¹ Blɔ Polu, ke nyi ogantɔ Klisu tɔn kpo nɔvi timɔte, na filemɔ ke nyi hwanyi miatɔn kpo odangbɛ miatɔn can, ² Afya mianɔvyɔ nyɔŋusi, Acipu ahwangbɛ miatɔn kpo agun ke nɔ kple le oxwe tɔwegbeye. ³ Na ɛfɛnu kpo fifa ke sɔn Mawu miatɔ kpo xwetɔ Yesu Klisu de anɔ kpodo mi. ⁴ Ko nɔ do ɛkpɛ na Mawu tɛye tɛgbɛ. Ko nɔ flyi we le ɛɖɛ tɛye-e mɛ. ⁵ Ko se wanyinyi kpodo xɔse ke oɖo na xwetɔ yesu kpo xcsetɔye. ⁶ Ko xo ɛɖɛ nɔtun, ɖokpo wiwasi xɔse tɔwe tɔn ni yi ŋukɔn na miado nyɔ onu jijɔhunye ke le dodomɛ na mi le Klisu mɛ. ⁷ ƉO ko kpɔn jijwɛ susu kpo akɔn fifa kpodo onu wu tɛdogbɔn wanyiyiyi tɔwe wu, ɖo xɔsetɔye we oji mɔ kpɔn fifa gbɔn jiwe, nɔviye. ⁸ Ko nyɔ-ɛ tun le klisu me, ko ɖo acɛ na lɔ onu ke ona wasi nawe, ⁹ amɔ do gbɔn wanyiyi mɛ, ko byɔ we tun i mɔ wasi kegbɔnvo sese. Blɔ, Polu, nyɔxonɔ ke le gankpamɛ do Yesu Klisu wu. ¹⁰ Ko byɔ we nɔ do ovi tɛye ŋusunglo Onɛzimu ke ko ji le hwekenu ko le gankpa mɛ we ota. ¹¹ ƉO e hɔn nyi onuti nawe san, vɔ syɛ nyi onu zɛnzan adodwe na blo kpo i kpo. ¹² Ko trɔkɔ ni sɔ ɖodan we, elɔ ke nɔ vɛ na sɔn oji tɛye mɛ. ¹³ Ejlo ganji tun maci eji, na i a do wa odan na-a do i we domɛ, le gankpamɛ ke kole do ɛwɛn onywɛ lɔ wu. ¹⁴ Vɔ kɔn jlo onuti, enyi hɔn yigbe na. kɔn jlo tun onunyɛ wiwa tɔweye ni nyi tun ye zindo jiwe gbɔxwe, vɔdo gbɔn ojlo nywɛ mɛ. ¹⁵ Tanyɔn exi wɛ dɔn ye do ɖe tɛ do yi didɛn nu le wu we san na hwenuɖe, exi, omɔ do va kpwɛn nɔ tɛgbɛ. ¹⁶ Ehɔn mɔ nyi kamumyɔ kpoŋu na we, vɔ emɔ zun nɔvi vivɛ nawe, e nyi ɛmɛ vivɛ ɖe na-a, bo ɖo na vɛ na lɔ, hu blɔ ɖo kannumyɔ we wɛ enyi, bo mɔ nyi nɔvwe le xwetɔ lɔ mɛ. Ko nyi wan ni dyi, e bo. ¹⁷ Na oywu ɖi hwannyi tɔ we ha, bo yi ɖi bwete ha. ¹⁸ E nyi e o wa onu nyinyla ɖe a lɔ e ɖu onu ɖe we axɔ do we, lɛndo okɔ na-a. ¹⁹ Blɔ, Polu wlan nuke nuke kpo alɔ tɛye kpo ko na tu axɔ lɔ wu we. ko hɔn kpe wu na lɔ na we tun ɛgbɛ tɔ we tete we axɔ mɛ yi mɔ ɖu do. ²⁰ Ɛn, nɔvye, wasi ɛfenu ɖokpo ke lɔ le xwetɔ lɔ mɛ oji tɛye ajɛ emɛ le Klisu mɛ. ²¹ Ko wlan onu ke na we nɔ do gbɔn kandeji do tonusise tɔwe wu. ko nywɛ tu ona wasi hugan hu ke ko byɔ we. ²² Zɔnɖokpo, jla oxɔ ɖokpo mɛ ɖo na, ɖo ko kando eji, tun ye na dyotɔn gbɔn ɛɖɛ xixo miatɔnye mɛ. ²³ Epaflasi ke kpo bo kpo le gankpamɛ do Jesu Klisu wu, do ogbe na we nɔ, ²⁴ Maki, Alisitaki, Demasi kpo Lwiki ke nyi odangbɛ tɛyɛ can. ²⁵ Na ɛfɛnu xwetɔ miatɔ Yesu Klisu tɔn ni nɔ kpo gbigbo miatɔnye. Ami.