¹ Bibɛnu wɛnɖagbe Jesu klisi, Mawu we vitɔn. ² Ɖi dena ɖɔɖanyidɔtɔ Ezayi o ɖɔ do ha, e dye un sɔ owɛndotɔ ce ɖoxlan we nia jla omɔ ji ɖo na we. ³ Ogbe ɖe le ɖi le gbetono mɛxɔudɔ Mi jla omɔ ɖo na Aklunɔ, mi su odo lɛye le omɔ vu lɛye ji. ⁴ Jaan wa, bo nylɔ omɛ do osin mɛ le gbetotlo mɛ, bo wala lɛuvɔjɔ we oxo lɔna ohwɛsɔke gbɛtɔ lɛye tɔn. ⁵ Jude tɔye kpo Jeluzalɛmutɔye kpokpo nɔ wa e ɖe, a bo ɖɔ ohwɛ xena ye hu lɛye ni-i Wɛ e nɔ nylɔ- ye do judɛnwe otɔ lɔ mɛ. ⁶ Kanlin gbaza we awu wɛ Jaan nɔdo, ablo akpakan xena ye sɔ kanlin we gbaza doblo. Owin kpo bɔsukle kpo we e nɔ ɖu. ⁷ Jaan nɔ dɔ : omɛ ɖe ja le godo ce bo hugan-un un ma kpego bo na jlɛ aƒɔ ce do fɔkpa etɔn mɛ gɛ. ⁸ Nyɔ un nylɔ mi do osin mɛ, vɔ e nɔ nanylɔ mi do gbigbɔ e do ovo tɔn mɛ kpo ozo kpo. ⁹ Le hwenɛ lɔ nu, Jesu wa nazalɛti le galile wɛ Jaan nylɔ-ɛ do osin mɛle judɛu we otɔ mɛ. ¹⁰ Hwexenu na e le tɔn le otɔ lɔ m€ xɔn, e mɔ sɛwe huu, wɛ gbigbɔ Mawutɔn jɛ e ji ɖi hɔnnɛ ha. ¹¹ Ejan wɛ ogbe ɖe ɖo ɖi le sexwe ɖɔ : « yɔ wɛ nyi ovi ce xena un nyi owan na-a» ¹² Tlololo, gbigbɔ ɖɔn Jesu ɖo gbetotlomɛ; ¹³ we e wa yi blo azan kanɖe, ƒlɛu lɔ wɛ lɛba tɛn-ɛ kpɔn le. E nyɔ kpo kanlin ohunnylo tɔ l€ye kpo wɛ le, wɛ wɛuzanguu lɛye nɔsɛn-ɛ. ¹⁴ Xena ye alɔ wa jɛ Jaango, Jesu yi Galile, bo wa yi la wɛudagbe Mawutɔn. ¹⁵ E nɔ ɖɔ « ogan lɔxo, wɛ xɔluɖuta sɛxwutɔn sɛkpɔ, mi dyɔ jijɔ a bodi onu na oxo Mawutɔn. ¹⁶ Xena e le gnɔn otɔtoloxuto galile tɔn xɔn do le la oxo lɔ xɔn, e wa simɔ kpo nɔvyɛ Audle kpo le ɖa odɔ xɔn; ɖo odɔyitɔ wɛ ye nyi. ¹⁷ Jesu ɖɔ na ye dɔ : Mi xo do un na ma sɔ mi do blo gbɛtɔ ye nu tɔ. ¹⁸ Hɔnɖokpo tlololo, ye jo odɔ yetɔn do bo xo do-e. ¹⁹ Jesu sɛ yi zaaɖe, bo mɔ Jaki zebede we ovikpo Jaan nɔvyɛ, ye can le otɔjihuu mɛ bo le jla odɔ yetɔn ɖo xɔn. ²⁰ Tlololo, e yɔ-ye ; kpoyu ye jo yetɔ zebzde kpo ozɔuwotɔ ye do otɔjihun lɔ mɛ bo xo do-e. ²¹ Ye wa jɛ kapɛnawumu we otomɛ. Le okpɔnzangbe sabati Jesu dyɛ cɔcixɔmɛ bo kplan onu omɛ ye. ²² Okplan Jesutɔn lɔtɔ ab oji na omɛ susu ɖo eblo okplan lɔ kpo acɛkpikpa kpo, wɛgbɔn ovo na osɛkplanmɛ tɔ lɛye tɔn. ²³ Omɛ gbigbɔ mawe nɔ lokpo le cɔcixɔ lɔ mɛ bo le axwa nu dɔ : ²⁴ Aniha we le mye kpo yɔ kpo mɛ Jesu nazalɛti tɔn? A wa bo na do wa va mi su do wɛ, ɖo un nyɔ omɛxena a nyu ; Omɛ mimɛ : ɖe do ovo Mawutɔn. ²⁵ Jesu nya-ɛ bo ɖɔ « ɖo aɖa bo tɔn le emɛ». ²⁶ Wɛ gbigbɔ mawe lɔ tɔn le omɛ lɔ mɛ bo hunnhuun-i kpo hɔuhlɔn kpo axwa ɖe kpo. ²⁷ E kpaca omɛ lɛye kpokpo gbɔɔn wɛ ye wu le kan yede se xɔn ɖɔ « a ni ha wɛ nyi e xe?». onu bu gɔ dye! E nɔ kpacɛ do gbigbɔ mawe lɛyi ji wɛ ye sɔ se otonu ni-i. ²⁸ Nyikɔ etɔn gbakpe oto xeni bɔ do Galile we oto lɔ go sese Zɔnlokpo. ²⁹ Na e do tɔn le cɔcixɔ lɔ mɛ, yɔ kpo Jaki, kpo Jaan sɔn-yi Simɔ kp Andle kpo we oxwegbe ³⁰ vivɔ cɔn Simɔ we asyɛ nɔ, wɛ e le anyimimlɔ le ozanji, ye dɔ oxo etɔn na Jesu. ³¹ Jesu wa ede kpoɲu, bo jɛ aba ji ni-i bo kɔ-ɛ ɖo ote gaga; we vivɔ lɔ nɔn le e ji, e bo jɛ sinsɛn- ɛ ji ³² Gbegbenɛ lɔ, nwɛkpo ohwe na yi oxɔ, ye hɛn omɛ ɖkpokpwe xeni Jɛ azɔn, ablo xemɛ na gbigbɔ nylakanye le lɛye dowa ni-i. ³³ Omɛ xeni le oto lɔmɛ lɛye wakpli le ohɔn ji. ³⁴ E gbɔ azɔn tɛnmɛ-tɛnmɛ na azɔnnɔ lɛye, bo nya gbibgbɔ mawe susu. Vɔ e mɔ na ogbe mawe lɛye nɔ kɛ onu gɛ ɖo ye nyɔ-ɛ wi-i ³⁵ E wa ƒɔn zan ƒliƒli hwexenu na zinvlu gbɛ le ote bo sɔnyi oƒixena mɛɖe ma le gɛ bo xo oɖe. ³⁶ Simɔ kpo omɛxe nɔ zɔn xɛ-ɛ lɛye jɛ dindin ji. ³⁷ Yewa mɔèɛ bowa le ɖɔ ni-i xɔn ɖo : «omɛ kpokpo weleɖin we xɔn». ³⁸ E ɖɔ : Mi-a sɔn yi oƒibu lɛ oto xeni bɔ do fi xe go mɛ na mado la oxo lɔ le ƒlɛn gba. Ɖo enɛ lɔ wɛ zɔn un wa. ³⁹ E gbɔn Galile toxo lɔ mɛ sese bodo la oxolɔ le goxo yetɔn lɛyeme, bogɔ nyo gbogbɔ mawe lɛye. ⁴⁰ Gudu ɖe wa e kɔn bo jɛ oklo le akɔnmɛ ni-i bo le ɖɔ xɔ : «Na a jlo bo lɛ-un we» ⁴¹ Jesu ku nublawu ni-i bo dlɛu abɔ ɖo eji bo kpo-e boɖo ni-i ɖo : «ɛɛŋ unjlo mɔ lɛwe yi» ⁴² Hɔn lokpo gudu lɔ tɔn le go wɛ e mɔ azɔn hɛn gbɔ. ⁴³ Jesu tɔ ogbe wi-i, bo yɛŋ-ɛ. ⁴⁴ Eɖɔ ni-i ɖɔ Nɔ kpɔŋ dɔ na mɛɖe gbede o, vɔ sɔ ɖe we sɔ yi xlɛ avɔ santɔ ablo okpɛ dido we aŋu xeua mɔyizi we osɛu lɔɖo. ⁴⁵ Vɔ tintɔn etɔn tlololo, ejɛ onu xena Jesu blo ni-i lɔ jijlu na omɛ lɛye kpokpo, kaka gbɔ n Jesu ma gɔ kpego na go yi oƒi ɖe lɛye lemɔha gɛ.