¹ Le azan xin lɛye mɛ gbɛtɔ susu gbagbagba mɔ va kpleke nu ke ye na du ko le yesu bo yɔ onukplanvi et tɔnye bo lɔ na ye lɔ tun . ² Ɛmɛ kiye we du adɔnu na a ɖo sɔn onyihinhɔn atɔnɔ gbɔɔn xɛn ye le kɔn ye ye ko ɖo onu ke na hye na du. ³ Na ko de gbe nu ye byo ye mɔ ɔ sin ye xwe xovɛ xovɛ gbɔfan na ve xo ye le mɔ ji do ɛmɛ ɖe ye sɔn dind dyɔnnɔ le ye mɛ . ⁴ Onykplanvi etɔnye bo lɔ ni i lɔ tun byo fye lɛ mi na kpɔn nududu xɔ le na ɛmɛ dodood xin ye le gbefaaji bwɛ gbɔɔn ye mɔ gɔ gomi . ⁵ Yesu bo kan ye se tun byo kpɔnnɔ nɛmu lɛ mi ɖo ye bo byo acome . ⁶ Iwɛ e ɖe gbena ɛmɛ lɛye byo ye mɔɔ xin nɛ nyi le nyi dan mɛ e bo yi kpɔnnɔ acowe lɛɛ ye ke e do ɛkpɛ na Mawu do ye ji vɔ e ma ye na onukplanvi etɔnye byo yee mɔ ve ma ɛ na ɛmɛ lɛye ye bo ve ma ɛ na ye. ⁷ Ohwe vivi deye can bo le ye si yesu do bo ɛkpɛ na Mawu do ye ji bo lɔ onukplanvi etɔnye byo ye mɔɔ ve ma ye can. ⁸ Ye ɖu gomi do gɔ ye ye bo bɛ hbokpa e ke drɔn e bo gɔ jaxwui acowe ke ye hɔn ɖu. ⁹ Ɛmɛ lɛ ye na yi akpo ɛnɛ (4000) emɔha e xin godo yesu degbe na ye byo ye mɔɔ sɔn. ¹⁰ Zɔnɖokpoe ɖyɛ otɔji hun mɛ kpo onukplanvi etɔnye bo sin dalumanuta we kansinmɛ. ¹¹ Falizitɔye va yesu kɔn bo xin onu dindɔn kpo e a do omɔ ni i ye lɔ ni i. byo ni mɔɔ de xlɛ gbɔn ŋudandonu wiwamɛ na hi ye amɔ do nyɔ ɛ byo Mawu mɛ mɔ ɖo e ɖodan. ¹² Yesu bo gbɔfuun bo lɔ byo ŋunɛ jɔ na jijimɛ vi ke do ba josi nɔ na kpɔn ko lɔ na mi nɔ le xojɔ xo mɛ byo ŋudandonu ti mɔ hɔn na nyi wiwa na jijimɛvi ke. ¹³ Ke e lɛ ye kɔn e mɔ dyɛ otɔjihun mɛ sin ago dyɔ lɔ ji. ¹⁴ Onukplanvi lɛ ye wɔnkpɔnnɔ hinhɛn ɖokpo gee jɛn wɛ le ye si le otɔjihun lɔ mɛ. ¹⁵ Yesu o gbɛ onuna ye nɔ bo lɔ na ye lɔ byo mi ɖo ayi te mi cɔ mia ɖe nywɛde do kpɔnɔ tinkɛn falizitɔye tɔ n kpo elodutɔnɔ kpo wu. ¹⁶ Ye bo xin onu dindɔn le ye ɖe mɛ ɖo ye hɔn hɛn kpɔnnɔ. ¹⁷ Yesu bo kpɔn nu jɛ ewu bo kan ye se tun byo ŋunɛ wana mi do dɔn nu nɔ do kpɔnnɔ

kena mi hnɔ hɛn lɔ wu mi hɔn wle xo lɔ gbɔɔn do se egɔnmɛ hɔn ɖyo wɛɛ oji wɛ tri na mi.

¹⁸ Mi do ŋukunsinye vɔ mi ko kpɔnnu nɔ wɛɛ otoye le miasi mi ko se mi hɔnɔ . nu nɔ wɛɛ mi hɔn nɔ flinu wɛɛ . ¹⁹ Ke ko ma kpɔnnɔ atun lɛye na gbɛtɔ akpo atun (5000) lɛye taxwi nɛmu lɛ kpɛnnɔ ke drɔn na ye hɔn du lɛ ye gɔ mi ba bɛ. ye byo weve. ²⁰ Hwekenu na ko ma kpɔnnɔ acowe na gbɛtɔ akpo ɛnɛ (40.000) jaxwi nɛmu lɛ kpɔnnɔ ke drɔn na ɛmɛ ye hɔn ɖu lɛ ye gɔ mi bo bɛ ye byo acowe. ²¹ E bo lɔ na ye lɔ byo mi hɔn se egɔnmɛ wɛɛ. ²² Yesu kpo onukplanvi etɔɔnye ve jɛ betisayida ɛmɛye bo hɛn ŋuvanɔ ɖe va ni i ye bo de kukuni i nɔ byo ni mɔɔ ɖo alɔ ɔ ewu. ²³ Yesu bo hɛn alɔ na ŋuvanɔlɔ bo kplɔ ɛ gbɔɔ do sin oto lɔ gudo bo si otan do ŋukun sinye ji ni i bo kan ɛ se tun byo okpɔn nu de nɔ. ²⁴ E bo hun ŋukun sinye bo lɔ tun byo ko kpɔn ɛmɛ ye nɔ nɔ di otin ye wɛ ɛo zɔɔn zɔnlin nɔ ha . ²⁵ Yesu mɔ ɖo alɔ ŋukunsin lɛ ye ji ni i ke e bo xwi onu kpinkpɔn nywɛ ɖe adɔn etɔn bo gɔ e bo kpɔn nu nɔ ceɖe ceɖe . ²⁶ Yesu ɖe gbe ni i byo ni mɔ ɔ sin oxwe etɔn gbe bo lɔ ni i tun byo ko mɔ ɖyɛ oto lɔ mɛ. ²⁷ Yesu kpo anukplanvi etɔn ye sin oto ke tɛkpɔ sezale filitɔnye mɛ hwekenu na ye le mɔ ji e kan anukplanvi lɛ ye se tun byo bo mɔ nyi. ²⁸ Ye bo ɖo e wu ni i tun byo i mɔ nyi jan Mawu sin lɛna ɛmɛtɔ ɛmɛɖe mɔ byo eli mɛ imɔ nyi ɛmɛ buye mɔ byo ɛmɛ bu ye lɔ byo i mɔ nyi ɛmɛ dokpo le xolɔ ɖo nyi tɔ ye mɛ . ²⁹ Vɔ yesu bo kan ye se tun byo mi ye ɖe ɛmɛ nɛ lɛ mi nɔ lɔ tun bo mɔ nyi Piyɛ yi oxo bo ɖo e wu ni i byo i wɛ nyi klisu lɔ . ³⁰ Iwɛ yesu gbɛ na ye ti teŋu gbetɔn tun ye ɔɔ ka lɔ oxo xin lɔ na ɛmɛ ɖe. ³¹ E xin godo yesu jɛ onukpinkplan ye ji tun ɛgbɛtɔ we ovi lɔ ɖo na ɖu aya susu otomɛhyɔn ye Mawu

we avɔsantɔ ɖaxo ye kpo onukplan ɛmɛ tɔ ye mɔ na gbɛ ɛ ɛmɛye na hu i onyihinhɔn atɔngɔ gbe etɔn e mɔ fɔn sɔn oku.

³² E lɔ ɛ na ye le agbaŋugba Piyɛ bo xo do e jɛ zɔ ga bo jɛ gbigbɛ ni i ji. ³³ Vɔ yesu trɔ bo kpɔn onukplanvi gbokpweye bo gbɛ na piyɛ tite ŋugbetɔn bo lɔ ni i byo tɛ yi le wu ye satana o bo gblɔn le ɛtɛ na a ɖo susu tɔ weye hɔn sɔgbe kpo Mawu tɔn ye vɔ gbɛtɛye tɔn wɛ . ³⁴ Exin go do yesu yɔ ɛmɛ susu lɛye bo lɔ na yee kpodo onukplanvi etɔn ye tun byo na ɛmɛ ɖe jlo na kplɔ-ɔ do e ɖo nagbɛ onu le eɖe wu a bo kɔ otin sogagban etɔn a bo kplɔ ɔ . ³⁵ Do ɛmɛ ɖekpokpwe ke jlo na hwlɛn ɛgbɛɛ etɔn gan na bu i ɛmɛ ɖekpokpwe ke na bu ɛgbɛ etɔn do blɔ kpo do ɛwɛn nywɛ lɔ wu na hlwɛn ɛ gan ɛ. ³⁶ Na ɛmɛ ɖe ɖo ɛgbɛ mɛ bwɛ we dɔkun nu ye bi seŋu vɔ e bo bu ɛgbɛ etɔn ale enɛha lɛ e nyi ni i. ³⁷ Ŋunɛ gbɛtɔ kpewu na na a do tu axɔ na ɛgbɛ etɔn . ³⁸ Na ŋunya wa ɛmɛɖo do bo kpo oxo tɛyee wu le jiji mɛ vi kiye do godo do Mawu bo nyi nyi nyla kiye mɛ ŋunya na wa gbɛtɔ we ovi lɔ can do i can le hwe kenu na gbɛtɔ we ovi lɔ na va le Mawu otɔ we gigo mɛ kpodo Mawu we ɛmɛɛdotɔ kin kwɛnye.