¹ Eva gankemɛ na Apolos le Korɛnti tomɛ, Pɔlu gbɔn oto ɖaxo ɖaxo ye mɛ bo va oto ɖaxomɛ Efɛzu bo kpɔn dansɔvi ɖeye. ² Pɔlu lɔ na ye bio:«Mi yi gbigbɔ kinkwɛn gankemɛ mi kandeji? Ye bo ɖewu bio:«O-o, mi ɔn se lɔ xodo gbigbɔ kinkwɛn.» ³ Pɔlu lɔ bio:«E sin ni lɛ ye dota na mi?» Ye bo ɖewu :«Jan we ɛsin». ⁴ Pɔlu bo ɖewu :«Jan do jimɛ titrɔ we ɛsin. E lɔ na togun bio ye mɔ ɖo na kando mɛ ke na mɔ va do ŋkɔnna he ji, yi mɛ mɔ nyi Yesu.» ⁵ Kena emɛye se e mɔ ha, ye bo dɛsinta sɔ gbɔn do xwetɔ Yesu we unkɔmɛ. ⁶ Gankemɛ na Yesu ɖɔ lɔ taŋu ye, gbigbɔ kinkwɛn bo ɖɛye , ye bo ta ogbe buye dido bo ta oxo ɖenyi ji. ⁷ Ye mɛ bi nyi weve. ⁸ Pɔlu bo ɖyɛ ɛɖɛ xɔmɛ, bo ta oxo lilɔ na ye kpo ɛcɛ kpikpa kpo le sunzan ɔtɔn we gbagblamɛ. E bo kplan onu togun do nuɖe sɔgbɔn gaɖuxwe Mawutɔn. ⁹ Vɔ gankemɛ na jufutɔye deye va le oto titrimɛ kpo oto maɖo, ye bo ta oxo nyinylan sɔ gbɔn do Kliso we mɔji le togun we unkɔn, emɔ xa Pɔlu bo lɛ le ye kɔn bo kplɔ odan wa viye do sin dindiɔn nu le yewu. E bo ta oxo lilɔ le gasyagamɛ le oxɔ ke mɛ ye nɔ kplanu le le Tiranusu. ¹⁰ E na din na oxwe ɔwe ha, na mɛ ke ye nɔ nɔ Azi jufu kpo Glɛsu mɔ do ɖoto Mawu we oxo. ¹¹ Pɔlu we ɔlɔ ye we odan onywi ye Mawutɔn. ¹² Sɔ gbɔn exiye can mɛ, ɔdɔnnɔye kpɔn ɔdɔn gigɔ gbigbɔ maweye bo tɔn le ye mɛ nɔ na gankemɛ sɔ dukwuiviye kpo nuxonu Pɔlutɔn. ¹³ Vɔ, le blemɛ onu kplan ɛmɛtɔ jufutɔye gbɔn kansimɛ, zan Yesu we unkɔ mɛ le yetete we gbeta sisɔmɛ. Ye bo nɔ lɔ oxo do mɛ kena gbigbɔ mawe le ye mɛye; ye bo lɔ bio:ko ɖe gbe bio yi mɔn tɔn unkɔ Yesu ke mɛ na Pɔlu o lɔ Mawu xo le nɔ. ¹⁴ Mɛke na wasi nuxwi ye nɔ wɛ nyi vikpɛ acowe sevatɔn, xolɔɖenyitɔ jufutɔn. ¹⁵ Gbigbɔ na ma ku wɛn bo lɔ na ye nɔ bio:«Ko nyɔ Yesu, bo nyɔ Pɔlu vɔ mɛ mi ye mi nyi?» ¹⁶ Gbigbɔ mawe ke le unsuglo mɛ dɔn jɛ ɛdɛxotɔ xwi ye ji, do josi wu ye bo xoye. Sɔ gbɔn e xɛn bo si-i le oxwe yɔgbe amama bo jɛ fɔkuye. ¹⁷ Mɛbi wɛ mɔ nujɛ e wu, gbɔn jufutɔye mɛ kpo Glɛsutɔye ke nɔ nɔ Efezu. Ye bo ta vivo xwetɔ Yesu we unkɔn wɛ nyi kikɔ doji. ¹⁸ E xi can, xɔsetɔ susu va, bo va hun ye we nuvu-ɛn mɛ, bo mɔ nuje ye we nuvuɛn ke ye wa ye mɛ. ¹⁹ Ɛmɛ susu kena wasi majiki, bɛ ye we nu , ye bo biye le mɛbi we unmɛ. Ke ye do josi kpinkpɛnmɛ ye na oxo jɛnji caki kanɖe owo. ²⁰ E mɔ xa wɛ xwetɔ Yesu we oxo gbakpe kpo hɔnhlɔn yitɔn ye. ²¹ Vɔ gankemɛ Pɔlu kpa iwe odan le Efɛzu, e bo sɔ gbeta sɔgbɔn gbigbɔ kinkwɛn gbɔn oto ke ye nɔ yɔ bio Masedwanu, Acayi gun do yi Jeluzalɛmu, bo lɔ bio:«Gankemɛ na ko le ble, ko ɖo na kpɔn Rɔmu. ²² Pɔlu bo sɔ dansɔvi yi tɔn ɔwe ye do sin Masedwanu, Timɔte kpo Erastu ke ye ɖo a do kpedo iwu vɔ e drɔn itete le Azi ye le ogan xixo viɖe mɛ. ²³ Le ganximɛ , otocici ɖaxoɖe va nɔ nyi do Efɛzu ji do sɔgbɔn yiwe jɛtumɛ. ²⁴ Ɔlɔnu danwatɔɖe ke ye nɔ yɔ bio Demetrusu ke nɔ wasi onu titaye ohotɔn Dianu a bo bɛ ye va na ɔlɔnu danwatɔye. ²⁵ Sɔgbɔn exinmɛ , e bɔ odanɖokpo watɔye bo lɔ nɔ bio:«xwetɔye mi nyɔ bio le odan xin ye mɛ mi nɔ kpɔn oxo susu. ²⁶ Mi nɔ kpɔn a bo se bio e mɔ nyi Efɛzu ɖoɖyo vɔ Azi to bi mɛ, Pɔlu xi kandeji, bo trɔ ɛmɛ susu ye bo lɔ na ye bio Mawu ɖe mɔ le kena ye mɔ wasi kpo ɔlɔ ye. ²⁷ E ɔn nyi bio mia we odan nyi odan fɔku bo le na ɔn do ɖo kpenkpɛn mɛ ɖe hwɛn mɔ vɔ oxɔ ɖaxo ke nyi Dianu Mawu yɔn va ɖo kpinkpɛn. E bo nyi ɛmɛ vivɛ Azi kpo ɛgbɛ bi-i. ²⁸ Ke ye se emɔ xa, aɖi bo wle ye bo ta axwa dido bio:«Mɛhwin yɔn Efɛzutɔye tɔn wɛ nyi Dianu.» ²⁹ Toxo bi bo le caka-caka mɛ ye mɛ bi hwlɛndo le kantatamɛ ye bo glɔn mɔ jiyitɔye Pɔlu tɔn, Gayus kpo Atisitako, ye mɛ ke gbɔn sɔn Masedwanu. ³⁰ Pɔlu jro na ɖyɛ dodomɛ na togun, vɔ dansɔviye bo xɛ omɔn ni. ³¹ Sɔgbɔn ninɔmɛ xinmɛ, e mɛ ŋkunsi le ji togun Azitɔ ke nyi Pɔlu we hadweye swɛ dodan bio ni mɔ ka mɔ ɖyɛ Kantata. ³² Emɛ ɖe le to-ɔ mɛ o da axwa nɔ. Ɛmɛ ɖe can , ɖo togun le cakacakamɛ susu hɔn nyɔ nuke dɔn na ye do bɔ. ³³ Jufutɔye kplɔ Alesandru sɔ yi dindyɔn nu le unkɔn emɛye. Alɛsandru sɔ lɔlɔ bo do ɖo xo wu togun mɔ. ³⁴ Vɔ gankemɛ na ye wasi bio ni ye mɔ nyi jufutɔ, ye bo daxwa do gbenɔkpɔmɛ gundo yi ganxixo ɔwe:«Dianu Efɛzu tɔye we ɛmɛ hyɔn.» ³⁵ Gankemɛ na osɛn danwatɔ va fa oji na togun, bo lɔ bio «Mi ye Efɛzu we unsungloye, unsuglo ni lɛ ɔn nywɛn le mia mɛ le bwɛ bio Efɛzutɔ mɔ nyi zancɔtɔ ɛmɛhyɔn Dianu we oxɔ kpo onu kpinkpɔn ke flɛ sɔn jiŋkunsi. ³⁶ Kpɔn bio nu kiye mɔ zun onu vovo, mi ɖo na bɔ onu , mi ko na wa onu ɖe le oji cicimɛ. ³⁷ Vɔ mi hɛn unsuglo kiye va kojoɖoxome, mɛ kiye ke ɔn nyi fina finɔ ye cɔcitɔnye, mi ko nyi oxo nyinylan lɔ tɔye do mia we Mawu wu. ³⁸ Bo nyi, na Demetrusu kpo ɔlɔnu danwatɔ ke le kpoe ɖo ɛhwɛ dida ɖe sɔ mɛɖe wu, ɛhwɛ ɖɔ gbaza le xunxun, kpodo ɛcɛ kpikpa we ɛmɛ sɔ dodan. Ye bo ve san Mawu mɛɖe sɔ mɛɖe wu. ³⁹ Vɔ na mi mɔ ɖo nuɖe sɔ gbɔndo onu kiye wu, e na nyi lilɔ mia we kpɔninɔ mɛ. ⁴⁰ Ɖo mi na na na ye na da ote cici we ɛhwɛ. Ɛhwɛ jijɔ ti ko le sɔ gbɔn nu nyinylan mi ko le gbesisɔ na do dewu. ⁴¹ Gankemɛ ye lɔ emɔxa, ye bo nya togun.