hatɔye kpo mɛ ke ye nɔ kpɔn-ɛn san nɔ byɔ bo lɔ nɔ bio:« Alo unsuglo ke hwɛn nɔ xinnɔ a bo bi-ɔnu nɔ?» ⁹ Mɛɖeye lɔ bio:« yiwɛ» mɛ bu mɔ lɔ bio:« o-o, vɔ eɖi-i» Vɔ e bo ɖewu na ye bio:«Bo wɛ» ¹⁰ Ye bo ɖewu ni bio:«Syɛ, naɖe yiwe unkusi ye le?» ¹¹ E bo ɖewu bio:«Hwanje ke nɔ nyi Yesu wɛ wasi baba bo xɔ trɛ ŋkunsiye mɛ na, bo mɔ lɔ na bio" ve lɛsin le Siluwe we pɔn pito. Ganximɛ ko ve klɔ ŋmɛ bo ta onu kpinkpɔn. ¹² Ye bo kinse bio«fi-ye le?» E bo ɖewu na ye « kɔn yɔn » ¹³ Ye bo kplɔ unsuglo ŋvadonɔ do yi Falizitɔye kɔn. ¹⁴ ɖo, gbɔjwɛ zangbe wɛ Yesu wasi baba bo sɔ hun unkunsiye. ¹⁵ Yi wɛ dɔn Falizitɔye mɔ trɔ kinse naɖe etanukpinkpɔn ɖo. E bo ɖewu na ye:« E si baba do unkunsiye mɛ na. Ko bo funmɛ, syɛ ko hɛn ko na kpɔn nu.» ¹⁶ Falizitɔ ɖye lɔ bio:« unsuglo ke, yɔn yi Mawu we ɛmɛ ɖo ɔn do bubu gbɔjwɛ zan wu» Naɖe unsuglo nuvwɛn watɔ na wasi undandonu xin ha?» Aɖikan bo va ye mɛ. ¹⁷ Ye bo mɔ trɔ kanse unsuglo ke ye gɔ unkunsi dɔn na; « Naɖe o lɔ sɔn ewu nɔ, oɖ e hun unkunsiye na we?» Unsuglo bo ɖewu na bio:« xolɔɖenyitɔ wɛ» ¹⁸ Vɔ ye bo gbɛnɔ do kanɖeji bio e mɔ nyi ŋkunsi gbadonɔ san vɔ syɛ e bo kpɔnnu nɔ. Ye bo do ɛwɛn dodan yi we ɛmɛye. ¹⁹ ye bo kanse yi we ɛmɛey nɔ:« Mia we vi wɛ nyimɛ ke xo mi lɔ nɔ bio ye mɔ ji kpo onu makpɔn? Naɖe ye wedo na edo ta onu kpinkpɔn.» Yi ²⁰ we ɛmɛ bo ɖewu bio:« Mi yɔn bio e mɔn nyi mia we vi-ɔ ye bo ji kpo onu makpɔn. ²¹ Naɖe mi kpɔn ɛn ɖo nɔ syɛ mi ɔn yɔn mɛ kena hun ŋkunsi ye ni. Mi kinse, mɛhwin ɔn, yi tet hɛn e na ɖewu. ²² Yi we ɛmɛ bo lɔ e mɔn xo, ɖo ye vo na jwifutɔye. ɖo jwifutɔye sɔ gbeta na nya mɛ kena nɔ tohɔn na lɔ bio Yesu mɛ mɔ nyi hwl€ngan. ²³ Yi wɛ dɔn yi we ɛmɛye do ɖewu:« E hwɛn mi kanse ye te-yɔ.» ²⁴ Kpo, zɔnwegɔ, ye mɔ yɔ hwanje-ɔ ke vaŋ va yi bo lɔ ni nɔ bio:« kpa,gigo na Mawu. Mi yɔn ɛn bio unsunglo xin, nuvun-ɛn watɔ mɛ e mɔ nyi.» ²⁵ Hwanje ɔ bo ɖewu:« Kɔn yɔn tɔn na nyi nuvun-ɛn watɔ alo ɔn nyi ko nyɔ onu ɖokpo, ko nyi onu ma kpɔntɔ, vɔ syɛ ko kpo nunɔ.» ²⁶ Ye mɔ ɖewu ni nɔ bio:« E ni e wa na we? Naɖe e hun ŋkunsi ye ɖo?» ²⁷ E bo ɖewu bio:«Ko lɔ na mi vɔ mi ɔn se! E ni jɔ mi mɔ kan nɔ na se? Mi ɔn jro na nyi yi we dansɔvi ye? Mi jro?» ²⁸ Ye bo te zunzun bo lɔ ni bio:«Mi nyi yiwe dansɔviye. Vɔ Moyizi we dansɔvi ye wɛ mi nyi. ²⁹ Mi nywɛ bio Mawu nɔ lɔ xo na Moyizi, vɔ mi ɔn yɔn fike na mɛ klɔ sɔn.» ³⁰ ŋsuglo bo ɖewu na ye bio:« E kpaca wu bio mi ɔn yɔn fike na e sɔn. Co ganke-ɔ ehun ŋkunsi yena . ³¹ Mi nyɛ-ɛn bio Mawu hɔn nɔ ɖoto nuvun-ɛn watɔye. Vɔ na mɛ ɖe nyi Klisotɔ tete, bo nɔ wado Mawu we ojloji enɔ ɖoto wi.» ³² Sɔn ɛgbɛ we titwɛji mi ɔn se kpɔn bio mɛɖe mɔ hun ŋkunsi na unsuglo ke ye mɔ ji kpo unvakpo. ³³ Na mɛxin ɔn do nyi Mawu we ɛmɛ, ɔn kpo na wa nuti-i.» ³⁴ Ye bo ɖewu nɔ bio:« ye ji we le ɔgɔ jijɛmɛ o bo kplan mi nɔ?» ye bo nyi sin gaji. ³⁵ Yesu, se bio ye mɔ nya ye le oto hɔnnu. E bo kpwɛn bo lɔ ni bio:« O kan do Mawu wevi yɔ ji?» ³⁶ E ɖewu bo lɔ bio:« Mɛ nyi xwetɔ na ko na do kando eji?» ³⁷ Yesu bo lɔ ni bio:« o kpwɛn, yi wɛ bo lɔ oxo kpo we nɔ.» ³⁸ Unsuglo bo lɔ ni nɔ bio:« xwetɔ, ko ɖo kandeji e bo nyi wan ni. ³⁹ Yesu lɔ bio:«ɛhwɛlilɔ wɛ ko hɛn do va na mɛkeɔn kpɔnnu nɔ ye a bo do kpo kpɔnnu na mɛke nɔ kpɔnnu a do nyi onu makpɔn tɔ. ⁴⁰ Falizitɔ ɖeye ke le kpo-e, se oxo xiye bo lɔ ni bio:«Mi ye can nyi unvanɔ wɛ?» ⁴¹ Yesu bo ɖewu bio:«Na mi nyi unvanɔ, mi ɔn mɔ ɖo mɔn na jɔgɔ. Vɔ syɛ mi lɔ nɔ bio" Mi kpɔn nu nɔ". Yi wɛ dɔn mia we ɔgɔ jijɛ do le miamɛ.»