1 Avɔsannuxwle Mawutɔn lɔ ɖɔ:Lemɔha wɛ onu lɛye jɔ ɖo? 2 E bo ɖo e go ni ɖɔ:Atɛye,anɛyevi,mi ɖo oto a bo se,le osan xoxo,Mawu gigonɔ ze do nukun mɛ na dagbo mitɔn Ablaxamu le hwexenu na e le Mɛzopotami we kansinmɛ,keŋu hwɛkpo e do wa yi jɛ oxwe do alan; 3 Mawu bo ɖɔ ni-i ɖɔ:Tɔn le oto tɔwe kpodo xwedo tɔwe mɛ,na a sɔn yi oto xena na sɔ xlɛ we mɛ. 4 Ablaxamu bo lɛ leee Caludetɔye we oto mɛ bo wa yi ci Calan lɔ,le otɔ we okwe finfan godo,Mawu dɔn-ɛ do yi oto xe mɛ na mi le din; 5 ye ma na anyizan ti wi na e na ze afɔ sɔ do gɛ, vɔ ye do akpa ni-i ɖɔ mye bo na wa ni-i anyizan kaka wa jɛ jijimɛvi etɔn lɛye ji, na e ma tlɛ ɖo ovi gɛ can, mi na ni-i. 6 Mawu ɖɔ ɖo ɖe xa: Jijimɛvi Ablaxamutɔn lɛye na wa yi nɔ oto dindɛn xeni ma nyi oto ye tɔn gɛ mɛ; wɛ ye na do aya na na oxwe kanɖe. 7 Vɔ, Mawu ɖɔ oto xeni na do aya na ye, yɔn wɛ na da ohwɛ na ye. E nɛ godo, ye na wa tɔn le oto lɔ mɛ bo na do wa sin-un le anyizan ye ji. 8 Wɛ Mawu do na adagbigbo we okan cica Ablaxamu; e nɛ godo, Ablaxamu wa ji Izaki bo gbo ada ni-i le azan cantɔn gɔ lɔ mɛ; Izaki bo gɔ wa ji Jakɔbu bo gɔ gbo ada ni-i gba, wɛ Jakɔbu wa ɖɔ hwɛndo wiawe lɛye anyi. 9 Dagbo mitɔn nɛ lɛye bo hwan awu do Jozɛfu go bo sɔ-ɛ xɔ sa, na ye do dɔn-ɛ do yi Ejiputi we oto mɛ vɔ Mawu bo le okpɔ xa-ɛ, 10 bo na tun okan ni-i le wuvɛ lɛye sese mɛ; Mawu ni onu nyiywɛ wɛ e na do ɖo fɛnu le Falawɔn axɔlu Ejiputi tɔn xeni sɔ-ɛ do ɖo oga na xwegbe etɔn. 11 Xovɛ ɖe wa tɔn le Ejiputi kpodo Kana we oto kpokpo mɛ, hwe e nɛ lɔ nu, ayaɖuɖu lɔ syɛnxu taŋu, dagbo mitɔn lɛye ka ma mɔ onu ti bo na ɖu gɛ. 12 Xena Jakɔbu se ɖɔ onu ɖuɖu bo le Ejiputi, e ɖo dagbo mitɔn lɛye ɖoxlan wɛ ye bo yi oto lɔ mɛ tintan. 13 Hwlawegɔ na ye do yi oto lɔ mɛ, Josɛfu ɖe eɖe sɔ xlɛ nɔvyɛ lɛye, Falawɔn can bo wa nyɔ xwedo etɔn. 14 Jozɛfu ɖo omɛye ɖoxlan na ye a do wa yi dɔn otɔ Jakɔbu kpodo xwedo lɔ kpokpo do wa Ejiputi,xixlɛ yetɔn bo nyi kanɖegban atɔɔn. 15 E wɛ Jakɔbu wa yi Ejiputi,bo ku,dagbo mitɔn lɛye can bo ku le flɛn. 16 Ye hɛn ocɔ yetɔnye wa Sicɛmu bo ɖi ye do yɔdo xena Ablaxamu xɔ kpo kɔbɔ kpo le Hamɔ vikpɛye si le Sicɛmu lɔ. 17 Xena azan wa su na kpagbe xena Mawu do na Ablaxamu na do cɛ,togun mitɔn jɛ susu ji le Ejiputi, 18 kaka xɔlu bu gɔ wa xɔlu we okpo lɔ ji, wɛ xɔlu nɛ lɔ ma nyɔ Jozɛfu gɛ. 19 Axɔlu e nɛ nɔ do vivɛsise na kunkan dagbo mitɔn lɛye tɔn. 20 Le hwenɛnu, wɛ ye ji Mɔyizi, e bo nyɔ kpinkpɔn na Mawu. Ye bo kpe nukun do e go le otɔ we xwegbe na sunzan atɔn; 21 xena ye ɖe okɔ le e go, Falawɔn we ovi nyɔnuvi wa yi sɔ-ɛ, bo kpe nukun do e go ɖi ovi e yɔ tesu tɔn ha. 22 Mɔyizi bo yi okplan do gbɔn Ejiputitɔye onunyinywɛ sese kpo mɛ, bo wa syɛnxu le oxo ɖiɖɔ kpodo onu wiwa etɔn lɛye mɛ. 23 Vɔ, hwexenu na e ɖo oxwe kanɖe, susu ɖe wa ayixa mɛ ni-i, e bo na do yi din nɔvyɛ Izlayɛli vikpɛ lɛye kpɔn. 24 E wa yi mɔ Ejiputitɔ ɖe xeni le do aya na nɔvyɛ Izlayɛlitɔ ɖe xɔn, e bo yi ohwɛ na nɔvyɛ lɔ, bo vi ohlɔn ni-i bo do hu Ejiputitɔ lɔ. 25 E bo bu-i ɖɔ nɔvyɛ Ezlayɛli vikpɛ lɛye bo na mɔ nukunnu jɛ e mɛ ɖɔ Mawu bo le hwlɛn ye gan xɔn gbɔn mye ji wɛ sin, vɔ, ye ma nukun jɛ e mɛ gɛ. 26 A san xeni bɔ do e go, e wa wa byɔ ye mɛ bo wa le na na okplan ye kpɔn fifa ji: Bo ɖɔ, nɔvi wɛ mi yi-i, a ni wutu wɛ mi ka nɔ le xo miɖe lɛye xɔn? 27 Vɔ, omɛ xeni le xo nivyɛ ɖyɛ yi oxo bo ɖɔ: Mɛ wɛ sɔ we do ɖo oga ohwɛ gbotɔ mitɔn? 28 A din na hu-un ɖi ɖena a hu Ejiputitɔ lɔ ɖo ha wɛ? 29 Gbɔn oxo nɛ lɔ mɛ, Mɔyizi si le flɛn bo wa yi tɔn le Madianu lɛye we tomɛ, oto nɛ lɔ mɛ wɛ e ji sunnugle awe le. 30 Oxwe kanɖe godo, wɛnzangun Mawutɔn ɖe wa tɔn do e ji le oso Sinayitɔn ji, bo le atin mumu xeni le ji oxo lɔ mɛ. 31 Mɔyizi mɔ onu nɛ, e kpɛcɛ wɛ e le sɛ kpɔ oxo na kpɔn, Aklunɔ lɔ bo ɖɔ oxo ni-i le oxo lɔ mɛ: 32 Nyɔ wɛ nyi Mawu tɔgbo-tɔgbo tɔwe lɛye tɔn,Mawu Ablaxamutɔn, Mawu Izakitɔn, Mawu Jakɔbutɔn.Wɛ Moyizi,le sisɔ bo ma kpego kpɔn ozo lɔ gɛ. 33 Aklunɔ lɔ ɖɔ ni ɖɔ:Ɖe fɔkpa tɔwe lɛye le afɔ,ɖo ofi xena a le lɔ,nɔtɛn mimɛ wɛ e nyi. 34 Un mɔ vivɛsise togun ce tɔn ɖoxlan le Ejiputi,un se aɖukunkun etɔn lɛye,wɛ un jɛ ote bo na do hwlɛn-ɛ gan.Odin yi un sɔ we xɔ ɖoxlan Ejiputi. 35 Mɔyizi nɛ, xena ye zun bo ɖɔ: Omɛ wɛ ze we do ɖo ohwɛ gbotɔga na mi? Mɔyizi nɛ ke wɛ Mawu ze xɔ ɖo xlan kpo alɔ gɔ wɛnzangun xeni ɖe eɖe xlɛ le ozo mɛ lɔ kpo. 36 E yɔ wɛ ɖe ye tɔn xɔn Ejiputi kpodo onu jiwuye kpo, bo wa gbɔn oxwu vɛvɛmɛ do din, bo gɔ gbɔn ogbe tlotlomɛ na oxwe kanɖe. 37 Mɔyizi e nɛ lɔ ke wɛ ɖɔ na Izlayɛli vikpɛye ɖɔ: Mawu na gɔ wa ɖe ɖɔɖanyiɖɔtɔ ɖi nyɔ ha ke na mi. 38 Hwenu na ye kpli do ogbe tlotlomɛ, xeni le okpɔ xa wɛnzangun xeni le ɖɔ oxo ni le oso Sinayitɔn kpo mye tɔ, xeni yi onu jiwu gbɛɖe-gbɛɖe wa na mi. 39 Myetɔ lɛye ma din na se otonu ni-i gɛ bo nɔ le gbɛ onu ni-i xɔn, bo gɔ wa ze ayixa yetɔn sese do Ejiputi ji, bo wa ɖɔ na Alɔn ɖɔ: Blo mawu xeni na di zɔnlin le nukɔn mitɔn; 40 Ɖo Mɔyizi xeni ɖe mitɔn sɔn Ejiputi, mi ma gɔ nyɔ onu na e wɛ tlɔzun gɛ. 41 A san nɛ gbe, ye blo obocɔ, bo nɔ san avɔ ni-i, wɛ e nɔ vivi na ye do onu na alɔ yetɔn blo lɔ go wutu. 42 Odin Mawu tlɔ kɔ bo kpɔn ye, bo sɔ ye sɔ jo na awhan kpa jiwetɔn lɛye, ɖi ɖena e nyi winwlan ɖo ha: Mi hu kanlin ɖe bo do san avɔ na-un kpɔn, hɛn, Izlayɛli we xwegbe?... 43 Mi wa yi kɔ oxɔ Molocitɔn kpodo sunvi mawu Hlanfantɔn kpo, ye blo owɛ e nɛ lɛye bo nɔ sɛn ye! Wɛ mi nɔ ze mawutɔn lɔ ɖo alɔ mɛ kaka do yi Babilɔnu. 44 Myetɔn lɛye le ogbe tlotlomɛ ye ɖo akɔ gbɛgbakɔn lɔ tɔn ɖi ɖena ye xlɛ Mɔyizi ɖɔ ni bo blo ɖo ha. 45 Wɛ mye tɔ lɛye yi bo sɔ ɖo acɛkpikpa Jozuwe tɔn gɔn le otoxo xe mɛ na Mawu le nya kintɔ yetɔn lɛye do wezunnu, bo gɔ nɔ kaka jɛ Davidi we hwenu. 46 Davidi mɔ fɛnu le Mawu de, bo wa ɖɔ ye ni bo gba oxɔ na Mawu Jakɔbutɔn. 47 Salumɔ wa gba oxwe na Mawu we akɔ jɛgbakɔn. 48 Vɔ, Mawu ɖaxo,mɔ nɔ nɔ nɔtɛn xeye na gbɛtɔye blo kpodo alɔ yetɔnye mɛ,ɖi ɖena ɖɔɖanyiɖɔtɔ ɖɔ ɖanyi ɖɔ: 49 Sɛxwe wɛ nyi axɔluzinkpwe etɔn,wɛ anyizan nyi afɔɖotɛn.Oxɔ bɔtɔn ha wɛ mi na gba na-un,nyɔ Aklunɔ,wɛ bɔ ha wɛ gbɔjwɛ nɔtɔn ce na nɔ? 50 Alɔ ce mɛ ka blo onu ne lɛye kpokpo? 51 Mimɛ ota syɛntɔye,mi nɔ su oto do Mawu we ogbe,mi ka mɔ hun oji mitɔn lɛye ni-i gɛ,mi kpɔtɔ bo le tli oto na Gbigbɔ mimɛ xɔn. Onu na mye tɔye nyi, yi wɛ mye canye nyi. 52 Omɛ wɛ le ɖɔɖanyiɖɔtɔ lɛye mɛ wɛ ye ma do tagba na kpɔn gɛ? Ye hu omɛ xeni le ɖɔ dodonɔ lɔ we wiwa xɔn lɛye, omɛ xena mi sɔ hu, 53 mye xeni yi osin gbɔn wɛnzangun lɛye ji co, mi ma gɔ hɛn osin lɛye gɛ. 54 Xena ye se oxo e nɛ lɛye vɔ, ye dadi le ayixa yetɔn lɛye mɛ bo le ɖu aɖu kunkun do e go. 55 Vɔ, Ecyɛni, gɔ kpo gbigbɔ mimɛ kpo, bo kɔ okɔ bo kpɔn oji,bo mɔ gigo Mawutɔn wɛ Jesu flɔn anyi le aɖusi mɛ ni-i. 56 Wɛ e ɖɔ:E ɖiye,un mɔ sɛxwe hun,wɛ ovi gbɛtɔtɔn lɔ le ote le aɖusi mɛ na Mawu. 57 Wɛ ye do axwa ɖaxo do Etyɛni ji,bo le su oto yetɔn lɛye xɔn,wɛ ye mɛ sese kpo dli do e ji, 58 bo ɖe tɔn le oto lɔ mɛ,bo dun okpɛn do-e kaka wɛ e ku. Kunnuɖetɔ lɛye nɔ ɖe awu yetɔn lɛye bo nɔ sɔ do afɔnu na Solu. 59 Wɛ ye mɛ okpɛn do Etyɛni kaka e ku,e bo le xo oɖɛ bo le ɖɔ:Aklunɔ Jesu,yi gbigbɔ ce! 60 Odin e jɛ oklo,bo do axwa ɖaxo: Aklunɔ, nɔ kpɔn kpɔn ohwɛ yetɔn gɛ! Wɛ dogbɔn oxo enɛ lɛye go,e dɔ amlɔ.