¹ Yesu mɔ bɛ jɛ onu kplan ɛmɛ ji le otɔto ɛmɛ susu gbagbagba bu lɛ do e e bo gbɔjwɛ ɖyɛ otɔ ji hun ɖe mɛ le otɔ lɔ to. ² Ekplan onu susu wu ye dogbɔn olodidomɛ bo lɔ na ye nɔ le onukpinkplan etɔn mɛ nɔ lɔ byo. ³ Mi do to onuxwatɔ ɖe tɔn a do bva yi xwa onu. ⁴ Iwɛ hwekenu na e xwa onu lɔ nɔ onukun ɖeye flɛ jɛ amɔto oxɛye bo va bo can ye ɖu seŋu. ⁵ Onukun ɖeye bo va yi jɛ ɛ kpɛ nye mɛ le ofi kena okɔ susu ɖe nɔn le ye wawu wu do okɔ hɔn vi ogun le fi lɔ. ⁶ Ke ohwe hun ye fyɔ bo xu do ye nɔn ɖi okyɔn ny wɛɖe. ⁷ Nukun lɛye we akpa bu jɛ ɛŋujaye mɛ ɛŋuja lɛ ye vun bo to gbigbɔ do xo na ye ye ko syɛn okunti. ⁸ Vɔ onukun ɖeye jɛ nyi dan nywɛɛ ji ye wu bo hwɛn nɔ onukun ɖe syɛn okun ogban de bo syɛn kanɖeko. bu bo syɛn kanweko. ⁹ E xin godo e bo lɔ na ye byo ɛmɛ ke ɖo oto oda se nu ni . ¹⁰ Ke Yesu va yi jɛ ovo ɛmɛ ke lɛdo e ye kpodo onukplanvi weve lɛye kpo bo xin oxo kinkan ɛ se do olo ke e do lɛye wu. ¹¹ E bo lɔ na ye lɔ byo mi ye wɛ ye sɔ Mawu we onumakpɔndona sɔ na vɔ ɛmɛ gbo kpweye olodidoye mɛ jɛn wɛ ye na nɔɔ se le. ¹² E xin ŋukunsin mɔ le te nu ye ganke ye kopɔn onu ti nɔ oto na le ye si ganke ye ke se nu ti gɔn mɛ nɔ idɛn hwɛn ye na gbo va trɔ mawu mɔ va sɔ onu nyilnya yetɔnye sɔ kɛ ye. ¹³ Iwɛ yesu lɔ na ye lɔ byo mi hɔn se olodido xin lɔ gɔnmɛ wɛɛ . ¹⁴ Onu kena nuxwatɔ lɔ xwa nɔ Mawu xo wɛ. ¹⁵ Ɛmɛɖeye le di omɔto ha ke ye se oxo lɔ satanna mɔ va zɔnɖokpo amɔ can oxo kena ye xwa do ye mɛ lɔ tɛ. ¹⁶ Emɔ ha ke ɛmɛ ɖeye nɔ yi oxo lɔ do ɛkpɛnye e mɛ ye wɛ nyi ɛmɛ ke nɔ se oxo lɔ amɔ yi i kpodo jijiwɛ kpo zɔnɖokɖpo . ¹⁷ Vɔ oxo lɔ ko li okyɔɔn le oji yetɔnye mɛ o oganxixo ovii de jɛn wɛ ye nɔ tɛ do e wu na e ntyi onu li lo de alo ofun de na ɛmɛ ɖe va va do oxo lɔ wu ble ŋu wɛ ye nɔ jɛ nti. ¹⁸ Ɛmɛ ɖeye nɔ yi oxo lɔ do ɛŋu jaye mɛ ye wɛ nyi ɛmɛ ke nɔ se xo lɔ. ¹⁹ Vɔ ɛgbɛ mɛ we onui loye dɔɔkunnuye we ɛmɛ biblɛ kpodo ojlo gbokpwehe nɔ ɖyɛ yemɛ amɔ tu gbigbɔ do xo na oxo lɔ e ko nɔ syɛn okunti. ²⁰ Ɛmɛ deye nɔ yi xo lɔ do nyidan nywɛ ji ye wɛ nyi ɛmɛ ke nɔ se xo lɔ bo nɔ yi i e mɔ syɛn okun nukun de bo nɔ syɛn o gban ɖe mɔ syɛn kanɖe ko nukun bu mɔ syɛn kanwe ko. ²¹ Iwɛ e lɔ na ye lɔ byo na ɛmɛ ɖe ta zogbɛn le xwegbe e nɔ sɔ nu sɔ cɔn ɛ wɛɛ alo e nɔ sɔ ɖo batin gɔ wɛɛ e hɔn nyi onu ji hwɛn e nɔ sɔ ɖo wɛɛ. ²² Onu ɖekpokpwe ke le bibɛmɛ le hwi hlwa tyɔn na jɛ gbaŋugba onu ɖékpokpwe ke ye cɔn nu do na jɛ klinklwɛnnu. ²³ Na ɛmɛ de do too o do se nu ni bo ni bo se nu. ²⁴ Yesu ɛmɛ ɖe ɖo oto a do se nu ni bo ni bo se nu. Yesu mɔ lɔ na ye kebyo mi tɛ to ny mɛɖe do nu kena mi se nɔ lɔ ɔwu nujlɛɛgban ke na mi sɔdo jlɛ nu wɛ Mawu na sɔ do jlɛ na mi ye can e mɔ na mi do e ji. ²⁵ Do ɛmɛ ke soi onu le ye ma mɔ ni i do kpe vɔ ɛmɛ ke si na onu ɖe hɔn. le ye ɛmɛ ke si na onu ɖɖe hɔɔn le ye ma mɔ yi ovii ke le le e si lɔ. ²⁶ Yesu mɔ lɔ byo Mawu we xɔlu ɖuɖu lɔ le ɖi dahwe de ke flɛn nukun do nyidan ji nɔ ha. ²⁷ E dɔ awlɔnɔ le zan mɛ o e nɔ ŋuzɔn le keklo o nukun lɔ na wu amɔ hwɛn e lɔ ko nyɔ ke e nyi ɖo nɔ. ²⁸ Nyidan lɔ tete wɛ nɔ na ɛ ji nu kun lɔ tantyɛntɔn ɛjinukun we otin lɔ nɔ wu amɔ do ovi abɔ mɛ oɛvi lɔ mɔ va ɖo okun ganji. ²⁹ Na e va byo ye nɔ sɔ ɛjinujungbonu do e wu ɖo nukun ɖiɖe we ogan xu. ³⁰ Yesu mɔ lɔ le ke byo ŋŋumɛ wu lɛ mi na kpewu ewu klɛ xɔ luɖuɖu Mawu tɔn lɔ do alo o ol ŋɛ mi na do amɔ do lɔ xo do e wu. ³¹ E le ɖi tinkunvi ɖe ha ganke mɛ ye ba do e nɔ otinkunvi kete kete ke hwe hugan onukun ke le ɛgbɛ lɔ ɔ mɛ zɛtɛye seŋu. ³² E nyi na ye do e vɔ e nɔ wu amɔ va trɔ zun otin ɖaxo ke hugan otin zɛtɛye le ɛɛjikpa lɔ mɛ e nɔ ɖo aba daxo ɖaxoye gbɔɔn oxɛ ke nɔ zɔn gbɔn jɛ hɔn mɛ ye mɔ ɖo adɔ ³³ Yedu nɔ kplan Mawuxo lɔ ɛmɛye gbɔn olodido ke na susu mɛ exin ye mɔ do kpewu amɔ se egɔnmɛ. ³⁴ E hɔn nɔ lɔ xo na ye olo made vɔ na i kpo onukplanvi et ɔnye kpo va le ovo enɔ ɖe onu zɛtɛyɛe we gɔnmɛ na ye. ³⁵ Le gbexingbe lɔ we hwedo yesu lɔ na onukplanvi etɔnye tiun byo. mi a ta otɔ lɔ amɔ jɛ ago ɖe ɔ ji. ³⁶ Ye bo lɛ le onukplanvi lɛ ye bo kun yesu kpo otɔnji hun ke mɛ na e o le sa un lɔ do sɔn otɔji hun baye can bo le blɛ lɔ. ³⁷ I wɛ kpoŋ jɛhɔn sin syɛnu de bo cite ɛsin bo ɖyɛ otɔjihun lɔ mɛ nɔ gbɔɔn otɔ ji hun lɔ bo xwi gigɔ. ³⁸ Yesu bo le godo bo sɔ okɔ sɔ ɖo onji bo dɔ awlɔn nɔ ye bo fɔn ɛ bo lɔ ni i lɔ byo cica onukplan ɛmɛtɔ ku ke mi ba ku nɔ hɔn ɖi nuti do ŋu na we wɛɛ. ³⁹ Yesu bo fɔn bo ɖegbe do jɛ hɔn lɔ bo lɔ na otɔ lɔ tun byo bɔ nu ma se nu jɛ hɔn lɔ do te oɖo bo ɖo tototo. ⁴⁰ Yesu bo lɔ na ye tun byo ŋunɛ wa na mi do vɔ ɖoodo e mɔ mi hɔn ɖo xɔse hɔnɖyo wɛɛ. ⁴¹ Vivɔ ɖaxo ɖe bo jɛ ye ji ye bo lɔ na yeɖeye nɔ tun byo dahwe nɛ nyi e ke ma jɛ hɔn kpo otɔ kpo can nɔ se tonu ni i .