¹ Onyi hɔn atun we godo ɔ, Ananiasu ke nyi ɔvɔsantɔ we ga kpo ɛmɛ hɔn ɖe ye kpo oxolɔtɔ ɖokpo ke ye nɔ yɔ bio Tetule bo yi. Ŋsunglo xin ye o do ɛxɛ na Pɔlu na oto kplɔtɔ nɔ. ² Gan ke mɛ Pɔlu le ŋkɔn na oto kplɔtɔ, Tɛtule ta ɛxɛ di do na oto kplɔtɔ bo lɔ nɔ:« Sɔ gbɔn ji we mi ɖo fifayi wɛ onu susu trɔ le mia we oto mɛ. ³ Kpo jijuɛ ɖaxo ɖemi yi nu ke o wa bi, mɛ ɖaxo Felisu. ⁴ Siɔ na mi hɔn na do we teɔ, ko bio we bio yi mɔ ɖo oto wu ye kpo su su kpo. ⁵ Mi kpɔn daxe ke, ke nyi onu lɛgbɛ vi ɖe bo do jwufu ye cite nɔ gbɔ ɛgbɛ ɔ mɛ. Yi wɛ kpa na ye we Nazaretutɔ. ⁶ E wasi gbun bo do oɖwu mawu we oxɔ mi bo wle. ⁷ Vɔ sɔja Lisia va, bo dɔn Pɔlu kpo hɔnhlɔn le mia we ɔlɔ mɛ bo sɔ sɔn. ⁸ Gan ke mɛ o na kan oxo xin ye wi se ɔ, ye te na se onu ke we ɛxɛ mi do ni nɔ.» ⁹ Jwufu tɔ ye can ye do ɛxɛ na Pɔlu bo lɔ bio xo jɔ xo mɛ ɖe e wu. ¹⁰ Gan ke mɛ oto kplɔtɔ na oxo wu Pɔlu ɔ, Pɔlu yi ogbe:« Ko se bio yi mɔ nyi kojoɖotɔ na oto ke sɔn oxwe nɛn mu ɖe, oji jɔ susu na bo tete na do tɛn onu susu mɛ. ¹¹ Tɛn hun ve kanse, ɔn xu nyi hɔn weve na ko,do va Jeluzalɛmu do va sɛn Mawu. ¹² Gan ke ɛmɛ ye kpɔn le Mawu xwe, kɔn lɔ oxo kpo mɛ ɖe nɔ koko mɔ fɔn cite oto gun ɔ, le Jwufu ye we okplityiɔn alo otoxɔmɛ. ¹³ Ye hɔn kpe wu na ɖe xlɛ onu ke ye lɔ do wu ye le siɛ. ¹⁴ Vɔ le yi we ŋkɔn ko yi ogbe na nu ke, ko sɛn Mawu mia tɔ tɔn ɖi ke ye yɔ nɔ bio yɛxue le syɛ. Ko le gbeji na onu ke le osɛn ɔ mɛ kpo oxolɔɖonyi lɔ tɔ we win wlan. ¹⁵ Ko mɔ ɖo kanɖe ji do Mawu ji ŋsunglo klɛ ye a se nɔ fifɔn sɔn oku, ɛmɛ jijɔ kpo ɛmɛ ma jɔ ye kpo. ¹⁶ Yi wɛ dɔn ko nɔ wasi nu bi na bo we susu a do kɔn le Mawu kpo gbɛtɔ we ŋkɔn le nu bi mɛ. ¹⁷ Oxwe ɖe ye we godo ɔ, ko mɔ va gɔ ɔlɔ na bo we oto kpo oho na kpo onu nina. ¹⁸ Gan ke mɛ ko wasi e mɔ ha nɔ Jwufu Azitɔn kpɔn le kɔ nɔ ɛxɛ sisla tɔn le Mawu we xwe, ɔn nyi oto gun a lo hunyan hunyan mɛ. ¹⁹ Syɔ ŋsunglo klɛ ye ɖo na va ŋkɔn na a bo va lɔ onu ke ko wa, vla vo na ye ɖo. ²⁰ A lo ŋsunglo klɛ ye ɖo na lɔ onu nyinylan ke ye kpɔn le wi ye ke ko va ŋkɔn na mi. ²¹ A do vo oxo lɔ ɖokpo ke ko lɔ kpo axa kpo gan ke mɛ ko le dodo me na ye:« Ɖo fɔn sɔn ku xwetɔ tɔn wɛ dɔn mi do ɖo kojo na nɔ.» ²² Filisu o ɖomo jɛ mɛ do o mɔ wu. E ɖo Jwufu ye te. E bo lo:« Gan ke mɛ sɔja Lisia na gbɔn sɔn Jeluzalɛmu ɔ ko na ɖo kojo na mi.» ²³ E lɔ na ahan ga kan we ko we ga ni mɔ hɛn Pɔlu wu, ni mɔhɛn blɛ wo, ni ka mɔ na omɔ wu yi we ɛmɛ ye a gɔ ɔlɔ ni alo a bo va kpɔɛn nɔ. ²⁴ Felisu kplɔ osiɔ Drusila le azan yɔ ywiɔ ɖe we godo, jwufutɔ, e bo yɔ Pɔlu bo do ɖo oto wi sɔn xɔse Yesu kliso tɔn wu nɔ. ²⁵ Vɔ ke na Pɔlu o lɔ oxo kpuwe nɔ do jijuɛ nyinyi, kpo o hun kuku kpo kojo ɖiɖo ke gbɔn nɔ, Felisu vo bo lɔ:« Siɛ ɔ tɛ yi: vɔ gan ke mɛ ko na kpɔn mɔnu ɖe ɔ ko na yɔ we.» ²⁶ Le gan xin mɛ ɔ, e buwi nɔ bio Pɔlu mɔ na oho wu xe ha yi wɛ dɔn e nɔ ɖo yuɛ nɔ gan mɛ gan mɛ a do lɔ oxo kpuwe. ²⁷ Vɔ oxwe ɔwe we godo ɔ, Posisu Fetusunyi oto kplɔtɔ bo ɖo li Felisu. Vɔ Felisu jro na wasi o jro jwufu ye tɔn, a bo jo Pɔlu do gan kpa mɛ.