¹ Nyɔ aguumɛxo wɛ le wlan wema xe ɖoxlan nyɔnu xena Mawu can xɔn. ƴɔ kpovikpɛ tɔwe lɛyekpo we un le wlau wema lɔ ɖoxlan xɔn. Le oxe jɔ xo mɛ, un yi owan na mi, ka ma nyi nyo lokponɔ mɛ gɛ, vɔ omɛ kpokpo xeni nyɔ oxojɔxo lɔ wɛ nyi owanna mi. ² Ɖo oxo jɔxo lɔ le mimɛ, bo na gɔ nɔ gbɔɔn do mavɔmavɔ. ³ Mawu otɔ lɔ kpo ovyɛ Jesu Klisi we ƒɛnu, dɔnudunu kpinkpɔn naomɛ kpo ƒiƒa, na mi le oxojɔxo kpo owanyiyi mɛ. ⁴ Xena un mɔ vikpɛ tɔwe ɖe lɛye le zɔn gbɔn oxo jɔxo lɔ mɛ xɔn ɖi ena Mawu otɔ lo we osɛn ɖɔ ɖo na mi ha, oji jɔ-un tayu. ⁵ Nyɔnu, odin onu xena un le byɔ we xɔn, e dye : Mi a yi owau na miɖe, e nɛ lɔ, e ma nyi osɛn yɔyɔ wɛ un do le wlan ɖoxlan we xɔn gɛ, vɔ osɛn xena mi o yi sɔn hwexe nu na mi yise gbɔɔn we. ⁶ Owauyiyi lɔ wɛ nɛ nyi ɖɔ mi a blo onu do esɛn etɔn lɛye ji. Osɛn e nɛ lɛye ji wɛ mi na zɔn do, di ɖena mi o se do sɔn hwexnu gbɔɔn na mi yise ɖo ha. ⁷ Omɛblɛɖutɔ susu gbakpe gbɔn ogbɛ lɔ mɛ, ye mɔ nɔ yi ogbɛ dɔ Jesu Klisi bo zɔn agbaza mɛ do wagɛ. Omɛ le mɔhatɔn, om€blɛɖutɔ we, bo nyi kɛntɔ na klisi. ⁸ Mi cɔ miɖe, e nɛ mi ma gɔ do le bu ozɔn xenami wa we ale xɔn gɛ, vɔ na mi a do yi ale mitɔn lɛye sese. ⁹ Omɛɖekpokpwe xe ma le klissi we okplan mɛ gɛ, vɔ bo gbɛ-ɛ tɔn, e ma ɖo Mawu gɛ, vɔ omɛ xeninɔ okplan nɛ lɔ mɛ, e do Mawu otɔ lɔ, bo ɖo ovi lɔ. ¹⁰ Na omeɖe wa mi de, be ma hɛu okplan e nɛ lɔ do wa gɛ, mi nɔ kpɔn yi-i do oxwegbe gbɔɔn a bo ɖo do ogbe tesu ni-i gɛ. ¹¹ Ɖo omɛ xeni do ogbe ni-i ɖo mima le ozɔn nyinyla etɔn mɛ. ¹² Onu susu le wɛ un hɛn na ɖɔ na mi, vɔ un ma jlo bo na wlan ye do wema ji kpo onuwlan tin kpo gɛ; un le ɖo mide wiwa xɔn bo na do wa dɔ ye na mi le nukun mɛ kpikpe mɛ, e nɛ ojijwɛ mitɔn na do kpɛgan. ¹³ Anɔwevi nyɔnusi xena Mawu can we vikpeye ɖo ogbe ɖoxlan we.