¹ E nɛ godo, Jwivunu lɛye ja oxwe sinsen yetɔn tɔnɖe ɖu gbe, wɛ jesu yi jeluzalɛmu. ² Le toxo nɛ lɔ mɛ, le lɛngbɔ ye we we agbonu hɔntogboji, kalodo ɖe le flɛn wɛ ye nɔ ylɔ-ɛ le heble we ogbe mɛ ɖɔ Bɛtizata ye wo gba oxɔ gaga xeni ɖo xɔmomu atɔɔ do lɛ do-e.

³ Azɔnnɔ susu nɔ le anyimimlɔ le xɔmɔnu lɛye, nuku gbigban lɛye, sɛkunɔlɛye; kpli bɔnɔ lɛye ye nɔle ote kpɔn osin lɔ we huhlu. ⁴ Ɖo wenzangun Mawutɔn ɖe nɔ jɛ ote do osin lɔ mɛ le ogan ɖe mɛ a bo hlu osin lɔ do e go. We ome ɖekpo kpwe xeni jɛ osin huhlu lɔ mɛ jɛnukɔn nɔ mɔ azɔhengbɔ, ha azɔm lɔ tlɛ syɛn gbɔn ɖe can. ⁵ Azɔnnɔ ɖe wa flɛn lɔ sɔn oxwe gban atɔɔn nukun atɔn ɖi ye.

⁶ Hwexenu na Jesu mɔ - ɛ le anyimimlɔ ka o nyɔ- ɛ dɔ e bo le flɛn din e bo dɛɛn, e kam- ɛ se ɖɔ : «A jlo na mɔ azɔnhɛgbɔ ?» ⁷ Dahwe azɔnnɔ lɔ ɖɔ ni-i dɔ : «Mɛdaxo ! un ma ɖo omɛ xena kɔ- un do osin lɔ mɛ le hwexenu na ye hlu osin lɔ do e go gɛ ; na un bɛ onu do le yixɔn, omɛ bu o nɔ jenukɔn na un» ⁸ Jesu dɔ ni -i ɖɔ ci ote a bo sɔ ozan tɔwe a bo zɔnzɔnlin» ⁹ Hɔnlokpo-hɔnlokpo, dahwe lɔmɔ azɔn gbigbɔ, e bo sɔ ozan etɔn bo zɔnlin zinzɔnji, vɔ jwifunu lɛye we gbɔjweza, gbe wɛ nyi azan nɛ lɔ. ¹⁰ Jwifunu lɛye dɔ na dahwe xemi mɔ azɔn gbi gbɔ lɔ dɔ ; «Egbe, gbɔjwezangbe wɛ, a ma ɖo acɛ bo na do hɛn ozan do alɔ me ge»

¹¹ E ɖo e go na ye dɔ: : «ame xeni gbɔ gbɔ azɔn na un lɔ dɔ nyɔ ni bo sɔ ozan ce a bo zɔnzɔn lin» ¹² Wɛ ye kan- ɛ se ɖɔ : «Mɛ wɛ nyi omɛ xeni dɔ na we dɔ «Sɔ ozan tɔwe a bo zɔnzɔnlin » ¹³ Vɔ, dahwe xena azɔn gbɔ na lɔ, ma nyɔ omɛ lɔ gɛ, ɖo Jesu hlu do omɛ susu ni le ofitɔ mɛ. ¹⁴ E nɛ godo, Jesu wa yi mɔ. Ɛ le Mawu we oxwegbe bo dɔ ni - i dɔ : «yɔ ɖi mɔ azɔnhengbɔ odin nɔ kpɔn gɔ blo onu nyinyla ti gɛ ! E nɛ dɛn onu xenigɔ hugan lemɔha w ɛwa qa jɔ ɖo ji me» ¹⁵ Dahwe nɛ sɔn, bo wa yi ɖɔ na jwifu lɛye we ogaye ɖɔ Jesu bɛ bo nyi omɛ xeni bo gbɔ azɔn na mi ye. ¹⁶ E nɛ wutu wɛ jwifunu lɛye we ogayo jɛ ogbe Jesutɔn nyinya ji ɖo e blo onu e nɛ lɛye le gbɔjwezangbe. ¹⁷ Vɔ jesu dɔ naye ɖɔ : «Ateye le wa ozɔn xɔn tɛgbɛ, nyɔ cangba le wa ozɔn xɔn» ¹⁸ Oxo nɛ lɔ na Jesu dɔ lɔ, gɔ zɔn we jwifunu lɛye we ogaye gɔ le din bo na hui - i vivɛɖe. E ma gɔ nyi gbɔjwezan kɔkɔlɔkɔ we osen lɔ mɛ gɛ, vɔ e gɔ dɔ Mawu bo nyi mí ye tɔ bo le jlɛ eɖe do Mawu go xɔn. ¹⁹ E we Jesu yi oxo dɔ : «oxojɔxo kpatakli we un le dɔ na mi xɔn ovi tesu ma kpego bo na blo anuɖe otɔ mɛvo gɛ. Onu xena otɔ blo le e de ni mɔ e jan wɛ e na blo.» ²⁰ Ɖo otɔ yi owan nu oyi lɔ bo xlɛ- ɛ onu xeni nɔ blo lɛye sese. E na gɔ xlɛ- ɛ onu ɖaxo ɖaxo xeni gɔ hugan e xe ha lɛ ye wɛ na kpacami. ²¹ Ɖo ɖena otɔ lɔ fɔn omekuku lɛye a bo na ogbɛ omɛ xeni jlo-e do. ²² Go do bɔ do e go otɔ lɔ mɔ nɔ da ohwɛ na mɛti gɛ; vɔ e so acɛ lɛye sese do alɔme na oyi lɔ na ni - a do da ohwɛ. ²³ E nɛ, ye na do dó yeyí na ovi lɔ ɖi ɖe na ye nɔ do yɛyí na otɔ́ lɔ ɖo ha. Omɛ xeni ma do yɛyi na ovi lɔ gɛ , ma do yeyí na otɔ xeni sɔ- ɛ sɔ doxlan gɛ. ²⁴ Oxojɔxo kpatakli ɖi ye un le ɖo na mi xɔn : Omɛ xeni se oxo ce, bo ɖi onu na omɛ xeni sɔ -un sɔ ɖoxlan lɔ mɔ ogbɛ mavɔ-mavɔ e tɔn le ohwɛ dida me; bo tɔn le oku mɛ do ɖye ogbɛ mɛ. ²⁵ Oxojɔxo kpatakli ɖi ye un le dɔ na mi xɔn ! Ogan lɔ ba wa xo, bo ka o xi ke odin wɛ omɛ kuku leye na se ori Mawu tɔn we ogbe. Ome xena se lɛye na nɔ ogbe. ²⁶ Ɖo ɖi ɖena ogbɛ le otɔ lɔ mɛɖo , lemɔha ke wɛ ogbɛ le ovi lɔ mɛ ɖo. ²⁷ Otɔ lɔ ni -i acɛ dɔ ni bo da ohwɛ do ovi gbɛtɔ tɔn wɛ e nyi. ²⁸ Ni nɔ kpɔn kpaca do mi gɛ, ɖo ogan ɖe naxo wɛ omɛ xe le oyɔdomɛ lɛye nase ogbe etɔnnbo na tɔn le oyɔdo mɛ, ²⁹ omɛ xeni blo onu jijɔhun leye na fɔn sɔn oku a bo ɖyɛ ogbɛ mɛ ; ome xeni blo onu nyinyla lɛye na fɔn sɔn oku a bo diɛ ohwɛ dida mɛ. ³⁰ Nyɔ tesu ma kpe onuti go bo na blo le acɛ ce mɛ gɛ Oxo xena Mawu ɖɔ na -un wɛ un nɔ xodo a bo do ɖa ohwɛ. Ohwe dida ce le osɛn ji ɖo un mɔ nɔ din bo na blo ojlo ce gɛ a mɔ omɛ xeni ɖo-un ɖoxlan we ojlo wɛ un nɔ blo. ³¹ Na e nyi dɔ nyɔ tesu jan wɍ na ɖe kunnu na ɖe - e, be kunnu ɖiɖe ce ma sɔ ogbe gɛ. ³² Vɔ omɛ bu ye wɛ le ɖe kunnu do go - ye xɔn we un nyɔ-ɛ ɖɔ ɖiɖe yetɔn bo nyi oxojɔxo. ³³ Mi sɔ owenɖotɔ ɖe lɛye ɖoxlan Jaan, we e ɖe kunnu do oxojɔxo lɔ go. ³⁴ Nyɔ un ma ɖa ɖo hudo kunnu ɖiɖe gbɛtɔye tɔn gɛ, a mɔ, un le dɔ oxo xe lɛye na mi xɔn na mi- a do mɔ hwlɛngan. ³⁵ Jaan le ɖi zogbɛn xena ye ta wɛ e le hun xɔn ha ; wɛ mi jlo bo na mɔ oji jwɛ le kinklɛn etɔn nu na hwenu ovuɖe. ³⁶ Vɔ kunnuɖiɖe ce hugan Jan tɔn. Ɖo ozɔn xena atɛye zɔn-un dɔ ma bo blo, wɛ un ko le blo xɔn, wɛ ɖe kunnu na un dɔ otɔ́ lɔ́ bɛ bo sɔ-un sɔ ɖoxlan. ³⁷ Atɛye xeni sɔ- un sɔ ɖɔxlan lɔ tesu ɖe kunnu na un, vɔ mi ma se ogbe etɔn kpɔn gbɔɔn bo do mɔ-ɛ kpon gɛ. ³⁸ Oxo etɔn ma le mi mɛ gɛ, ɖo mi ma ɖi onu na omɛ xeni sɔ ɖoxlan lɔ gɛ. ³⁹ Mi nɔ gbeje Mawu we oxo lɔ, olo linlin mitɔn wɛ nyi dɔ oxo lɔ wɛ wɛ ogbɛ mavɔ-mavɔ le Mawu we oxo nɛ lɔ kɛ ka ɖe kunnu do go-o. ⁴⁰ Mi ka ma le din bo na wa di - ye a bodo mɔ gbɛ xɔn gɛ. ⁴¹ un ma le diin xɔn ɖɔ gbɛtɔ ye ni bo kanfun-un gɛ. ⁴² Vɔ, le oji mitɔn mɛ, mi ma ɖo owan nyinyi na Mawu gɛ. ⁴³ Nyɔ, un wa le nyikɔ atɛye tɔn mɛ wɛ mi ma yi - un gɛ. Na mɛbu wa wá le nyikɔ etesu tɔn mɛ, mi nɔ yi- i. ⁴⁴ Afukinkan mietesu lɛye tɔn jan wɛ mi nɔ yi owan na, vɔ mi mɔ nɔ din afukiukan xeni nɔ sɔn Mawu lokpo gee lɔ de gɛ . Naɖe mi na hɛudo a bo do ɖionu na- un ? ⁴⁵ Mi nɔ kpɔn bu -i dɔ nyɔ na jɛ ohwɛ do mi go le otɔ́ lɔ we nukɔn gɛ, omɛ xena jɛ ohwɛ do mi go wɛ nyi Mɔyizi, e yɔ xeji na mi kan do. ⁴⁶ Vɔ le oxojɔxomɛ na mido kan do Mɔyi zi lɔ ji wɛ, mi na kan do nyɔ can ji. Ɖo onu xena e wlan, nyɔ go wɛ e ɖɔ oxo do. ⁴⁷ Vɔ xena mi ma kan do onu xena e wlan lɛye jigɛ, naɖe mi na blo a do kan do oxo xena un le ɔ xɔn lɛye ji ?