¹ Enɛ go do pɔlu lɛ le atɛni bo sɔn yi korɛnti. ² E mɔ jwifu ɖe le flɛ wɛ e nɔ nyi aklilasi wɛ ye ji le pɔn ti eyɔ kpo asyɛ pisili kpo sɔn itali axɔlu klodu ɖɔ jwifu lɛ kpo ni bo tɔn le hlɔma wɛ pɔlu yi mɔ ye. ³ Xe na pɔlu kpo ye kpo nɔ wa zɔn lokpo lɛ pɔlu ci flɛn bo nɔ xa wa zɔn . ⁴ Le gbɔ jwɛ zangbe lɛ pɔlu nɔ yi ɖɔ xo le kplɔn xɔmɛ bo nɔ tɛnkpɔn kaka ye nɔ nyɔ xojo xo lɔ . ⁵ Xe si lasi kpo ti mo te kpo sɔn masedwoin pɔlu ze hwenu tɔn kpokpo bo nɔ do jla Mawu xo e nɔ ɖɔ na jwifu lɛ ɖɔ jesu bɛ bo nyi mesya . ⁶ Vɔ ye nɔ zun pɔlu wɛ o pɔlu hunhun awu etɔn bo ɖɔ nye te su wɛ na nyi afɔ klɛnnu na mi ɖe bɛ sɔn e gbe un ke sɔn yi mɛ xe ma jwifu gɛ lɛ de. ⁷ Pɔlu tɔn le odɛxwe gbe e sɔn yi dahwe ɖe bo nɔ nyi titusi jwuisiti dahwe lɔ nɔ sɛn Mawu we oxe etɔn sɛ kpɔ odɛ xwe lɔ gbe. ⁸ Krispwisi xe ni placɛ na oɖɛ xwe gbe lɔ ɖinu na Mawu eyɔ kpo omɛ etɔn lɛ kpo korɛntitɔ susu yi se bo hɔ ɖo to pɔlu we oxo ye bo yɔ do sin ota. ⁹ Ozan lokpo mɛ Mawu ɖe eyɔ ɖe xlɛ pɔlu bo ɖɔ nɔ kpɔ ɖi bu gɛ gblɔn bo gɔ ɖɔ xo a nɔ kpɔn bɔ nu gɛ. ¹⁰ O ɛɛ un le kpɔ xa we wɛ mɛ na jan wa onu nyinyla xa me gɛ le toxo xe mɛ omɛ susu nyi ce. ¹¹ Pɔlu ci korɛnti na oxwe lo kpo a dale bo kplɔn Mawu xo omɛ ye . ¹² Hwenu xe na galiyɔn nyi axɔlu hlɔma tɔn le akayi jwifu lɛ ma ogbe lokpo lɛ xa pɔlu gɛ bo hɛn ohwɛ nukɔn. ¹³ Wɛ ye ɖɔ dahwe xe nɔ dɔn omɛye wɛ ye nɔ sɛn Mawu ag a yɔ. ¹⁴ Pɔlu jlo na gbo dé go vɔ galiyɔn ɖɔ na ye ɖɔ agɔ jijɛ alo nu wa yi do ɖe ma le flɛn gɛ enɛ dɛnɛ na ɖo to oxo mi tɔn. ¹⁵ Vɔ nu onu mi le dɔn do xo gbe alo nyikɔ ɖɛ lɛ wutu kpo osɛnɛ tɔn lɛ wutu nyɛ jesu wɛ na kpɔ bo na ɖɔ nyɔ mɛ na ɖɔ ohwɛ en gɛ un gbɛ. ¹⁶ Galiyɔƥn nya ye tɔn le hwɛɖɔ sa. ¹⁷ Ye mɛ ɛ kpokpo zɔɔn sɔsitɛni xe le okplɔnzinkpe ji jwifu ye tɔn le hwenɛ bo jɛ xixo e ji hwɛɖɔxɔ lɔ ɔ nukɔn galiyɔn ka ma ye de gɛ . ¹⁸ Pɔlu nɔ korɛnti na zan susu enɛ godo e jo yisenɔ lɛ do e do tɔ ji hun do yi siri eyɔ kpo prisili kpo akilasi kpo. vɔ pɔlu xwlɛ ola ke hwɛkpo do e do akpa gbe etɔn. ¹⁹ Ye wa efɛti we pɔlu jo prisili kpo akilasi kpo do flɛn bo sɔn yi oɖɛ xɔ mɛ bo do yi dɔ xo xa jwifu . ²⁰ Jwifu ye kɛn se ɖɔ gɔ nɔ kpɔ xa mi vɔ pɔ lu ma jlo gɛ. ²¹ Hwenu pɔlu le jo ye do e ɖɔ my bo na gɔ lɛ kɔ wa kpɔn ni e jlo . ²² Pɔlu yi se ta re bo gbɔn flɛn bo do yi je jelutalɛmu wɛ enyi do gbe na agun lɔ enɛ godo e lɛkɔ sɔn yi antiyɔ ci. ²³ E nɔ anti yɔni na azan kpɛɖe bo gɔ wa gbɔn galati fliji we toxo mɛ bo do do gagla namɛ na yi sɛnɔ lɛ . ²⁴ Jwifu le sɔn lɛsandli bo nɔ nyi apolosi wɛ e wa ɛfɛzi gbɛ tɔ ɖe wɛ nyi bo se wé ma. ²⁵ Apolosi yi okpɔn Mawu tɔn bo nɔ ɖɔ jesu we oxo kpo hɔnhlɔn kpo oxo e le ɖɔ do jesu go lɔ sɔ gbe de ji pɛpɛpɛ vɔ jan we osindota kɛɖɛ wɛ e nyɔ. ²⁶ E jɛ oxo ɖɔ ji le goxɔ lɔ mɛ kpo nuɖiɖi kpo xe plisili kpo aklisi ye dwɛn bo gɔɔ xlɛ Mawu we omɔ lɔ tesu wi. ²⁷ Xe na apoposi le jlo na yi akayi nɔvinɔ lɛ wlan nu ɖe ji bo ɖɔ na korɛnti tye ɖɔ ye ni bo yi jonɔ etɔn gan ji xe e jɛ flɛn e gɔ alɔ na yisenɔ lɛ . ²⁸ Ɖo e nɔ gbɛ nu na jwifu ye bo nɔ ɖɔ jesu bɛ bo nyi mesi ya.