¹ Le hwenu lokpo lɔ, axɔlu Erodu nɔ da ya na yisenɔ lɛ. ² E zé ohwi bo do kwu jaki, Jan nɔvyɛ. ³ Xe Erodu mɔ ɖɔ e bo nyɔ le Jwifunu ye we nukun mɛ, e wle Piyɛ Owɔ xwuwxu zangbe wɛ. ⁴ Xe ye wle Piye ye swi ɖo gankpamɛ bo zɛ sɔja ɛnɛ wɛ ye na dó cɔ́ piyɛ. ye jlo na da hwe ni le hwenu ye na ɖu owɔ xwuwu we oxwe godo. ⁵ Sɔja lɛ le cɔ́ Piye le gankpamɛ, vɔ yisenɔ lɛ le xoɖɛ magbokɔ ɖó ta etɔn mɛ. ⁶ Erodu jló na da& hwe ná Piyɛ togun lɔ nukɔn. Vɔ Piyɛ le da mlɔ le zanmɛ le sɔja awe cɛncɛnmɛ. Ye blɛ kpodo caba awe kpo, we sɔja awe le ohɔnji bo do le cɔ' ɛ ⁷ Zɔnlokpo, wɛnzangun Mawu tɔn wá, weziza le klén le gankpalɔ mɛ. Wenzangun kɔ kpo Piyɛ bo fwen bo ɖɔ : "Cite blé un ! we caha lɛ gbá le alɔ na Piyɛ. ⁸ Wɛnzangun lɔ do ni ɖɔ : Sin okan tɔwe ɖo alin bo do fɔkpa tɔ wé Piye blo ɖe ji we wɛnzangun lɔ gɔ ɖɔ ni dɔ : do awu tɔwe lɛ abo xodo'un. ⁹ Piyɛ tɔn le gankpamɛ bo xo do wenzangun lɔ vɔ, e bwi ɖɔ odrɔ wɛ nye le ku sin. ¹⁰ Piyɛ kpo wenzangun lɔ kpo gbɔn nukɔn na sɔja titan tɔ le kpodo aweyɔ lɛ kpo. Ye jɛ hɔntogbo ogannɔ xe na d yetɔn lɔji, wɛ hɔntogbo lɔ tesu hun wɛ ye tɔn bo jɛ mɔji wɛ wenzangun lɔ jo Piyɛdo : ¹¹ Piye wa mɔ nuxe ni jɔ lɔ bo dɔ : Odin un mɔ ɖɔ xojɔxo be Mawu ze wɛnzangun etɔn do xlan wɛe ɖe sɛ le alɔme ná Erodu bo hwlɛn"un gan le vivɛ xe na Jwifu ye Jan dona'un mɛ. ¹² Xe Piye mɔ du ná nuxɛ jɔ lɔ, ɛ yi Mali jan xe ye nɔ gɔ ylɔ ɖɔ Maki, onɔ we xwegbe. We yisenɔ susu kple ɖo flɛn bo do le xoɖe. ¹³ Piyɛ xwuxwu ohɔn, wɛ mɛsɛntɔ nyɔnu xe ye nɔ ylɔ ɖɔ ¹⁴ Roɖɛ wa bo ná dó hun hɔn ni. Rodɛ nyɔ Piye we ogbe wi, we, e ɖyɛ awajijɛmɛ, bo dó wezun sɔn hɔntogbo lɔ ji bo yi oxó lɔ ná mɛɖye lɛ. ¹⁵ Meɖye lɛ ɖɔ ni ɖɔ : A má ɖo tamɛ , vɔ nyɔnu lɔ gɔ ɖɔ Piye bɛ we ye ɖɔ ni ɖɔ, be awegɔ Piye tɔn bɛ ebo na nyi. ¹⁶ Piyɛ gbɛ le xwuxwu hɔ ntogbo lɔ wɛ ye yi hun ohɔn lɔ bo mwɛ, we ɛ kpaca ye. E blo alɔ na ye ɖɔ ye ni bo nɔ anu no ɖɔ ɖena Aklunɔ ɖe- e tɔn- ɛ le ogankpamɛ ɖo na ye. ¹⁷ E bo gɔ ɖɔ :«Midɔ ɛ na jaki kpodo nɔyi yisenɔ gbokpwe lɛye. E nɛ gbodok e tɔn bosɔn yi ofi bu ¹⁸ Xe ayihɔn sɔja lɛ ci payi-payi me, ɖo ye ma mɔ piyɛ gɛ. ¹⁹ Erodu din Piye gbɔn fi kpokpo, vɔ yema mwɛ́ gɛ. Ene gado, Erodu lɛ le Juide, bo yi ci sezarna hwenu nɛmu le. ²⁰ Erodu sin xome ɖo titɔye kpodo sidɔnttɔye ye lɛ ká do ogbe kpɔ́ bo trɔ́ hadwe xá mɛcɔtɔ Erodu tɔn blasi tusi , bo yi mɔ'ɛ nú dó bló fifa. Ɖo nuɖuɖu xe ti kpo sidɔn kpo nɔ ɖu sɔn Erodu we ɖomɛ. ²¹ Ye zé azan le. Le azan lɔ gbe Erodu dóawu etɔn axɔlu tɔn lɔ wɛ e flɔn tinkpwe ji bo wle oxo le nukɔn ná togun lɔ. ²² Omɛye ye dá xwa bo dɔ : " Gbɛtɔ mɛ le ɖɔvó ɔn gɛ vɔ Mawu wɛ. ²³ Vɔ le ganxixo lɔ mɛ wenzangun Mawu tɔn xó Erodu ɖó e jan yi Mawu we tɛn mɛ.Wɛ ovɔn le ɖwo, wɛ e ku. ²⁴ Mawu xo lɔ gɔ gbakpé bú. ²⁵ Banabasi kpo sɔlu fó otɔnxe gbe ye tɔn lɔ le Jeluzalɛmu ye sɔ́n , bo ka dɔn Jan xe ye nɔ ylɔ ɖɔ Maki.