¹ Le gbexingbe ɔ gankemɛ nan onukplanvi ye mɔn su do eji nɔn ɔ, ye jɛ Jwifu Elenisu tɔ ye we ɛhuɛ nɔn ɖo ye ɔn na onuɖuɖu wu okposiu Ebletɔn ye nɔn nywɛnɖe. ² Odangbe yitɔ acowe ɔ ye yɔ otogun ɔn bo lɔ nan ye nɔn bio:«ɔn nyɔn hwi nan mi nan jo Mawu we oxo ɔ do a do ve man onu ɖuɖu. ³ Iwɛdɔn nɔnviye mi, mi can ɛmɛ acowe ke ɖo kunnu ɖiɖe o nywɛn, kpo ke gɔ kpo onu nyinyɔn we gbigbɔ, ke ye hɛn ùmi nan sɔ onu ɖuɖu miman sɔ do asi nan. ⁴ Nan mi mɛ gbokpokpoe ye ɔ mi nan nyi do ɛɖɛ xixo kpo Mawu we oxo ɔ ji.» ⁵ Oxo ke ye lɔ jɔ oji nan otogun ɔn. Iwɛ, ye can Etiɛnu, ɛmɛ ke kpo xɔse kpodo gbigbɔ kinkwɛn, Filipu, Plokɔ, Nikanɔ, Timɔn, Palumenasi, kpodo Nikola, jimɛ trɔ tɔ nan ɛmɛ Antiɔcu tɔn. ⁶ Xɔsetɔye kplɔ ɛmɛ xinye do yi dangbe yitɔn ye kɔn, ye bo ɖo ɔlɔ ota na ye bo xo ɛɖɛ nan ye. ⁷ Iwɛ Mawu we oxo ɔ ji do eji yiwɛ onukplanvi ye mɔn jido eji le Jeluzalɛmu. YIwɛ ɔvɔsan tɔ susu ɖo sisi nan xɔse ɔ. ⁸ Iwɛ Etiɛnu, gɔ kpo ɛfɛnu kpo hɔnhlɔn, o wasi ŋdandonu le otogun ɔn mɛ. ⁹ Vɔ ɛmɛ ɖe ye le okpletiɔn Sileniɛn kpo Alɛsandliɛn ye , kpo Azi kpo Silisu tɔye ci ote do e wu. Ɛmɛ emɔn ha tɔn ye o dɔn onu kpo Etiɛnu nɔn. ¹⁰ Vɔ ye ɔn kpewu tre le unkɔn nan onu nyinyɔn kpo gbigbɔ ke o kpedo Etiɛnu wu nɔn. ¹¹ Yiwɛ ye zɔn zi ɛmɛ ɖe ji nan ye a do lɔ bio:«Mi se Etiɛnu o lɔ oxo nyinylan do Moyizi kpodo Mawu wu nɔn.» ¹² Ye sɔ zi otogun ɔ, ɛmɛ hyɔn ye kpodo Siklibu ye ji nan ye do kplɔ Etiɛnu do sin ɛhuɛ we unkɔn. ¹³ Iwɛ ye sɔ kunnu ɖetɔ ojo kantɔ ye dodan ke o lɔ nɔn bio:«hwanje xin ɔ ɔn nɔn dokpo oxo nyinylan lilɔ do tɛnxɔ kinkwɛn kpo osɛn ɔ wu. ¹⁴ Ɖo mi se bio Yesu Nazalɛti tɔn xin ɔn nan gu tɛnxo ke a bo trɔ Moyizi we osɛn ye.» ¹⁵ Ɛmɛ ke na xinnɔn do ɛhuɛ ɖɔ tiɔn ye o kpoɛn nɔn bo kpɔn bio iwe ŋme mɔn le ɖi ɛwɛn dotɔ Mawu tɔn we ŋumɛ ha.