¹ Ogbe nɛ gbe na ye hu Etyɛni, omɛ lɛye jɛ oya do na agun Jesu tɔn xeni le Jeluzalɛmu lɔ ji, wɛ ye gba omɛ lɛye le Jude kpodo Samali kpo ji. Omɛ ɖedoxlan lɛye jan wɛ ma si gɛ. ² Omɛ xe ye nɔ xwedo Mawu we osɛn lɛye ɖe wa sɔ Etyɛni we ocɔ xɔ yi ɖi, bo vi avi taŋu. ³ Solu, e yɔ nɔ le do ogan a va agun Jesu lɔ su do, bo nɔ gbɔn oxwegbe-xwegbe a bo bɛ sunnu kpo nyɔnnusi lɛye kpo do ogankpamɛ. ⁴ Omɛ xeni oo gbado lɛye, ye jɛ filɛ-filɛye gbigbɔn ji bo do le jla owɛndagbe lɔ xɔn. ⁵ Filipu, wa wa bo jla Klisi lɔ we oxo lɔ. ⁶ Otoxo lɔ kpokpo lɛye le ɖo oto oxo xena Filipu le ɖɔ xɔn kpo onu jiwu lɛye kpo. ⁷ Wɛ gbigbɔ mawe susu tɔn le omɛ susu we gbɛzan mɛ kpo axwa kpo wɛ afɔ kponɔ lɛye kpo sɛkunɔ lɛye mɔ azɔn win gbɔ. ⁸ Wɛ aya jijwɛ ɖaxo ɖe le otoxo lɔ mɛ. ⁹ Simɔ xeni le oto lɔ mɛ osan, omɛ nukun ɖeji ɖe wɛ e nɔ blo majiki, bo hɛn onu kpaca wa otogun lɔ kpokpo we gbɛzanmɛ le Samali we otoxo lɔ mɛ. ¹⁰ Bɛsɔn vikpɛvu lɛye ji kaka do wa jɛ omɛxo lɛye ji wɛ nɔ ɖo oto oxo etɔn lɛye bo nɔ ɖɔ: Omɛ xe wɛ ɖo hɔnhlɔn Mawutɔn xeni nɔ nyi omɛ ɖaxo lɔ. ¹¹ Ye nɔ ɖo oto-e taŋu ɖo e nɔ jlɛ onu kpodo majiki etɔn kpo. ¹² Vɔ, hwexenu na e ɖo onuɖiɖi na Filipu, xeni wa jla owɛnɖagbe axɔluta Mawutɔn le nyikɔ Jesu Klisi tɔn mɛ, sunu kpodo nyɔnnusi lɛye kpo do osin ota. ¹³ Simɔ majiki blo tɔ lɔ can ɖi onu na oxo Filipu tɔn, wɛ ye do osin ota ni-i, wɛ e ma gɔ lɛ le Filipu de gɛ ɖo Filipu le wa onu jiwu kpo Mawu we oxo lɔ kpo. ¹⁴ Omɛ ɖeɖowlan xeni le Jeluzalɛmu lɛye, ye se ɖɔ Samali we otoxo lɔ bo yi owɛnɖagbe Mawutɔn, bo sɔ Piyɛ kpo Jaan kpo sɔ xɔ ɖoxlan ye. ¹⁵ Hwexenu na ye wa otoxo samali tɔn lɔ mɛ, ye xo oɖɛ na ye na gbigbɔ mimɛ ni do wa ye ji. ¹⁶ Ɖo ye ma o yi gbigbɔ mimɛ gɛ wutu, osin jan wɛ ye do ota na ye le Aklunɔ Jesu we nyikɔ mɛ. ¹⁷ E nɛ Piyɛ kpo Jaan kpo da alɔ ota na ye wɛ ye yi gbigbɔ mimɛ. ¹⁸ Xena Simɔ mɔ ɖɔ alɔ do ota na omɛ Piyɛ kpo Jaan tɔn kpo wɛ gbigbɔ mimɛ jɛ omɛ lɛye ji, Simɔ le na ye kɔbɔ bo na do xɔ hɔnhlɔn Mawu tɔn, ¹⁹ bo ɖɔ: Mi sa hɔnhlɔn nɛ lɔ na nyɔn can gba na un do alɔ ota na omɛ ɖe, omɛ lɔ na mɔ gbigbɔ Mawutɔn. ²⁰ Vɔ, Piyɛ ka ɖɔ ni-i ɖɔ: Hɛn kɔbɔ tɔwe go kaka ni a yɔn le di we, ɖo aɖi onu ɖɔ ye bo nɔ xɔ Mawu we oxo kpo kɔbɔ kpo! ²¹ ɖo ayixa tɔwe ma mɛ le Mawu we nukɔn gɛ wutu, a ma sɛkpɔ onu wiwa Mawutɔn gɛ. ²² Odin bo lɛvɔ jɔ, a bo xo oɖɛ na ayixa tɔwe ni mɔ ohwɛ sɔ kɛ; ²³ ɖo a gbɛ le okan ohwɛ huhu tɔn lɔ mɛ. ²⁴ Simɔ yi ogbe ni-i ɖɔ: Mi xo oɖɛ na-un na onu xeni tɔn le onu mitɔn mɛ ni nɔ kpo nyi nudo le ogbɛ ceji gɛ. ²⁵ Xena ye ɖe kunu na oxo Mawu tɔn lɔ vɔ, kpo Mawu xo ɖiɖɔ lɔ vɔ, Piyɛ kpo Jaan kpo lɛkɔ wa yi Jeluzalɛmu, bo do wa yi la owɛnɖagbe lɔ gbɔn Samali we otoxo susu mɛ. ²⁶ Wɛnzangun Mawutɔn ɖe wa do owɛn na Filipu ɖɔ: Ci ote, a bo yi afɔligbe xeni yi wa yi Jeluzalɛmu le Gaza xe mɛ na ogbe tlo-tlo ɖe. ²⁷ Wɛ e ci ote, bo sɔn. O ɖye, Etiopinu lokpo bo nyi axɔlu zɔn watɔ bo nɔ kpe nukun do dɔkunnu Kandasi tɔn lɛye go xeni nyi axɔsi Etiopi tɔn, nɔ wa sɛn Mawu le Jeluzalɛmu ²⁸ bo ka gɔ lɛkɔ, do le xlɛ oxo le wema ɖɔɖanyiɖɔtɔ Esayi tɔn le osɔhun etɔn mɛ. ²⁹ Gbigbɔ Mawutɔn do owɛn na Filipu ɖɔ: Yi nukɔn bo sɛkpɔ osɔhun e xe. ³⁰ Filipu do wezun bo yi mɔ Etiopinu lɔ le xlɛ wema ɖɔɖanyiɖɔtɔ Esai tɔn xɔn. Filipu kan oxo wi se ɖɔ: Be a ka mɔ odo na onu xena a le xlɛ xɔn din? ³¹ Wɛ e yi ogbe ni-i ɖɔ: Na ɖe wɛ na mɔ nukun jɛ e go ɖo na omɛ tika ma tin e mɛ na-un gɛ? Wɛ Filipu ɖyɛ osɔhunlɔ mɛ bo flɔn anyi. ³² Ofi xena Etiopinu lɔ le xlɛ xɔn wɛ nyi: Ye ze wɛ e ciɖi kanlin xena ye jo na yi hu ha, kanlin onu ma kɛnɔ ha, ma hun onu do ɖɔ oxo ɖe. ³³ Omɛ ɖe sɔ hwe etɔn wɛzɔn ye da ohwɛ ni-i bo xo-e. Mɛ na wa ɖɔ jijimɛvi e nɛ lɛye ye oxo? Wɛ ye hun-i sɛ le anyizan lɔ ji. ³⁴ Etiopinu lɔ ɖɔ na Filipu ɖɔ: Kɛklɛn omɛ xo wɛ ɖɔɖanyiɖɔtɔ Esai le ɖɔ xɔn? E ma nyi e yɔ ɖe xo wɛ e le ɖɔ xɔn, alo omɛ bu? ³⁵ Odin Filipu wa hun onu bo ɖɔ onu wiwlan xe we akpa xwe xe ni-i, bo do le la wɛnɖagbe Jesu tɔn ni-i xɔn. ³⁶ Xena ye gbɛ le omɔ lɔ ji, ye wa yi jɛ otɔ to. Wɛ Etiopi nu lɔ ɖɔ: Osin ɖye, a ni wɛ na gɔ glɔn omɔ na-un na osin do ota? ³⁷ Filipu bo ɖɔ: Na aɖi onu kpo ayixa tɔwe sese kpo, e na nyi biblo. Etiopinu lɔ ka ɖɔ: Un ɖi onu ɖɔ Jesu Klisi bɛ bo nyi Mawu we vi. ³⁸ Kpoŋu; ye ɖo osɔ hun lɔ te, wɛ Filipu kpo Etiopinu lɔ kpo jɛ ote do otɔ lɔ mɛ wɛ Filipu do osin ota ni-i. ³⁹ Xena ye omɛ awe lɛye tɔn sɔn otɔ lɔ mɛ, gbigbɔ Mawutɔn kɔ Filipu, wɛ Etiopinu lɔ ma gɔ mɔ-ɛ gɛ. Kpodo ayajijwɛ kpo e sɔ osɔhun etɔn bo sɔn, ⁴⁰ Filipu gɔ wa mɔ eɖe le azoti, kaka bo do wa yi Sezale, bo do le la wɛnɖagbe lɔ gbɔn otoxo ɖe kpekpe mɛ.